Pages
‏حبیب بینک لمیٹڈ لیبل والی اشاعتیں دکھا رہا ہے۔ سبھی اشاعتیں دکھائیں
‏حبیب بینک لمیٹڈ لیبل والی اشاعتیں دکھا رہا ہے۔ سبھی اشاعتیں دکھائیں

ہفتہ، 22 اکتوبر، 2016

حبیب بینک کوٹیکس دینے کے بعد25 ارب روپے کا منافع، شیئر ہولڈرز کے لئے بڑا اعلان

 
کراچی:  ایچ بی ایل نے سال 2016 کے پہلے 9 ماہ کے مالیاتی نتائج میں فی حصص آمدن 17.47 روپے کے ساتھ 25.8 ارب روپے کا بعد از محصول منافع کا اعلان کیا ہے۔ ان نتائج کے ساتھ بینک نے تیسری سہ ماہی کے لئے 3.5 روپے فی حصص (35 فیصد) دینے کا اعلان کیا ہے ۔ 


ایچ بی ایل کی بیلنس شیٹ دسمبر 2015 کے مقابلے میں 7 فیصد اضافے سے 2.4 کھرب روپے ہوگئی ہے۔ کرنٹ اکاو ¿نٹ سیونگ اکاو ¿نٹ (CASA) کے مقامی ڈپازٹس میں 9 فیصد اضافہ ہوا جبکہ 30 ستمبر تک کرنٹ اکاو ¿نٹ سیونگ اکاو ¿نٹ مکس میں 89 فیصد بہتری آئی۔مقامی ڈیپازٹس مکس میں بہتری کا سلسلہ جاری رہا اور اب 35.6 فیصد ڈیپازٹس کرنٹ اکاو ¿نٹس پر مبنی ہیں۔ سال 2016 کے ابتدائی 9 ماہ میں اوسط کرنٹ اکاو ¿نٹس میں سال 2015 کے اسی عرصے کے مقابلے میں 19 فیصد اضافہ ہوا ہے جس کی بدولت ایچ بی ایل مقامی ڈیپازٹس کی لاگت میں کمی لانے کے قابل ہوا۔ تمام شعبہ جات میں اوسط مقامی قرضوں کے اضافے کے ساتھ بینک کی خالص مارک آپ آمدن سال 2016 کے پہلے 9 ماہ میں 7 فیصد اضافے سے 62.2 ارب روپے ہوگئی ہے۔ 

فیس اور کمیشن کے حصول میں بھی بہتری کا سلسلہ جاری ہے اور اس مد میں سال 2016 کے پہلے 9 ماہ کے دوران 18 فیصد اضافے سے 13.7 ارب روپے کا اضافہ ہوا۔ بنکاشورنس، ٹریڈ، انویسٹمنٹ بینکنگ اور جنرل بینکنگ سے متعلق فیسوں سے حاصل آمدن میں نمایاں کردار ادا کیا ۔ بہتر وصولیوں کے ساتھ بینک سال 2015 کے ابتدائی 9 ماہ کے مقابلے میں پرو ویژن میں بھی 58 فیصد کمی لانے کے قابل ہوگیا۔ جبکہ سال 2015 میں اسی عرصے کے مقابلے میں انتظامی اخراجات 10 فیصد تک محدود رہے۔ غیر فعال قرضوں کی شرح کوریج گزشتہ سہ ماہی کے مقابلے میں 30 ستمبر 2016 تک 90 فیصد تک ہوگئی۔ 

ایچ بی ایل نئی اور جدید سہولیات کی فراہمی کے لئے پرعزم ہے اور سال کے اوائل میں وہ پاکستان کا پہلا بینک بن گیا جس میں صارفین موبائل ایپ کے ذریعے بائیو میٹرک سے سائن ان ہو سکتے ہیں۔ بینک اپنی سروس کی سطح میں مسلسل بہتری لانے کے لئے کام کررہا ہے تاکہ اپنے صارفین کے تجربے میں پہلے سے زیادہ بہتری لائی جائے۔ ایچ بی ایل نے تقریبا 2 ہزار اے ٹی ایمز(ATMs)، 14 ہزار سے زائد پی او ایس (POS)مشینز نصب کیں جو مختلف اقسام کے صارفین کو باسہولت رسائی فراہم کرتے ہیں۔ 

مجموعی کیپٹل ایڈوکیسی ریشو (CAR) 30 ستمبر 2016 تک 16.4 فیصد رہا جبکہ ٹیئر 1 کیپیٹل ایڈوکیسی ریشو 12.7 فیصد رہا جو مذکورہ بالا ریگولیٹری اتھارٹی سے زاید ہے۔ رواں سال JCR-VISکی جانب سے بینک کی کریڈٹ ریٹنگ AAA/A-1+ بالترتیب طویل المیعاد اور مختصر المیعاد دورانئے کے لئے دوبارہ توثیق کی ہے جو ایچ بی ایل کے بہترین لیکویڈیٹی پروفائل اور بینک کی منظم اہمیت کی عکاس ہیں۔ 

