Pages
‏یوفون لیبل والی اشاعتیں دکھا رہا ہے۔ سبھی اشاعتیں دکھائیں
‏یوفون لیبل والی اشاعتیں دکھا رہا ہے۔ سبھی اشاعتیں دکھائیں

اتوار، 12 جون، 2016

یوفون کا ما ہ رمضان میں سماجی کارکنان کی خدمات کو فروغ دینے کے لئے منفرد اقدام کا اعلان

 
 

اسلام آباد: رمضان کی روح کو مدنظر رکھتے ہوئے یوفون نے کاروباری سماجی ذمہ داری کے تحت ایک منفرد اقدام کا اعلان کیا ہے جس کے تحت پسماندہ طبقات کی امداد کی غرض سے مقامی طور پر تین مختلف اقسام کی فلاحی خدمات کو بڑے پیمانے پر عوام کے سامنے اجاگر کیا جائے گا ۔ اس کی رمضان مہم 2016 کے دوران تین سماجی کارکنوں کی خدمات کو ٹی وی چینلز، اخبارات ، بل بورڈزاور ڈیجیٹل میڈیا پر یوفون کی جانب سے بلامعاوضہ کوریج فراہم کی جائے گی۔ میڈیا پر مفت کوریج کی صورت میں ان سماجی کارکنان کا پیغام بڑے پیمانے پر عوام تک پہنچے گا جس میں عوام سے تعاون کی اپیل کی جائے گی جس کے نتیجے میں مستحق افراد کی مدد فراہم کی جاسکے۔ اضافی طور پر یوفون نے اس مہم کی ترویج کیلئے مواد بھی تیار کیا ہے۔ 

یوفون کی مہم کے تحت ان سماجی کارکنان کے اقدامات میں آپریشن عید چائلڈ ، دیوار مہربانی اور کھانا گھر شامل ہیں۔ آپریشن عید چائلڈ کا آغاز شرمین عزیز ، دیوار مہربانی کا آغاز عمر اور بہرام اور کھانا گھر اقدام کا آغاز پروین سعید نے کیا۔ ان تینوں اقدامات کو انفرادی طور پر سوچا گیا اور ان پر عملدر آمد کیا گیا ۔ یوفون ان اقدامات کو فرو غ دینے کیلئے کردار ادا کر رہا ہے تاکہ عوام کے اندر اس طرح کے منصوبوں کے بارے میں آگہی بڑھے اور زیادہ سے زیادہ لوگ ان منصوبوں میں شریک ہوں۔ 

یوفون کے سی ای او رینر ریتھ گیبر نے بتایا، "ٹیلی کام انڈسٹری اپنی میڈیا ایڈورٹائزنگ، برانڈ پروموشنز اور مشہور شخصیات پر غیرمعمولی طور پر خرچ کرنے کے حوالے سے شہرت رکھتی ہے لیکن 2016 کی اپنی رمضان مہم کی بدولت ہم نے اس پورے ماحول کو تبدیل کردیا ہے کیونکہ ہم وسیع نتائج فراہم والے چھوٹے منصوبوں کو میڈیا پر بلامعاوضہ کوریج فراہم کر رہے ہیں ۔ یوفون کا برانڈ آپ کے لئے ہے اور یہ ادارے اس سوچ کی مناسبت سے مشعل راہ ہیں۔ ہم امید کرتے ہیں کہ ہماری تقلید کرتے ہوئے دیگر کاروباری اداروں کی بھی حوصلہ افزائی ہوگی کہ وہ سماجی مسائل کے حل کے لئے حکمت عملیوں کے ساتھ منظر عام پر آئیں ۔ "

اس مہم کو ماہ رمضان میں متعارف کروانے کا مقصد معاشرے کے پریشان حال اور نچلے طبقے کے عوام کی مدد کرنے کیلئے ناظرین میں جذبہ اُجاگر کرنا ہے تاکہ وہ اپنے طور پر یا پھر ان تین اداروں کی مدد سے معاشرے کے پریشان حال طبقے کی مدد کریں۔یوفون الیکٹرانک میڈیا پر ایک بہت وسیع اشتہاری مہم کے ذریعے ان اقدامات کو فروغ دے رہا ہے تاکہ رحمدلی کا یہ پیغام تمام پاکستانیوں تک پہنچ سکے۔  

