میزان بینک اور ماسٹر کارڈ کی کراس بارڈر ادائیگیوں کو فروغ دینے کیلئے"Spend Big, Win Big!"مہم کامیابی کے ساتھ اختتام پذیر

میزان بینک اور ماسٹر کارڈ کی کراس بارڈر ادائیگیوں کو فروغ دینے کیلئے"Spend Big, Win Big!"مہم کامیابی کے ساتھ اختتام پذیر

Admin   5:14 AM

کراچی: پاکستان کے سب سے بڑے اسلامی بینک میزان بینک نے ماسٹر کارڈ کے تعاون سے کراس بارڈرادائیگیوں کو فروغ دینے کیلئے  "Spend Big, Win Big!"مہم کاانعقاد کیا۔ اس مہم کے تحت صارفین کی میزان ماسٹر کارڈ ڈیبٹ کارڈ کو انٹرنیشنل ادائیگیوں کیلئے استعمال پر حوصلہ افزائی کی گئی جو محفوظ اور شریعہ کے مطابق گلوبل ادائیگیوں کے سلوشنزکو فروغ دینے کے بینک کے عزم کی عکاسی ہے۔

 

اس مہم کے اختتام پر ایک تقریب کا انعقاد کیا گیا جس میں فاتحین کو مختلف انعامات دیے گئے۔ ان انعامات میں ایک ہائبرڈ کار،الیکٹرک بائیکس، سمارٹ ڈیوائسز، عمرہ پیکجز، شاپنگ اور ڈائننگ واؤ چرزشامل تھے۔ میزان بینک کے ڈپٹی چیف ایگزیکٹو آفیسر سید عامر علی، گروپ ہیڈ کنزیومر فنانس احمد علی صدیقی، ہیڈ آف کارڈز عابدملک اور ماسٹرکارڈ پاکستان کے کنٹری منیجر ارسلان خان سمیت میزان بینک کی سینئر قیادت نے تقریب میں شرکت کی۔

 

اس موقع پر احمد علی صدیقی نے میزان ماسٹر کارڈ ڈیبیٹ کارڈ کے ذریعے انٹرنیشنل ڈیجیٹل ادائیگیوں کو فروغ دینے کی مہم پر روشنی ڈالتے ہوئے کہاکہ مہم میزان ماسٹر کارڈ ڈیبٹ کارڈ کے ذریعے بین الاقوامی ڈیجیٹل ادائیگیوں کے فروغ میں بہت موئثر ثابت ہوئی ہے اور میزان بینک کیش لیس ادائیگیوں کو فروغ دینے کیلئے اپنا کردار ادا کرتا رہے گا۔ ماسٹر کارڈپاکستان کے کنٹری منیجر ارسلان خان نے کہاکہ ماسٹر کارڈ اپنے صارفین کو محفوظ، موئثر اور باآسانی قابلِ رسائی عالمی ادائیگیوں کے سلوشنز فراہم کرنے کیلئے پُرعزم ہے

پی ٹی سی ایل گروپ نے آمدن میں 15 فیصد اضافہ کر کے شرحِ نمو برقرار رکھی

پی ٹی سی ایل گروپ نے آمدن میں 15 فیصد اضافہ کر کے شرحِ نمو برقرار رکھی

Admin   10:04 PM

اسلام آباد : ملک کی سب سے بڑی ٹیلی کام و ڈیجیٹل سروسز کمپنی، پاکستان ٹیلی کمیونی کیشن کمپنی لمیٹڈ (پی ٹی سی ایل) نے 30 ستمبر 2025 کو اختتام پذیر ہونے والی نوماہی کے مالی نتائج کا اعلان کردیا ہے۔ یہ اعلان اسلام آباد میں منعقدہ ادارے کےبورڈ آف ڈائریکٹرز کے اجلاس میں کیا گیا۔ پی ٹی سی ایل گروپ نے اپنی آمدن 15  فیصد اضافہ کرکے پاکستان کے سب سے بڑے مربوط ٹیلی کام سروسز فراہم کنندہ کے طور پر اپنی حیثیت مزید مستحکم کی ہے۔

مالیاتی نتائج کے اہم نکات:
• پی ٹی سی ایل گروپ (پی ٹی سی ایل، یوفون4G، یو بینک) کی آمدن میں گزشتہ سال کی اس سہ ماہی کے مقابلے میں 15 فیصد اضافہ ہوا، جس کی بنیادی وجہ فکسڈ براڈبینڈ، موبائل ڈیٹا، انٹرپرائز، اور کیریئر وہول سیل سروسز کی مضبوط کارکردگی تھی۔
• پی ٹی سی ایل کی آمدن میں سال بہ سال13  فیصد اضافہ ہوا، جس کیلئے فلیش فائبر میں 56 فیصد اور بزنس سلوشنز کے شعبے میں 17 فیصد نمو نے بنیاد فراہم کی۔
• کیریئر اور ہول سیل کاروبار نے 24 فیصد اضافے کے ساتھ اپنی ترقی کی رفتار برقرار رکھی، جبکہ بین الاقوامی کاروبار کے شعبے نے بھی سال بہ سال6  فیصد اضافہ ریکارڈ کیا۔
• مالی سال 2024 کے آغاز سے اب تک  کی مد ت کے دوران پی ٹی سی ایل کا آپریٹنگ منافع 57 فیصد اضافے کے ساتھ 12.9ارب روپے تک پہنچ گیا ہے، تاہم سپریم کورٹ آف پاکستان کے حکم کے تحت  تقریباً 5.9  ارب روپے کی  ایک بار کی اضافی پنشن  کی بُکنگ کے باعث  کمپنی کو   1.2 ارب روپے کا خالص نقصان اٹھانا پڑا۔
• یوفون4G  نے آمدن میں سال بہ سال 15 فیصد اضافہ کرکے تجارتی اور آپریشنل کارکردگی میں استحکام کا مظاہرہ کیا۔
• آمدن میں مسلسل اضافہ اور لاگت میں کمی کی حکمتِ عملی کے نتیجے میں یوفون نے مالی سال 2024 کے 1.6 ارب روپے کے مقابلے میں 11.9 ارب روپے کا مضبوط ای بی آئی ٹی حاصل کیا۔
• یو مائیکروفنانس بینک (یو بینک) نے گزشتہ سال کی تیسری سہ ماہی کے مقابلے میں اپنی آمدن میں 19 فیصد اضافہ ریکارڈ کیا۔