ایچ بی ایل نے ٹھوس نتائج کی فراہمی کا سلسلہ جاری رکھا ہے۔ بڑھتے ہوئے مارکیٹ سرمائے اور بنیادی سرمائے کے ساتھ بینک سب سے بڑے کمرشل بینک کے طور پر ترقی کے مواقع سے فائدہ اٹھانے کے لئے تیار ہے اور پاکستان کے وسیع ترین بینک کی حیثیت سے بینک پاکستان کی ترقی میں بھی کردار نبھانے کے لئے تیار ہے۔ 

پیر، 10 اکتوبر، 2016

ایچ بی ایل کی پلیٹنم جوبلی کے موقع پر #پاکستان پوسٹ آفس نے یادگاری ڈاک ٹکٹ جاری کردیا

 
ایچ بی ایل کی75ویں سالگرہ کے قابل فخر موقع پر پاکستان پوسٹ آفس نے یادگاری ٹکٹ جاری کردیا ہے۔ 8 روپے مالیت کا یہ ڈاک ٹکٹ پاکستان بھر کے تمام ڈاکخانوں میں فروخت کے لئے دستیاب ہوگا۔


ایچ بی ایل کی تاریخ پاکستان کی بینکنگ صنعت کی تاریخ کے ساتھ ساتھ ہے۔ ایچ بی ایل برصغیر ہند کے مسلمانوں کے لئے 1941 میں قائم ہونے والا پہلا بینک تھا اور آج یہ ملک میں کام کرنے والا سب سے بڑا عالمی بینک ہے۔ ایچ بی ایل کا قیام پاکستان کی تاریخ سے منسلک ہے اور اس وجہ سے یہ وہ ادارہ رہا ہے جس نے قوم کی معاشی ترقی میں نمایاں کردار ادا کیا ہے۔ 

پاکستان پوسٹ آفس نے ایچ بی ایل کی سلور اور گولڈن جوبلی کے موقع پر بھی یادگاری ٹکٹ جاری کئے تھے۔ پلیٹنم جوبلی کے موقع پر یادگاری ٹکٹ جاری کر کے ایچ بی ایل نے ہر سنگ میل پر آنے والی سالگرہ پر پر یاد گاری ڈاک ٹکٹ جاری کرنے کی روایت کو برقرار رکھا ہے۔

 ایچ بی ایل پاکستان کا سب سے بڑا بینک ہے ۔دنیا کے چار براعظموں کے 25 ممالک پر پھیلے ہوئے بینک کی 1700 سے زائد برانچز اور 1900 سے زائد اے ٹی ایمز ہیں ۔ بینک کے صارفین کی تعداد 85 لاکھ سے زیادہ ہے ۔ 

جمعرات، 26 مئی، 2016

پاکستان کے سب سے وسیع بینک، حبیب بینک نے فرسٹ مائیکرو فنانس بینک کے51 فیصد شئیرز حاصل کر لئے

 


کراچی:  ایچ بی ایل نے فرسٹ مائیکرو فنانس بینک کے51 فیصد شیئرز حاصل کر لئے ہیں۔ فرسٹ مائیکرو فنانس بینک پاکستان کا پہلا اور سب سے پرانا مائیکرو فنانس بینک ہے جو ملک کے 66 اضلاع میں 150 مقامات پر موجود ہے۔ فرسٹ مائیکرو فنانس بینک کی بنیاد آغا خان رولر سپورٹ پروگرام (AKRSP ) کے کریڈٹ اور سیونگ پروگرام سے منسلک ہے جو 1982 میں شروع کیا گیا تھا۔اسلام آباد میں ایک تقریب کے دوران شہزادی زہرہ آغا خان اور پرنس رحیم آغا خان کی موجودگی میں معاہدے پر دستخط کئے گئے۔

 فرسٹ مائیکرو فنانس بینک اپنے کسٹمرز کی تبدیل ہوتی ہوئی ضروریات کو مد نظر رکھتے ہوئے مختلف نوعیت کی پروڈکٹس اور سروسز فراہم کرتا ہے بشمول آسان شرائط کے حامل مختلف اقسام کے قرضے جو دیہی ، شہری اور نیم شہری علاقوں میں بینکاری کی سہولت سے غیر آ راستہ عوام کی مالی ضروریات کے مطابق ہوتے ہیں۔بینک تمام قرض خواہوں کیلئے کریڈٹ اور سیونگ سروسز کے ساتھ زندگی ، صحت اور مالی واجبات سے منسلک پریشانیوں سے نمٹنے کیلئے مائیکرو انشورنس پروڈکٹس بھی پیش کرتا ہے ۔

اس موقع پر اپنی رائے دیتے ہوئے ایچ بی ایل کے چیئرمین سلطان علی الانہ نے کہا
” یہ حصول ایچ بی ایل کے مالی شمولیت کے شعبے میں سر فہرست ادارہ بننے کے عزم کے مطابق ہے ۔ ہم پاکستان بھر میں رہنے والے معاشرے کے تمام طبقوں کو خدمات فراہم کرنے کیلئے کوشاں ہیں۔“

ایچ بی ایل کے پریذیڈینٹ اور سی ای او ، نعمان کے ڈار نے کہا
” آج کی سرمایہ کاری کی بدولت ایچ بی ایل مائیکرو فنانس کے شعبے سے براہ راست منسلک ہو جائیگا، شمولیت میں اضافہ کر سکے گا اور کسٹمر ز کی تعداد میں تیزی سے اضافہ کر سکے گا۔ ایچ بی ایل فرسٹ مائیکرو فنانس بینک کو رہنمائی فراہم کرے گا اور ان کو برانچ لیس اور موبائل بینکنگ سروسز کے استعمال کے لئے ٹیکنالوجی فراہم کرے گا کیونکہ یہ سروسز معاشرے کے ایک بہت بڑے طبقے کو سہولیات فراہم کرنے کے لئے نہایت موزوں ہیں۔ “

جمعرات، 12 مئی، 2016

ایچ بی ایل اور ماسٹر کارڈ نے خواتین کے لئے ”ایچ بی ایل نساء ڈیبٹ ماسٹر کارڈ “ متعارف کروادیا

 


کراچی:  ایچ بی ایل اور ماسٹر کارڈ نے ایچ بی ایل پلازہ میں منعقد کی جانے والی ایک تقریب میں ایچ بی ایل نساءڈیبٹ ماسٹر کارڈ متعارف کروادیا ۔ایچ بی ایل نساءڈیبٹ ماسٹر کارڈ سروس کا اجراءبینک کی جانب سے خواتین کیلئے مخصوص بینکنگ پلیٹ فارم میں ایک اضافہ ہے ۔
ایچ بی ایل پاکستان کے ان اداروں میں شامل ہے جن میں خواتین کسٹمرز کی تعداد بہت زیادہ ہے اور اسی مناسبت سے بینک ملک بھر کی لاکھوں خواتین کو ایچ بی ایل نساءکے ذریعے بینکنگ خدمات اور پروڈکٹس سے منسلک کرنے کا عزم رکھتا ہے۔

اس تقریب میں محترمہ سیماکامل ، ہیڈ آف برانچ بینکنگ ، نوید اصغر ، چیف مارکیٹنگ آفیسر ، دانش ہاشمی ، ہیڈ آف ریٹیل پروڈکٹس گروپ اور محترمہ سمیرہ عمر ، ہیڈ آف ویمن مارکیٹ پروگرام نے ایچ بی ایل کی نمائندگی کی۔

تقریب میں ماسٹر کارڈ کے سینئر آفیشلز بشمول جناب اورنگزیب خان، وائس پریزیڈینٹ اور کنٹری منیجر ، پاکستان اور افغانستان ، محترمہ ایلسن ینک ، ڈائریکٹر، گروپ ہیڈ ، مارکیٹ ڈیولپمنٹ ، مشرق وسطیٰ اور افریقہ ، اور نبیل احمد ، وائس پریذیڈینٹ ، بزنس ڈیولپمنٹ ، پاکستان اور افغانستان شامل تھے۔

تقریب میں اپنے خیالات کا اظہار کرتے ہوئے محترمہ سیما کامل نے کہا ” ایچ بی ایل نساء کو متعارف کروانا ہمارے اس عزم کا حصہ ہے جس کے تحت ہم بینکنگ کی سہولیات سے محروم ایک بہت بڑے طبقے کو مالی شعبے سے منسلک کرنے کے لئے مسلسل کوشش کر رہے ہیں۔ہمارا مقصد یہ ہے کہ ملک بھر کی خواتین ترجیحی بنیادوں پر ایچ بی ایل کا انتخاب کریں ، اس حوالے سے ایچ بی ایل نساءڈیبٹ کارڈ ہماری منفرد پروڈکٹس کی رینج میں ایک بہترین اضافہ ہے۔“

ماسٹر کارڈ ، وائس پریزیڈینٹ اور کنٹری منیجر ، پاکستان اور افغانستان، جناب اورنگزیب خان نے اپنے خیالات کا اظہار کرتے ہوئے کہا ،” دنیا بھر کی خواتین کو مالی شعبے میں شامل کرنا، ماسٹر کارڈ کی اولین ترجیحات میں شامل ہے اور ایچ بی ایل نساءڈیبٹ ماسٹر کارڈ جیسی منفرد پروڈکٹ کا اجراء ہماری اس سوچ کو حقیقت میں تبدیل کرنے کی سمت میں ایک اور اہم قدم ہے۔ ہم ایچ بی ایل کے اشتراک سے پاکستانی خواتین کی ضروریات کے مطابق مالی سروسز اور فوائد کے حامل اس کارڈ کے اجراءپر بہت خوش ہیں کیونکہ دونوں ادارے معاشرے کے اس اہم طبقے کو مالی خودمختاری دینے پر یقین رکھتے ہیں۔“