پی ٹی سی ایل گروپ کی نمایاں پیش رفت:
پی ٹی سی ایل کو مسابقتی کمیشن آف پاکستان (سی سی پی) کی جانب سے ٹیلی نار پاکستان کے مجوزہ حصول کے لیے فیز II کی منظوری مل گئی، جو ملک کے ٹیلی کام سیکٹر میں ترقی و استحکام کی جانب ایک اہم سنگ میل ہے۔ اس پیش رفت نے پی ٹی سی ایل گروپ کی مارکیٹ پوزیشن مزید مضبوط کی ہے اور ملک میں ڈیجیٹل رسائی کے فروغ اور حکومت کے ڈیجیٹل پاکستان وژن کے حصول میں ادارے کا کردار بڑھا دیا ہے۔

پی ٹی سی ایل فلیش فائبر نے 30 فیصد سالانہ اضافہ کے ساتھ سب سے تیزی سے ترقی کرنے والے فائبر براڈبینڈ آپریٹر کے طور پر مارکیٹ میں اپنی قائدانہ حیثیت برقرار رکھی، جبکہ صارفین کی تعداد کے لحاظ سے 35 فیصد مارکیٹ حصص کے ساتھ سب سے بڑی فائبر کمپنی رہی۔ کمپنی نے ''تیز رفتار'' آفر بھی متعارف کرائی، جس کے ذریعے صارفین کو رعایتی نرخوں پر تیز رفتار انٹرنیٹ فراہم کیا گیا۔

پی ٹی سی ایل کے بزنس سروسز شعبے نے آئی پی بینڈوڈتھ، کلاؤڈ، ڈیٹا سینٹر، اور آئی سی ٹی سلوشنز کے شعبوں میں اپنی قیادت برقرار رکھی، جس سے ایک علاقائی کنیکٹیویٹی مرکز کے طور پر پاکستان کی حیثیت مزید مستحکم ہوئی۔

سال2025  کی تیسری سہ ماہی میں پی ٹی سی ایل نے چین کے آپریٹرز کے ساتھ ایک تاریخی ٹرانس-پاکستان کنیکٹیویٹی معاہدہ کیا، جس سے مشرق و مغرب کے درمیان ڈیجیٹل تجارتی راستے مضبوط ہوئے۔ مزید برآں، کمپنی نے سنگاپور سے ماسے(فرانس) تک سب میرین کیبل پارٹنرشپ کے ذریعے ویٹ (wet) سیگمنٹ کیپیسٹی سیلز کا سنگ میل بھی حاصل کیا، جو پاکستان کے عالمی ڈیجیٹل نظام میں بڑھتے ہوئے کردار کو اجاگر کرتا ہے۔

انٹرپرائز بزنس نے فِن ٹیک جیسے نئے شعبوں تک توسیع کی اور نمایاں کامیابیاں سمیٹیں۔ ٹریکر اور آئی او ٹی سلوشنز کی مانگ بڑھی، جبکہ سرکاری اداروں کے ساتھ ایم ٹو ایم معاہدے بھی طے پائے۔

ہول سیل سیگمنٹ میں آئی پی بینڈوڈتھ اور مینیجڈ کیپیسٹی کی مضبوط ترقی دیکھنے کو ملی، جس سے کنٹینٹ ڈیلیوری نیٹ ورکس جیسی نئی ڈیجیٹل سروسز کو فروغ ملا۔ ملک بھر میں بالخصوص آزاد کشمیر اور گلگت بلتستان میں بڑی موبائل کمپنیوں کے ساتھ آئی پی بینڈوڈتھ اور سیٹلائٹ خدمات پر مبنی کنیکٹیویٹی کے معاہدے بھی طے پائے۔ ان میں ایک معروف سیٹلائٹ کمپنی کے ساتھ تاریخی معاہدہ بھی شامل ہے، جس کا مقصد پورے ملک میں براڈبینڈ رسائی کو وسعت دینا ہے۔