محترمہ ایلسن ینک ، ڈائریکٹر، گروپ ہیڈ ، مارکیٹ ڈیولپمنٹ ، مشرق وسطیٰ اور افریقہ، ماسٹر کارڈ نے کہا ” پاکستان ماسٹر کارڈ کے لئے ایک بہت اہم ملک ہے اور ہم ایچ بی ایل کے اشتراک سے ملک میں اپنی سروسز کے دائرے کو وسیع کرنے پر مسرور ہیں ۔ ایچ بی ایل کے ساتھ یہ اشتراک خواتین کی مالی شعبے میں شمولیت میں کردار ادا کرے گا اور ان کو ایسے بہت سے مواقع فراہم کرے گا جو صرف مالی آزادی اور تحفظ سے حاصل ہوتی ہیں۔ “

ایچ بی ایل پاکستان کا سب سے بڑا نجی بینک ہے ۔دنیا کے چار براعظموں کے 25 ممالک پر پھیلے ہوئے بینک کی 1600 سے زائد برانچز اور 1900 سے زائد اے ٹی ایمز ہیں ۔ بینک کے صارفین کی تعداد 85 لاکھ سے زیادہ ہے ۔

جمعرات، 28 اپریل، 2016

ایچ بی ایل کو 2016 کی پہلی سہہ ماہی میں 9 ارب روپے کا منافع

 


کراچی (پریس ریلیز) ایچ بی ایل نے  2016 کی پہلی سہ ماہی کے لئے 13.9 ارب روپے کے قبل از ٹیکس ٹھوس منافع کے اعلان کر دیا ہے۔ بعد از ٹیکس منافع 9.0 ارب روپے رہا ۔ فی شیئر آمدن 6.15 روپے رہی اور اسکے ساتھ بینک نے 3.50 روپے (35%) ڈیوڈینڈ دینے کا اعلان بھی کیا۔

ایچ بی ایل کی بیلنس شیٹ میں 2015 کی پہلی سہ ماہی سے 15% کی اوسط سے اضافہ ہوا اور کرنٹ ڈپازٹ میں اوسطاَََََََََِؓؑؑؑؑ81 ارب روپے کا اضافہ ہوا۔ ملکی CASA کی شرح اب 89 فیصد ہے اور 2016 کی پہلی سہ ماہی میں اندرونی ڈپازٹ پر آنے والی اخراجات میں 2.8 فیصد کمی ہوئی۔ ان وجوہات کی وجہ سے شرح منافع پر دباﺅ برقرار رہا جس کی وجہ سے 31 مارچ 2016 کو ختم ہونے والی پہلی سہ ماہی میں ایچ بی ایل کی نیٹ انٹرسٹ آمدنی 6 فیصد اضافے کے بعد 20.2 ارب روپے رہی۔

 کیپیٹل گینس کو منہا کر کے نان مارک آپ آمدنی میں 2015 کی پہلی سہ ماہی کے مقابلے میں 12 فیصد رہی۔ جبکہ پہلی سہ ماہی میں فیس اور کمیشنز 25 فیصد اضافے کے بعد 4.3 ارب روپے رہے ۔ آمدنی میں اس اضافے کی وجہ ملکی زرمبادلہ سے حاصل ہونے والی آمدنی میں اضافہ اور کریڈٹ اور ڈیبٹ کارڈ کی فیسوں کا دگنا ہوجانا ہے۔دیگر مصنوعات جیسے بینک اشورنس ، تجارتی اور جنرل بینکنگ فیس کا بھی آمدنی میں نمایاں حصہ ہے۔

پچھلی سہ ماہی کے مقابلے میں انتظامی اخراجات میں 6% کمی آئی لیکن ان میں گذشتہ سال کی اسی مدت کے مقابلے میں اضافہ ہوا جسکی بڑی وجہ پاکستان سپر لیگ کی اسپانسر شپ اور برانچ نیٹ ورک میں اضافہ ہے۔ موجودہ سہ ماہی کے دوران ایچ بی ایل نے اپنے اے ٹی ایم نیٹ ورک کو مزید فروغ دیتے ہوئے تقریباََ 2,000 اے ٹی ایم تک پہنچادیا ہے ۔ بینک کے تقریباََ 14,000 پی او ایس ٹرمینلز ہیں جن پر کارڈ کی قبولیت سے کسٹمرز کو سہولت ملتی ہے۔فراہمی میں 2015 کی پہلی سہ ماہی کے مقابلے میں 36% کمی آئی ، محتاط فراہمی کے باوجود کوریج کا تناسب 88.5 فیصد رہا۔

ایچ بی ایل پاکستان کا پہلا بینک ہے جس کو حال ہی میں مغربی چین کے شہر Urumqi میں برانچ کھولنے کے لئے لائسنس حاصل ہوا ہے اور یہ بینک کا ایک اور اعزاز ہے۔ بینک امید رکھتا ہے کہ برانچ سال کے آخر تک فعال ہو جائے گی اور اس کی بدولت چین سے تعلقات مزید مستحکم ہوں گے۔ضرورت سے زیادہ مقدار میں رقم کی موجودگی اور 17 فیصد کے مستحکم کیپیٹل ایڈوکیسی کی شرح کے باعث ایچ بی ایل پاک چین اقتصادی راہداری سے منسلک ترقی کے مواقعوں سے فائدہ اُٹھانے کے لئے تیار ہے۔ بینک کم قیمت ڈپازٹس میں اضافے کے اپنے توثیق شدہ ٹریک ریکارڈ کو برقرار رکھنے کے لئے تیار ہے جبکہ اپنے اخراجات اور کریڈٹ کے معیار کے انتظام کو خوش اسلوبی سے چلا رہا ہے ۔ 

منگل، 26 اپریل، 2016

حبیب بینک کو چین میں برانچ کھولنے کیلئے لائسنس مل گیا، سیپیک کے حوالے سے اہم ثابت ہوگا

 

ایچ بی ایل کے چیئرمین سلطان علی الانہ ، پریذیڈینٹ اور سی ای او ، نعمان کے ڈار کے ہمراہ Xinjiangکے  CBRC کے ڈائریکٹر جنرل ، Wang Junshou سے چین میں آپریشن کے آغاز کیلئے لائسنس حاصل کر رہے ہیں۔

کراچی (پریس ریلیز)  ایچ بی ایل کو اس بات پر فخر ہے کہ وہ چین میں برانچ قائم کرنے کیلئے لائسنس حاصل کرنے والا پاکستان کا پہلا بینک ہے۔ یہ جنوبی ایشیاءکا پہلا بینک ہے جس کو سلک روٹ پر پاکستان سے مشترک سرحد رکھنے والے Xinjiang صوبے کے سب سے بڑے شہر Urumqi میں بینکنگ آپریشن کے آغاز کی اجازت حاصل ہوگئی ہے۔ Urumqi ایک ابھرتا ہوا تجارتی اور کاروباری مرکز ہے جو وسطی ایشیاءمیں راہداری کے منصوبے کے حوالے سے ایک اہم علاقائی مر کز ثابت ہوگا ۔

اس پُر مسرت موقع پر Urumqi میںXinjiang کے CRBCکے دفتر میں ایک تقریب منعقد کی گئی۔ اس موقع پر اپنی رائے کا اطہار کرتے ہوئے ایچ بی ایل کے چیئرمین سلطان علی الانہ نے کہا ” چین میں اپنی برانچ قائم کرنے کیلئے لائسنس کا حصول ہمارے لئے باعث فخر ہے۔ یہ ایک خوشی کا موقع ہے جو بینک کی علاقائی اور عالمی ساکھ کی عکاسی کرتا ہے۔ ہم ایچ بی ایل پر اعتماد کرنے پر بینکنگ اینڈ ریگولیٹری اتھارٹی آف چائنا کے مشکور ہیں۔ “

انہوں نے مزید کہا ” یہ ایک تاریخی لمحہ ہے اور ہم پُر اعتماد ہیں کہ اس اقدام کی بدولت پاکستان اور چین کے اشتراک کو مزید استحکام ملے گا ۔یہ اقدام پاک چین اقتصادی راہداری کے لئے ایک سنگ میل ثابت ہوگا کیونکہ راہداری کی تکمیل سے انشاءاللہ دونوں ملکوں میں کاروبار اور تجارت کو فروغ ملنے کے ساتھ ساتھ خطہ اور اس کے عوام بھی ترقی کی راہ پر گامزن ہوجائیں گے۔“

اس موقع پر اپنے تاثرات کا اظہار کرتے ہوئے ایچ بی ایل کے پریذیڈینٹ اور سی ای او ، نعمان کے ڈار نے کہا ’پاکستان اور چین کے مابین مضبوط سیاسی تعلقات 60 سال کے عرصے پر محیط ہیں اور پاک چین اقتصادی راہداری منصوبے کے اعلان کے بعد معاشی تعلقات بھی نئی بلندیوں کی جانب گامزن ہیں۔ ہم ایچ بی ایل میںمالیاتی تعاون کی اہمیت اور پاکستان اور چین کے مابین کاروبار اور تجارت کو فروغ دینے کے اپنے کردار سے پوری طرح آگاہ ہیں ۔ہم آج بہت فخر محسوس کر رہے ہیں کیونکہ چین میں برانچ کھولنے کی اجزت ملنے سے ہم معاشی ترقی اور کامیابی کی نئی شاہراہ پر گامزن ہوجائیں گے۔ “ 

چین میں برانچ کھلنے کے بعد ، ایچ بی ایل شمال مغربی چین، وسطی ایشیاء، جنوب مشرقی ایشیاء اور مشرقی ایشیاء میں موجود واحد بینک ہوگا جو پاکستان اور چین کے ساتھ ساتھ ان جغرافیائی خطوں میں بھی تجارت اور سرمایہ کاری کو فروغ دے گا۔ 

اس موقع پر بیجنگ میں پاکستان کے سفارتخانے کی ڈپٹی چیف آف مشن، محترمہ ممتاز زہرہ بلوچ، جناب سید عرفان علی ، ایگزیکٹو ڈائریکٹر ، اسٹیٹ بینک آف پاکستان، عابد ستار ، ہیڈ آف انٹرنیشنل بینکنگ ، ایشیاءاور افریقہ، ایچ بی ایل اور فرحان طالب ، آر جی ایم چین ، ایچ بی ایل بھی موجود تھے۔ 