پی ٹی سی ایل نے پاکستان کی پہلی5G  ریڈی اسمارٹ رہائشی کمیونٹی متعارف کرائی، جو جدید طرزِ زندگی اور تیز رفتار کنیکٹیویٹی کا امتزاج ہے اور رہائشیوں کو مستقبل کے ڈیجیٹل لائف اسٹائل تک رسائی دیتی ہے۔ یہ سنگِ میل عالمی ٹیکنالوجیز کو مقامی سطح پر اپنا کر صارفین کو جدید اور انقلابی تجربات فراہم کرنے اور''ڈیجیٹل پاکستان''وژن کو آگے بڑھانے کی پی ٹی سی ایل کی صلاحیتوں کو اجاگر کرتا ہے ۔ مزید برآں، پی ٹی سی ایل نے آئی سی ٹی اور بنیادی سروسز کے شعبوں میں نمایاں مالیاتی اداروں اور سرکاری محکموں کے ساتھ اہم منصوبے بھی حاصل کیے۔
جدت اور اختراع کے فروغ کے اپنے عزم کے تحت پی ٹی سی ایل نے انڈسٹری میں پہلی بار واٹس ایپ کے ذریعے خودکار بل ڈیلیوری سروس متعارف کرائی، جس کے تحت صارفین اپنے ماہانہ بل براہِ راست اور سہولت کے ساتھ وصول کر سکتے ہیں۔
کمپنی نے پاکستان میں ایپل کے مجاز ڈسٹری بیوٹر مرکنٹائل کے ساتھ شراکت قائم کی، تاکہ کراچی، لاہور اور اسلام آباد میں آئی فون 17 سیریز کو یوفون اور پی ٹی سی ایل فلیش فائبر سروسز کے خصوصی پیکجز کے ساتھ متعارف کرایا جا سکے۔ اس شراکت کے تحت صارفین کو آفیشل  وارنٹی کے حامل ڈیوائسز فراہم کیے جا رہے ہیں،  جن میں صارفین کو اعلیٰ معیار کی کنیکٹیویٹی اور جدید ڈیجیٹل تجربہ مہیا کرنے کیلئے  توسیع شدہ وارنٹی، فوری انشورنس کوریج، اور بنڈل ٹیلی کام فوائد شامل کیے گئے ہیں ، جو پی ٹی سی ایل گروپ کے جدید اور قابلِ اعتماد خدمات فراہم کرنے کے عزم کے عین مطابق ہے۔
یوفون نے اپنے4G  صارفین کی تعداد میں 5.9 پرسنٹیج پوائٹس کا اضافہ کرکے ستمبر 2025 تک اسے 69.2 فیصد تک پہنچا دیا اور اپنی ترقی کی رفتار قائم رکھی۔ کمپنی نے اپنے نیٹ ورک کی جدید کاری کے دوران 44 فیصد3G  نیٹ ورک بند کر کے اسپیکٹرم وسائل کو4G  اور VoLTE کی بہتری کے لیے استعمال کیا۔

گروپ کے ڈیجیٹل اور فنانشل سروسز پورٹ فولیو نے مضبوط مالیاتی کارکردگی دکھائی۔ یوپیسہ کی خدمات 12 لاکھ ماہانہ فعال صارفین نے استعمال کیں، جو کہ گزشتہ برس اسی سہ ماہی کے مقابلے میں تقریباً 153 فیصد سال بہ سال نمو کی عکاسی کرتا ہے، جبکہ My Ufone ایپ کے ماہانہ فعال صارفین 65 فیصد اضافے کے ساتھ 54 لاکھ تک پہنچ گئے۔ یوفون نے ڈیجیٹل ریچارج کے شعبے میں بھی اپنی قائدانہ حیثیت برقرار رکھی۔

پی ٹی سی ایل گروپ نے پاکستان ڈیجیٹل ایوارڈز اور ایفی پاکستان کے بعد ''ڈریگنز آف پاکستان 2025'' میں چار ایوارڈز جیت کر اہم کامیابی اپنے نام کی۔ ان ایوارڈز میں گروپ کے سماجی خدمت کے پلیٹ فارم،''دل سے'' کے تحت تھر میں پینے کے صاف پانی کی فراہمی کے منصوبے کے لیے گولڈ ایوارڈ، ''ڈیٹا بہت ہے اور پی ایس ایل'' کے لیے برونز ایوارڈ، اور ''ہاکی ہے پاکستان کی شان'' اور ''ڈیٹا بہت ہے ویکلی گرانڈ آفر'' کے لیے دو بلیک ایوارڈ شامل ہیں۔ ان مہمات نے خالص پاکستانی جذبے، تخلیقی مہارتوں، اور ملک بھر میں ناظرین سے جوڑنے والے بامقصد ابلاغ کی اہمیت و افادیت کو اجاگر کیا ۔ ان میں سے ہر منصوبہ اُس جذبے اور مقصد کی عکاسی کرتا ہے جو پی ٹی سی ایل گروپ کے اقدامات کی سمت متعین کرتے ہیں۔

سماجی خدمات: ''دل سے'' اقدامات کے ذریعے مثبت تبدیلی کا فروغ
اپنے فلیگ شپ سماجی پلیٹ فارم، ''دل سے'' کے تحت پی ٹی سی ایل گروپ ملک بھر میں سماجی و معاشی شمولیت، خودمختاری، اور کنیکٹیویٹی کے فروغ کے لیے شراکت داریوں اور فلاحی پروگرامز کے ذریعے حقیقی تبدیلی لا رہا ہے۔
''بااختیار'' پروگرام کے پہلے مرحلے کی کامیابی کے بعد پی ٹی سی ایل گروپ نے پاکستان پاورٹی ایلیوی ایشن فنڈ  (پی پی اے ایف) کے ساتھ شراکت کو توسیع دے کرپروگرام کے دوسرے مرحلے کا آغاز کیا، جس کا مقصد کاروباری خواتین کی معاشی و ڈیجیٹل شمولیت کو فروغ دینا ہے۔ اس ضمن میں رجسٹریشن مہم کا آغاز کیا جا چکا ہے، جو ابتدائی طور پر راولپنڈی کی مسیحی اور چترال کی کالاش کمیونٹی سے شروع ہو کر ملک کے 23 شہروں تک پہنچے گی۔
مزید برآں، پی ٹی سی ایل گروپ اور پی پی اے ایف نے تھر اور جنوبی پنجاب کے پسماندہ علاقوں میں صاف پانی کی فراہمی کے لیے نیا معاہدہ کیا ہے، جس کے تحت ریورس اوسموسس پلانٹس، بارش کے پانی کے ذخیرہ نظام، اور ہینڈ پمپس لگائے جائیں گے، جن سے دو لاکھ سے زائد افراد مستفید ہوں گے۔
مزید برآں، پی ٹی سی ایل گروپ نے ملک کے متعدد علاقوں میں آنے والے حالیہ تباہ کن سیلابوں کے دوران آپریشنز کے استحکام اور مضبوطی کا شاندار مظاہرہ کیا۔ یوفون 4G نے سب سے زیادہ متاثر ہونے والے اضلاع میں لوگوں کو اپنے اہل خانہ اور ایمرجنسی سروسز سے رابطے میں مدد دینے کے لیے مفت کال منٹس فراہم کیے، جبکہ پی ٹی سی ایل نے متاثرہ صارفین کے لیے فکسڈ براڈبینڈ سروسز پر بل میں رعایت دی۔ یہ اقدامات کمیونٹی کی فلاح و بہبود کے لیے گروپ کے عزم اور بحران کے دوران ایک قابلِ اعتماد کنیکٹیویٹی پارٹنر کے طور پر اس کے کردار کی عکاسی کرتے ہیں۔