 ایچ بی ایل پاکستان کا سب سے بڑا نجی بینک ہے ۔دنیا کے چار براعظموں پر پھیلے ہوئے بینک کی 1700 سے زائد برانچز اور 1900 سے زائد اے ٹی ایمز ہیں ۔ بینک کے صارفین کی تعداد 85 لاکھ سے زیادہ ہے اور ڈپازٹ کی مالیت دو کھرب پاکستانی روپے سے زائد ہے ۔ 

جمعرات، 25 فروری، 2016

حبیب بینک کو سال 2015 میں 35.1 ارب روپے کا خالص منافع حاصل ہوگیا

 
مجموعی آمدن 100 ارب روپے سے تجاوز کرنے پر پاکستان کا پہلا بینک بننے کا سنگ میل حاصل کرلیا

کراچی: ایچ بی ایل نے گزشتہ سال کے مقابلے میں 11 فیصد اضافے سے سال 2015 کے نتائج کا بعد از ٹیکس 35.1 ارب روپے کے خالص منافع کا اعلان کردیا ہے۔ ایچ بی ایل نے سال 2014 کے مقابلے میں 25 فیصد اضافے سے 60.3 ارب روپے کا متاثرکن پری ٹیکس منافع حاصل کیا ہے۔ سال 2014 میں 21.56 روپے پر موجود فی شیئر آمدن بڑھ کر 23.93 روپے ہوگئی ہے۔ ان نتائج کے ساتھ ایچ بی ایل نے 3.50 روپے کے فی شیئر ڈیویڈنڈ کے ساتھ پورے سال کے لئے مجموعی ڈیویڈنڈ میں فی شیئر 14 روپے کا اعلان کیا ہے۔ 


ایچ بی ایل کی بیلنس شیٹ سال دسمبر 2014 کے مقابلے میں 19 فیصد اضافے سے 2.2 کھرب تک بڑھ گئی ہے۔ 15 فیصد اضافے سے کرنٹ اکاو ¿نٹس 600 ارب روپے تک پہنچ گئے ہیں۔ دسمبر 2014 کے مقابلے میں اس بار کرنٹ اکاو ¿نٹس کی شرح 34.2 فیصد سے بڑھ کر 36.7 فیصد پر پہنچ گئی ہے۔ قرضے بڑھنے سے سال 2015 میں خالص سودی آمدن 14 فیصد اضافے سے 78.2 ارب تک پہنچ گئی جبکہ غیرسودی آمدن 56 فیصد کے غیرمعمولی اضافے سے 36.6 ارب روپے تک پہنچ گئی ہے۔ بنکاشورنس سیلز اور کارڈ سے متعلق فیسوں میں نئے ریکارڈز قائم ہونے سے فیس اور کمیشنوں کی مد 22 فیصد اضافے سے 17.1 ارب روپے تک پہنچ گئی ہیں جبکہ ملکی ترسیلات اور بینکنگ بزنس میں سرمایہ کاری کے شعبے میں نمایاں نتائج حاصل کئے گئے ہیں اور پہلی بار ان میں ہر ایک مد 1 ارب روپے سے تجاوز کرگئی ہے۔ سال 2014 کے مقابلے میں 150 فیصد انتہائی بھرپور اضافے سے لسٹڈ سیکورٹیز سے 3.7 ارب روپے کا ڈیویڈنڈز اور کیپٹل گین حاصل ہوا۔ بینک نے گورنمنٹ سیکوریٹیز کی فروخت سے 8.2 ارب روپے کا کیپٹل گین حاصل کیا۔ مجموعی آمدن 100 ارب روپے سے تجاوز کرنے پر ایچ بی ایل نے پاکستان کا پہلا بینک بننے کا سنگ میل حاصل کرلیاہے۔ 

48 لاکھ ڈیبٹ کارڈز اور سب سے زیادہ تیزی سے ترقی کرنے والی پی او ایس کے نیٹ ورک کے ساتھ ایچ بی ایل مارکیٹ لیڈر ہے۔ اس سال کے دوران بینک نے انٹرنیٹ پیمنٹ گیٹ وے سروسز شروع کیں اور پاکستان میں پہلے موبائل پی او ایس نیٹ کا آغاز کیا جس کے نتیجے میں چھوٹے تاجر کارڈز کی قبولیت کے لئے بااختیار بن جاتے ہیں۔ تقریبا 400 اے ٹی ایم اور 10 ہزار 700 نئے پی او ایس ٹرمنلز کے اضافے سے اس کے نیٹ ورک میں اضافہ ہورہا ہے۔ اس حوالے سے ٹیکنالوجی کے ذریعے سرمایہ کاری کرکے 1900 سے زائد اے ٹی ایمز کے پورے نیٹ ورک میں تکنیکی خرابی دور کرکے کی نمایاں طور پر بچت کی گئی۔ 