پی ٹی سی ایل گروپ نے ConnectHear کے اشتراک سے ''سُنو'' نامی ایک مصنوعی ذہانت پر مبنی پیشگی آگاہی نظام بھی متعارف کرایا ہے، جس کا مقصد ہنگامی حالات اور قدرتی آفات کے دوران سماعت سے محروم افراد کی مدد کرنا ہے۔ یہ نظام یوفون کے واٹس ایپ پلیٹ فارم کے ذریعے اشارتی زبان میں بالکل مفت ویڈیو الرٹس فراہم کرتا ہے، تاکہ بروقت اور قابلِ رسائی رابطہ ممکن ہو سکے۔ یہ اقدام ٹیکنالوجی کے ذریعے پسماندہ طبقات کی سماجی شمولیت بڑھانے اور عوامی تحفظ کے فروغ کے لیے پی ٹی سی ایل گروپ کی مسلسل کاوشوں کا اظہار ہے۔

فریزلینڈ کیمپینا اینگرو پاکستان لمیٹڈ نے تیسری سہ ماہی 2025 کے مالی نتائج کا اعلان کر دیا

فریزلینڈ کیمپینا اینگرو پاکستان لمیٹڈ نے تیسری سہ ماہی 2025 کے مالی نتائج کا اعلان کر دیا

Admin   11:38 PM

 فریزلینڈ کیمپینا اینگرو پاکستان لمیٹڈ )ایف سی ای پی ایل) نے 30 ستمبر 2025 کو ختم ہونے والی تیسری سہ ماہی کے مالی نتائج کا اعلان کر دیا۔

گزشتہ سال پیک شدہ دودھ پر سیلز ٹیکس کے نفاذ کے بعد سے یہ شعبہ مسلسل دباؤ کا شکار ہے۔ تاہم، کمپنی کی مؤثر حکمتِ عملی اور مربوط اقدامات کے باعث جزوی طور پر فروخت میں بہتری آئی اور مارکیٹ شیئر میں اضافہ دیکھا گیا۔ اس        دوران آمدنی     میں   گزشتہ سال کے اسی عرصے  کے مقابلے میں 2.8 فیصد کمی ریکارڈ کی گئی، تاہم     گروس مارجن میں 130 بیسس پوائنٹس کی بہتری حاصل ہوئی جو اخراجات میں کمی اور بہتر مصنوعات کے امتزاج کے باعث ممکن ہوا۔

کمپنی نے اپنے برانڈ ایکویٹی کو مضبوط بنانے کے لیے ایک جامع تشہیری مہم کا آغاز کیا، جسے ٹی وی، ڈیجیٹل پلیٹ فارمز اور اسٹورز پر فعال طور پر چلایا گیا۔ اولپرز کریم اور فلیورڈ ملک پر توجہ اور سرمایہ کاری کے نتیجے میں، سخت مسابقت کے باوجود ان کی فروخت میں نمایاں اضافہ دیکھنے میں آیا۔

  

فروزن ڈیزرٹس کے شعبے نے گزشتہ سال کے مقابلے میں 15 فیصد قدر (value) میں اضافہ حاصل کیا۔ یہ شعبہ صارفین کے لیے پرکشش قیمتوں پر نئی مصنوعات متعارف کراتا رہا اور اپنے پراڈکٹ پورٹ فولیو کو مزید مؤثر بنانے میں کامیاب رہا۔

مالی کارکردگی :

30 ستمبر 2025 کو ختم ہونے والی نو ماہ کی مدت کے مالی نتائج کا خلاصہ درج ذیل ہے:

	Nine months ended		Variation
(Rs. in million except EPS)	2025	2024
Net Sales	80,232	82,512	-2.8%
Operating Profit	6,957	5,941	+17.1%
% of sales	8.7%	7.2%	+147bps
Profit after tax	2,091	2,019	+3.6%
% of sales	2.6%	2.4%	159 bps
Earnings per share (Rs.)	2.73	2.63

مستقبل کا لائحہ عمل :

اگرچہ پیک شدہ دودھ پر 18 فیصد سیلز ٹیکس کا نفاذ اس صنعت کے لیے ایک بڑا چیلنج بنا ہوا ہے لیکن ایف سی ای پی ایل نے ثابت قدمی دکھائی ہے اور مسلسل مارکیٹ میں اپنا حصہ بڑھایا ہے۔ کمپنی اپنے صارفین کے لیے اعلیٰ معیار کی مصنوعات پیش کرتی رہے گی جنہیں موزوں پروڈکٹ پورٹ فولیو اور لاگت میں کمی کے ذریعے مزید بہتر بنایا جائے گا تاکہ منافع اور حصص داروں کی واپسی میں اضافہ ہو سکے۔

ایف سی ای پی ایل حکومتِ پاکستان سے مطالبہ کرتی ہے کہ وہ پیک شدہ دودھ پر سیلز ٹیکس کم کر کے ایک منصفانہ ٹیکسیشن نظام نافذ کرے۔ یہ اہم قدم پیک شدہ ڈیری صنعت کے پائیدار مستقبل کو یقینی بنانے میں مددگار ثابت ہوگا۔ اس کے علاوہ، یہ رعایت عوامی صحت کے تحفظ میں مدد دے گی کیونکہ یہ محفوظ اور غذائیت سے بھرپور دودھ تک عوام کی رسائی کو فروغ دے گی، کسانوں کے روزگار کو ترقیاتی پروگراموں میں مسلسل سرمایہ کاری کے ذریعے سہارا دے گی اور پاکستان کی گھریلو و بین الاقوامی مارکیٹوں میں مسابقتی حیثیت کو مضبوط کر کے مجموعی معیشت کو تقویت دے گی۔

ایف سی ای پی ایل میں، ہم حفظانِ صحت، خوراک کے معیار اور پائیداری کے اعلیٰ ترین معیارات کے پابند ہیں اور روزانہ لاکھوں پاکستانیوں کو محفوظ، سستا اور غذائیت سے بھرپور دودھ فراہم کرنے کے لیے پرعزم ہیں۔

اسپاٹیفائی کی جانب سے لمز کیمپس میں ہپ ہاپ موسیقی کا رنگا رنگ ایونٹ

اسپاٹیفائی کی جانب سے لمز کیمپس میں ہپ ہاپ موسیقی کا رنگا رنگ ایونٹ

Admin   11:11 PM

لاہور ؛  پاکستان میں ہپ ہاپ میوزک کے بڑھتے ہوئے رجحان کو ایک نئے رنگ میں پیش کرتے ہوئے اسپاٹیفائی نے لاہور یونیورسٹی آف مینجمنٹ سائنسز (لمز) میں ایک شاندار آن کیمپس ایونٹ کا انعقاد کیا۔ یہ رنگا رنگ تقریب بعنوان اصلی آن کیمپس (A.S.L.I on Campus) منعقد ہوئی جس نے نوجوان نسل اور ہپ ہاپ کلچر کے گہرے تعلق کو اجاگر کیا، اور اسپاٹیفائی نے روایتی انداز سے موسیقی، رقص اور لوگوں کیلئے ایک منفرد ماحول پیدا کیا۔

پاکستان کی سب سے بہترین یونیورسٹی لمز کی میوزک سوسائٹی کے اشتراک سے منعقدہ اس پروگرام نے یونیورسٹی کیمپس کے ماحول کو تخلیقی اظہار اور خود اعتمادی کے ایک جاندار مرکز میں بدل دیا۔ ڈی جے اخون اور قاضی کے لائیو سیٹ سے لے کر مقامی ہپ ہاپ آرٹسٹ دانیا کنول کی خصوصی پرفارمنس اور لمز میوزک سوسائٹی کی طرف سے پیش کی گئی خصوصی پرفارمنسز کے سیٹ تک، طلباء نے براہِ راست محسوس کیا کہ یہ صنف محض ایک موسیقی کی تحریک نہیں رہی، بلکہ ایک ایسی ثقافتی قوت بن چکی ہے جو نوجوان پاکستانیوں کو ایک پہچان فراہم کررہی ہے۔

اس تقریب میں شام کا سب سے دلکش لمحہ اس وقت سامنے آیا جب معروف ڈانس گروپ ڈائنامائٹ کریو (Dynamite Crew) کے بانی کاظم رضا کی زیرِ قیادت ایک انرجی سے بھرپور ڈانس کلاس منعقد ہوئی۔اسپاٹیفائی کی طرف سے خصوصی طور پر مرتب کردہ "A.S.L.I"پلے لسٹ کے گیتوں پر مشتمل اس سیشن نے طلباء کو پاکستانی ہپ ہاپ کی اصل روح، انداز اور توانائی سے روشناس کرایا۔

اسپاٹیفائی کے پاکستان و مراکش کے مارکیٹنگ منیجر طلحہ ہاشم نے کہا، ''ہپ ہاپ اب پاکستان میں کوئی محدود صنف نہیں رہی، بلکہ یہ نوجوان نسل کی آواز بن چکی ہے۔ اسپاٹیفائی اس رجحان کو نوجوانوں میں پیش کررہا ہے کیونکہ یہ سب سے زیادہ وہیں پروان چڑھتا ہے۔ یہ محض ایک تقریب نہیں، بلکہ ایک بڑی تبدیلی ہے جو آواز، تخلیق اور شناخت کو یکجا کرتی ہے۔''

تقریب میں مختلف دلچسپ سرگرمیاں بھی شامل تھیں، جہاں طلباء کے سامنےBlend اور daylist جیسے فیچرز کے ذریعے یہ بات سامنے آئی کہ موسیقی کس طرح مختلف ذوق اور مزاج رکھنے والے افراد کو ایک دوسرے سے جوڑتی ہے۔ اس حوالے سے خصوصی انتظامات، فوٹو اسپیسز اور آن گراؤنڈ سرگرمیوں نے لمز کیمپس کو ہپ ہاپ کلچر کے مرکز میں بدل دیا۔ لاہور کے کئی مشہور تخلیق کاروں نے بھی اس تقریب میں شرکت کی اور اپنے پلیٹ فارمز کے ذریعے اس تجربے کو ملک بھر کے شائقین کے سامنے لے کر آئے۔