اپنے صارفین سے ہم آہنگی کے ساتھ ایچ بی ایل نے اپنے صارفین کو سکون اور سیکیورٹی میں اضافے کی فراہمی کے لئے مختلف اقدامات کئے ہیں۔ سسٹمز، نیٹ ورکس اور کنٹرولز کو اپ گریڈ بنا کر انڈسٹری کی بہترین کارکردگی کے ساتھ مطابقت لائی گئی ہے جبکہ کریڈٹ ٹرانزایکشنز کے دوران جعل سازی کی روک تھام کے لئے سیکیورٹی کی فراہمی میں اضافے کی غرض سے چپ ٹیکنالوجی لاگو کردی گئی ہے۔ ایچ بی ایل کیش محفوظ (HBL Cash Mehfooz) نقدی یا قیمتی اشیاءکی چوری سے تحفظ فراہم کرتا ہے۔ 

گزشتہ سہ ماہی کے دوران ایچ بی ایل نے 10 ارب روپے کا بینک کا اضافی سرمایہ (Tier II capital)جاری کیا۔ اس کے نتیجے میں دسمبر 2015 میں کیپٹل ایڈیکویسی کی شرح میں 17 فیصد اضافہ ہوا۔ بینک کی کریڈٹ ریٹنگز بدستور سب سے زیادہ ٹرپل اے کٹیگری میں شامل ہے۔ سال 2015 کے دوران ایچ بی ایل کو یورو منی کی جانب سے پاکستان میں بہترین بینک 2015 اور گلوبل فنانس کی جانب سے پاکستان میں محفوظ ترین بینک کے ایوارڈز سمیت مختلف ایوارڈز حاصل ہوئے۔ 


جمعرات، 18 فروری، 2016

ایچ بی ایل ایسٹ مینجمنٹ کمپنی نے پی آئی سی آئی سی ایسٹ مینجمنٹ کمپنی کے 100 فیصد شیئرز خرید لئے

 


کراچی:  ایچ بی ایل ایسٹ مینجمنٹ کمپنی (HBL AMC) نے ایک معاہدے کے تحت این آئی بی بینک کی مکمل ملکیتی کمپنی پی آئی سی آئی سی ایسٹ مینجمنٹ کمپنی (PICIC AMC) کے 100 فیصد شیئرز حاصل کرلئے ہیں ۔ اس معاہدے پر گذشتہ روز ایک تقریب کے دوران دستخط کئے گئے جس ایچ بی ایل کے صدر نعمان ڈار اور این آئی بی بینک کے صدر عاطف بخاری بھی شریک تھے۔ 

گزشتہ سال مکمل جانچ پڑتال کے بعد HBL AMCنے 4.1 ارب روپے کی کامیاب بولی سے PICIC AMCکو حاصل کیا ۔ PICIC AMCکے آٹھ میوچل فنڈز میں زیر انتظام موجود مالی اثاثوں کی مجموعی مالیت 23 ارب روپے ہے۔ اس ضمن میں ضروری ضابطوں کی منظوری حاصل کرنے کے بعد معاہدے پر دستخط کئے گئے۔ 

HBL AMCکے سی ای او ریحان شیخ نے بتایا، " HBL AMC کو اس پیش قدمی پر فخر ہے۔ ہمارا یہ قدم اپنے تمام اسٹیک ہولڈرز کے لئے اہمیت پیدا کرنے کے ہمارے عزم کے عین مطابق ہے ۔ "

انہوں نے مزید کہا، " HBL AMC بلا رکاوٹ کام کو یقینی بنانے کے لئے PICIC AMCکے ساتھ مل کر کام کرے گا تاکہ سرمایہ کاروں کو مسلسل اور بلاتعطل خدمات فراہم کی جا سکیں ۔ "

(بائیں سے دائیں کھڑے) نعمان کے ڈار ،صدر حبیب بینک لمیٹڈ اور عاطف آر بخاری ،صدر این ائی بی بینک

(بائیں سے دائیں بیٹھے) ریحان این شیخ،  چیف ایگزیکٹیو آفیسر، ایچ بی ایل ایسٹ منجمنٹ لمیٹڈ  اور  یامین کیرائی، چیف فنانشل آفیسر ،این آئی بی بینک لمیٹڈ

 HBL AMC ، ایچ بی ایل کی 100 فیصد ملکیتی کمپنی ہے۔ دنیا کے چار براعظموں پر پھیلے ہوئے 25 سے زائد ممالک میں ایچ بی ایل کی 1600 سے زائد برانچز اور 1700 سے زائد اے ٹی ایمز ہیں اور یہ پاکستان میں نجی شعبے میں سب سے بڑا بینک ہونے کے ساتھ ساتھ سب سے بڑا ملٹی نیشنل بینک بھی ہے جس کے صارفین کی تعداد 80 لاکھ سے زائد ہے ۔ 


پیر، 1 جون، 2015

حبیب بینک لمیٹڈ اور پنجاب اسکلز ڈیولپمنٹ کے مابین معاہدہ

 
#حبیب بینک لمیٹڈ (ایچ بی ایل ) اور پنجاب اسکلز ڈیولپمنٹ فنڈ (پی ایس ڈی ایف ) نے وظیفے کی ادائیگی کے ایک منصوبے پر دستخط کئے ہیں۔اس منصوبے کی لاگت 44 کروڑ ، 40 لاکھ روپے ہے۔