ایسے اقدامات کے ذریعے اسپاٹیفائی نہ صرف پاکستان میں موسیقی کو پیش کرنے والے سب سے بڑے پلیٹ فارم کے طور پر اپنی پوزیشن مستحکم کر رہا ہے بلکہ مقامی گلوکاروں اور مستقبل ثقافتی رجحانات کو عالمی سطح پر اجاگر کرنے میں بھی اہم کردار ادا کر رہا ہے۔

او آئی سی سی ممبران نے 2024میں 2.7​ ٹریلین روپے کا ٹیکس اداکیا

او آئی سی سی ممبران نے 2024میں 2.7​ ٹریلین روپے کا ٹیکس اداکیا

Admin   5:43 AM

او آئی سی سی ممبران نے 2024میں 2.7 ٹریلین روپے کا ٹیکس اداکیا

کراچی: اوورسیز انوسٹرز چیمبر آف کامرس اینڈ انڈسٹری (OICCI)نے2024 کیلئے اپنی سالانہ معاشی و مالیاتی شراکت رپورٹ جاری کردی ہے۔رپورٹ کے مطابق میکرو اکنامک چیلنجنگ حالات کے باوجود او آئی سی سی آئی کے ممبران نے پاکستان کی مارکیٹ میں ریزیلنس اور طویل المدّتی اعتماد کا اظہار جاری رکھا اور تمام اہم مالیاتی اشاریوں میں کلیدی شراکت داری کی اوراو آئی سی سی آئی کے ممبران کی کنٹریبیوشن نے ملکی معیشت کے استحکام پر مثبت اثرات مرتب کیے۔

اوآئی سی سی آئی کی ممبر کمپنیوں نے مالیاتی سال 2024کے دوران 1.2ٹریلین روپے کا قبل از ٹیکس منافع حاصل کیا جو 2020سے 2024کے دوران 34فیصد کی سالانہ مضبوط شرح نمو کی عکاسی ہے۔اس عرصہ کے دوران او آئی سی سی آئی کے ممبران کا مجموعی ٹرن اوور 11ٹریلین روپے سے تجاوز کرگیا اور حکومت کوٹیکس اور دیگر محصولات کی مد میں 2.7ٹریلین روپے کی ادائیگیاکی گئیں جو روزانہ کی بنیادپر تقریباً10ارب روپے بنتاہے اور ایف بی آر کی مجموعی ٹیکس وصولیوں کے 30فیصد کے برابر ہے۔ اس عرصہ کے دوران او آئی سی سی آئی کے ممبران کے مجموعی اثاثے34ٹریلین روپے جبکہ کیپٹل اخراجات(CAPEX)          470 ا رب روپے سے زائد رہے۔

گزشتہ دہائی کے دوران پاکستان میں کام کرنے والے غیر ملکی سرمایہ کاروں،خاص طورپر او آئی سی سی آئی کے ممبران نے نئے سرمایہ کاروں کے مقابلے میں ملک پر زیادہ پائیدار اعتماد کا مظاہرہ کیا۔ مالی سال 2015سے 2024کے درمیان، او آئی سی سی آئی کے ممبران کی مجموعی سرمایہ کاری 22.9ارب ڈالر رہی جو اسی عرصہ کے دوران پاکستان میں 22.1ارب ڈالر کی مجموعی نئی براہِ راست غیر ملکی سرمایہ کاری (FDI)سے بھی زیادہ ہے۔او آئی سی سی آئی ممبران کی یہ دوبارہ سرمایہ کاری ملک کی طویل المدّتی اقتصادی صلاحیت پر غیر ملکی سرمایہ کاروں کے اعتماد کو اجاگرکرتی ہے۔

سیکٹر کے لحاظ سے آئل اینڈ گیس، بینکنگ، ٹیلی کمیونیکیشن اور کیمیکل انڈسٹریز کلیدی شراکت دار رہیں۔ صرف بینکنگ اور فنانس سیکٹر نے مجموعی ممبراثاثوں کی 73فیصد نمائندگی کی جو مالیاتی خدمات کی ترقی اور منافع کی عکاسی ہے۔

 او آئی سی سی آئی کے سیکریٹری جنرل ایم عبدالعلیم نے رپورٹ پرتبصرہ کرتے ہوئے کہاکہ 30ممالک کے او آئی سی سی آئی ممبران جو ملک کے 13کلیدی شعبوں میں سرگرمِ عمل ہیں پاکستان کی ترقی کیلئے اپنی گہری وابستگی اوراعتماد کا مسلسل مظاہرہ کررہے ہیں۔ یہاں تک کہ غیر یقینی عالمی صورتحال اور مقامی چیلنجز کے باوجود او آئی سی سی آئی کے ممبران نے نہ صرف اپنی سرمایہ کاری کو برقراررکھا بلکہ اس میں توسیع کی اورروزگار کے مواقع پیداکیے، بھاری ٹیکسز ادا کرنے کے ساتھ ساتھ انڈسٹریز میں جدّت کو فروغ دیا۔

انہوں نے کہاکہ او آئی سی سی آئی پاکستان میں غیر ملکی سرمایہ کاروں کیلئے پہلا پلیٹ فارم ہے اورسرمایہ کاری کے نئے مواقع، نئی غیر ملکی سرمایہ کاری کو راغب کرنے اور پائیدار اقتصادی ترقی کو یقینی بنانے کیلئے او آئی سی سی آئی پالیسی اصلاحات کیلئے کوششیں جاری رکھے گی۔

 30سے زائد ممالک کے او آئی سی سی آئی کے ممبران 13اہم شعبوں میں پاکستان کے قومی خزانے، انفرااسٹرکچر کی ترقی اور برآمدی صلاحیت میں نمایاں کردار ادا کررہے ہیں۔

پی ٹی سی ایل گروپ ​پاکستان میں کاروباری صارفین کو ایپل کی تمام مصنوعات تک رسائی دی گا

پی ٹی سی ایل گروپ ​پاکستان میں کاروباری صارفین کو ایپل کی تمام مصنوعات تک رسائی دی گا

Admin   12:14 AM

جائٹیکس گلوبل 2025: پی ٹی سی ایل گروپ نے کاروباری صارفین کو تمام ایپل مصنوعات تک رسائی دینے کیلئے مرکنٹائل کے ساتھ شراکت داری کو وسعت دے دی

دبئی/اسلام آباد –  پاکستان کے سب سے بڑے ٹیلی کمیونی کیشن اور مربوط آئی سی ٹی سروسز فراہم کرنے والے ادارے، پی ٹی سی ایل گروپ (پی ٹی سی ایل و یوفون 4G) نے پاکستان میں ایپل کے مجاز ڈسٹری بیوٹر اور سروس فراہم کنندہ ، مرکنٹائل (Mercantile) کے ساتھ اسٹریٹجک شراکت داری پر دستخط کیے ہیں، جس کے تحت ملک بھر میں پی ٹی سی ایل گروپ کے کاروباری صارفین کو ایپل کی تمام مصنوعات تک رسائی دی جائے گی۔

جائٹیکس گلوبل 2025 دبئی میں منعقدہ ایک تقریب میں گروپ چیف بزنس سلوشنز آفیسر، پی ٹی سی ایل و یوفون 4G، آصف احمد اور سی ای او پاکستان، ایس وی پی سیج-مرکنٹائل، نعمان درانی نے باہمی معاہدے پر دستخط کیے۔ صدر و گروپ سی ای ا و، پی ٹی سی ایل و یوفون 4G، حاتم بامطرف اور دونوں اداروں کے اعلیٰ عہدیداران بھی تقریب میں شریک ہوئے۔ معاہدے کے تحت پی ٹی سی ایل گروپ اور مرکنٹائل مل کر جدید ٹیکنالوجی تک رسائی بڑھانے، توسیعی سپورٹ سروسز کے ذریعے کسٹمر کے اعتماد کو فروغ دینے، مشترکہ اقدامات کے ذریعے مارکیٹ تک رسائی کی صلاحیتوں کو مضبوط بنانے اور اشتراکی مہمات کے ذریعے مارکیٹ میں اپنے کردار کو مستحکم کرنے کے لیے اقدامات کریں گے۔

اس شراکت داری کے تحت ''ڈیوائس ایز اے سروس'' (DaaS) ماڈل کے ذریعے جدید فنانسنگ کے مواقع بھی فراہم کیے جائیں گے، جس سے اداروں اور ملازمین کو یکساں طور پر بااختیار بنانے کیلئے ابتدائی سرمایہ کاری کی رکاوٹوں کو کم کیا جا سکے گا۔

تقریب سے خطاب میں چیف بزنس سلوشنز آفیسر، پی ٹی سی ایل و یوفون 4G، آصف احمد نے کہا، ''ہم اپنے کاروباری صارفین کے لیے ایپل کی جدید ٹیکنالوجی تک رسائی بڑھانے کے اقدام پر بے حد خوش ہیں۔ ہم ڈی اے اے ایس فریم ورک کی شمولیت سے انٹرپرائز موبلٹی کو زیادہ اسمارٹ، توسیع پذیر اور مالی طور پر قابلِ عمل بنا کر اپنے صارفین کی سہولت میں اضافہ کر رہے ہیں۔ یہ اقدام پی ٹی سی ایل گروپ کے اس پختہ یقین سے جُڑا ہے کہ اختراعی ٹیکنالوجی کی بے مثال طاقت کاروباری اداروں کو بدلنے کی صلاحیت رکھتی ہے۔''

اس موقع پر نعمان درانی، سی ای او پاکستان، ایس وی پی سیج-مرکنٹائل نے کہا، ''ہم پی ٹی سی ایل گروپ کے ملک گیر نیٹ ورک کے ذریعے ایپل کی معیاری مصنوعات کو پاکستان کی وسیع تر کاروباری برادری تک پہنچانے پر خوش ہیں۔ ایپل کی مصنوعات اور سروسز معیار اور کسٹمر کے اعتماد کی علامت ہیں، جو پاکستان کے انٹرپرائز سیکٹر میں ڈیجیٹلائزیشن کے عمل کو تیز کر سکتی ہیں تاکہ اس کی ترقی اور پائیداری کو یقینی بنایا جا سکے۔ مرکنٹائل اور پی ٹی سی ایل گروپ کا مشترکہ وژن اور کوششیں اسی مقصد کے حصول کیلئے یکجا ہوئی ہیں اور پاکستان کے ڈیجیٹل مستقبل کے فروغ میں پاکستان ٹیلی کمیونی کیشن اتھارٹی (پی ٹی اے) کی قیمتی معاونت ہمارے مشترکہ وژن کی افادیت کی عکاس ہے۔''
اس شراکت داری سے پی ٹی سی ایل گروپ عالمی ٹیکنالوجی لیڈرشپ کو جدید ڈلیوری ماڈلز کے ساتھ یکجا کرنے کے قابل ہوا ہے جس سے پاکستان بھر میں کاروباری اداروں کی ڈیجیٹل ٹرانسفارمیشن کے عمل کو تیز کیا جا سکے گا۔