اس منصوبے کا مقصد ،پی ایس ڈی ایف میں زیر تربیت اہل افراد کو سہولت فراہم کرنا ہے کہ وہ پاکستان بھر میں کہیں بھی ، ایچ بی ایل کے برانچ لیس بینکنگ کے نیٹ ورک ایچ بی ایل ایکسپریس کو استعمال کرتے ہوئے محفوظ اور باسہولت طریقے سے رقم منتقل کر سکیں۔



معاہدے پر دستخط کی یہ تقریب ایچ بی ایل کے لاہور میں واقع ریجنل ہیڈ آفس میں منعقد ہوئی جہاں پی ایس ڈی ایف کے چیف ایگزیکٹو آفیسر جناب علی سرفراز اور ایچ بی ایل کے ہیڈ آف پیمنٹ سروسز فا ئق صادق نے معاہدے پر دستخط کئے۔یہ اقدام 5 کروڑ برطانوی پاﺅنڈ مالیت کے تربیتی فنڈ کا حصہ ہے جس کا مقصد ڈی آئی ایف ڈی برطانیہ کی جانب سے اسپانسر کی گئی تربیتی سروسز کے ذریعے 135,000 افراد کی مالی معاونت کرنا ہے۔

جناب علی سرفراز نے اسکل ڈیولپمنٹ کے مستقبل کے بارے میں پی ایس ڈی ایف کی سوچ اور پنجاب کے پسماندہ طبقے کے نوجوانوں کو با اختیار بنانے کے منصوبے سے آگاہ کیا۔ 

ایچ بی ایل کی جانب سے جناب فا ئق صادق نے بینکنگ سہولیات سے محروم طبقات کی مالیاتی نظام میں شمولیت کیلئے جدید سہولیات اور ٹیکنالوجیز کے استعمال پر زور دیا۔ اس موقع پرایچ بی ایل اور پی ایس ڈی ایف کے سینئر نمائندگان بھی موجود تھے۔ 


بدھ، 6 مئی، 2015

ایچ بی ایل اور ایم سی آر کے درمیان مفاہمتی یاد داشت پر دستخط

 

 پاکستان کے سب سے بڑے کمرشل بینک ایچ بی ایل نے مشہور فوڈ فر نچائزز پیزا ہٹ، برگر کنگ اور ٹی جی آئی ایف کے مالکانہ حقوق رکھنے والے ادارے ایم سی آر پرائیویٹ لمیٹڈ کے ساتھ شراکت داری کا اعلان کردیا ہے تاکہ ایم سی آر کے کسٹمرز کو کھانے کی ڈیلیوری اور آرڈرز سے منسلک بینکنگ کی سہولیات فراہم کی جائیں۔ 

 ایم سی آر نے پی او ایس کے شعبے میں ایک قدم آگے بڑھاتے ہوئے پاکستان بھر میں ایچ بی ایل کے 57 پی او ایس ٹرمنل لگانے کا اعلان کیا ہے ۔ ایچ بی ایل کے موبائل پی او ایس ماڈل کو بھی کھانے کی ڈلیوری کے انتخاب میں شامل کیا گیا ہے تاکہ صارفین کو ان کی دہلیز پر معیاری سہولت فراہم کی جائے۔ ان دونوں برانڈز کے لئے انٹرنیٹ پیمنٹ گیٹ وے نصب کئے جاچکے ہیں۔ 

ایم سی آر کے سی ای او اور چیئرمین عقیل حسن نے بین الاقوامی سطح پر فوڈ پروڈکشن کے معیار کو برقرار رکھنے پر مبارک باد دی۔ انہوں نے اس عزم کا اظہار کیا کہ ہم اس بات کو یقینی بنائیں گے کہ ایم سی آر کے برانڈ ز تیکنیکی طور پر عصر حاضر کی بین الاقوامی بینکنگ پریکٹسس سے ہم آہنگ ہوں ۔ 

ایچ بی ایل کے پریذیڈنٹ اور سی ای او نعمان ڈار نے اپنے خیالات کا اظہار کرتے ہوئے کہا "ایسی سہولیات سے بنیادی طور پر صارفین کو فائدہ پہنچے گا جبکہ ایم سی آر کے برانڈز بھی مزید تقویت حاصل کریں گے۔ ایچ بی ایل اور ایم سی آر پ ±راعتماد ہیں کہ وہ سہولت میں ضرورت کے مطابق مزید تیکنیکی بہتری لا کر اس کو بین الاقوامی بینکنگ کے معیار کے مطابق کر سکتے ہیں ۔ " 

مشہور اشاعتیں

گوگل اشتہار

تازہ ترین خبریں

نیوز لیٹر ای میل پر حاصل کریں!

مشہور اشاعتیں

گوگل اشتہار

© Copyright 2015 اردو نیوز پاکستان. Designed by تھیم 9. Powered by Blogger.