موبی لنک بینک نے بینکاری شعبے میں ’بیسٹ پلیس ٹو ورک ‘ کا اعزاز اپنے نام کرلیا

موبی لنک بینک نے بینکاری شعبے میں ’بیسٹ پلیس ٹو ورک ‘ کا اعزاز اپنے نام کرلیا

Admin   4:52 AM

اسلام آباد،  پاکستان کے صف اول کے ڈیجیٹل مائیکروفنانس بینک، موبی لنک بینک نے ایک بار پھر اپنے منفرد ورک کلچر اور افرادی قوت کے حوالے سے بہترین پالیسیوں کے باعث 'بیسٹ پلیس ٹو ورک پاکستان ایوارڈز 2025 ' میں بینکاری شعبے میں بہترین ادارے کا اعزاز اپنے نام کرلیا ہے۔ پاکستان کے ہیومن ریسورس کے شعبے میں اس ایوارڈ کا شمار سب سے نمایاں اور باوقار ایوارڈز میں ہوتا ہے، جس کا انعقاد پاکستان سوسائٹی آف ہیومن ریسورس مینجمنٹ (PSHRM) نے انگیج کنسلٹنگ کے اشتراک سے کیا۔

یہ کامیابی بینک کی جانب سے ایک ایسی معاون اور جامع ادارہ جاتی ثقافت کو فروغ دینے کے عزم کی عکاسی کرتی ہے، جو صلاحیتوں کی نشوونما کرنے اور پیشہ ورانہ ترقی کے مواقع فراہم کرنے کے ساتھ ساتھ پیشہ ورانہ اور ذاتی زندگی کے مابین ایک صحت مند توازن قائم کرتی ہے، تاکہ ملازمین کے اطمینان اور فلاح و بہبود کو فروغ مل سکے۔

موبی لنک بینک کو یہ ایوارڈ کراچی میں منعقدہ تقریب میں دیا گیا، جہاں بینک نے حتمی مرحلےمیں کئی معروف بینکوں پر سبقت حاصل کرکے ایوارڈ اپنے نام کیا۔ یہ ایوارڈ انگیج کنسلٹنگ پاکستان کی جانب سے مرتب شدہ ایک تفصیلی اور اعداد و شمار پر مبنی جائزے کے بعد دیا گیا، جس میں ملازمین کی آراء اور ادارہ جاتی کارکردگی کا جائزہ لیا گیا۔

ایوارڈ کے حق دار ادارے کا انتخاب کئی مسابقتی جہتوں پر مبنی تھا، جن میں ملازمین کے تجربات اور انگیجمنٹ، قیادت اور تنظیمی ثقافت، افرادی قوت پر مبنی پالیسیاں اور طریقہ کار، تنوع، برابری اور شمولیت کے علاوہ انڈسٹری بینچ مارکس کے مقابلے میں ایمپلائر برانڈ کا تاثر شامل تھا۔ درجنوں اداروں میں سے صرف وہی ادارے حتمی مرحلے تک پہنچ پائے، جنہوں نے ان تمام پہلوؤں میں غیر معمولی کارکردگی دکھائی، جس سے موبی لنک بینک کی لوگوں کو اولین ترجیح دینے کی حکمت عملی واضح ہوتی ہے۔

ایوارڈ سے متعلق اظہارِ خیال کرتے ہوئے موبی لنک بینک کے صدر و سی ای او حارث محمود چوہدری نے کہا،''اس کامیابی کا مکمل سہرا ہمارے لوگوں کو جاتا ہے، جو موبی لنک بینک کی اصل طاقت ہیں اور اس کی ترقی کو فروغ دینے اور اس کے مقاصد کے حصول میں اپنا کردار ادا کرتے ہیں۔ ہمارا مانناہے کہ کامیاب ادارہ وہی ہوتا ہے جو اپنے لوگوں کو ترجیح دیتا ہے، اور یہ ایوارڈ اس بات کا ثبوت ہے کہ ہم درست سمت میں آگے بڑھ رہے ہیں۔ بینکاری کے شعبے میں بہترین ادارے کے اعزاز سے اپنی کارکردگی کو مزید بہتر کرنے کا ہمارا عزم مستحکم ہوا ہے۔''

موبی لنک بینک کی چیف پیپل آفیسر، علینہ تنویر نے کہا، '' یہ ایوارڈ اس مثبت اور بااعتماد ماحول کا ثبوت ہے جو ہم سب نے مل کر تشکیل دیا ہے، جہاں ہر شخص کو ترقی کرنے، سیکھنے اور مضبوط وابستگی محسوس کرنے کا موقع ملتا ہے اور جب لوگوں کو تعاون اور اہمیت ملتی ہے تو بہترین کارکردگی خودبخود سامنے آجاتی ہے۔''

یہ ایوارڈ رواں سال کے آغاز میں موبی لنک بینک کو ملنے والے ٹاپ ایمپلائر سرٹیفکیشن کے بعد بینک کی کامیابیوں میں ایک اور سنگِ میل ہے، جس نے پاکستان کے سب سے جدید اور ملازمین کو نمایاں اہمیت دینے والے اداروں کی فہرست میں موبی لنک بینک کو نمایاں مقام دلا دیا ہے۔