یوفون کا کاروباری سماجی ذمہ داری کا شعبہ بدستور معاشرے کی سماجی و معاشی ترقی پر توجہ دیتا ہے۔ اس کے ساتھ ساتھ معاشرتی ترقی کے لئے یہ بغیر کسی مفاد کے کام کرنے والے پرعزم افراد اور اداروں کے ساتھ بھی تعاون کرتا ہے۔ 

جمعرات، 5 مئی، 2016

یوفون کی جانب سے فائر فائٹنگ کے عالمی دن پر #یوفون ٹاور پرخصوصی ڈرل کا انعقاد

 
نٹرنیشنل فائر فائٹر ڈے کے موقع پر یوفون کے سی ای او رینر راتھ گیبر فائر فائٹر ز کے ساتھ یوفون ٹاور پر آتشزدگی سے بچاﺅ کی ڈرل کے بعد گروپ فوٹو میں موجود ہیں۔ 

اسلام آباد:  یوفون نے فائر فائٹرز کے عالمی دن بدھ کو اسلام آباد کے بلو ایریا میں یوفون ٹاور پر آتشزدگی سے بچاﺅ کی مشق کا انعقاد کیا جس میں 700 ملازمین نے شرکت کی۔ 

ہر سال 4 مئی کو فائر فائٹنگ کے بین الاقوامی دن کو منانے کا مقصد یہ ہے کہ ان آگ بجھانے والوں کی خدمات کو تسلیم کیا جائے جو انسانوں اور املاک کے تحفظ کے لئے اپنی زندگیاں وقف کرتے ہیں اور اپنی زندگیاں خطرے میں ڈالتے ہیں۔ 

اس موقع پر یوفون کے سی ای او رینر راتھ گیبر (Rainer Rathgeber) نے بتایا، "اس مشق کے ذریعے ہمارے ملازمین کو مستقبل میں کسی بھی ناخوشگوار صورتحال سے نمٹنے میں مدد ملے گی اور یہ مشق آگ بجھانے کے کام کو بھی کسی حد تک آسان بنائے گی۔ اس مشق کا مقصد یہ ہے کہ ملک کے فائر کوڈ سے مطابقت لائی جائے اور دنیا بھر میں فائر فائٹرز کی قربانیوں کو تسلیم اور انہیں خراج عقیدت پیش کیا جائے۔ "

انہوں نے کہا،" یوفون سماجی طور پر ایک ذمہ دار کاروباری ادارہ ہے جو قوانین کی پاسداری کے ذریعے اپنے ملازمین کی حفاظت کا خیال رکھتا ہے۔ ہم اس بات کو یقینی بنانے کے لئے پرعزم ہیں کہ ہمارے تمام ملازمین کام کرنے کی جگہ پر حفاظتی طریقوں سے اچھی طرح واقف ہوں۔"

پاکستان کے فائر کوڈ کے مطابق بلند عمارتوں میں آتشزدگی سے بچاﺅ کی مشقوں کا باقاعدگی سے انعقاد کیا جانا چاہیئے۔ یہ مشق انتظامی اسٹاف اور وہاں موجود افراد کے لئے تھی۔ 

فائر فائٹرز کے عالمی دن کے اہم پہلو ¿ں میں تفصیلی ٹریننگ، بھرپور اہمیت پر ضرور اور آتشزدگی کی روک تھام شامل ہیں۔دنیا بھر میں فائر فائٹنگ اور ان کے اداروں کو اسکول، مقامی سطح پر علاقے، عوامی مقامات، اسمبلیوں اور اپنے خاندانوں کے لئے بھی آتشزدگی سے روک تھام کے سلسلے میں مستقل زور دینے کی ضرورت ہے۔ 

منگل، 3 مئی، 2016

یوفون نے یونس اقبال شیخ کو چیف کمرشل آفیسر مقرر کردیا

 
اسلام آباد:  ٹیلی کام آپریٹر #یوفون نے یونس اقبال شیخ کو نیا چیف کمرشل آفیسر (سی سی او) مقرر کیا ہے، مارکیٹنگ اور سیلز ڈیپارٹمنٹ کی قیادت کریں گے اور کاروبار کووسعت دینے اور ٹیلی کام مارکیٹ میں یوفون کی برتری برقرار رکھنے کے لئے فرائض سرانجام دیں گے۔ 

یونس اقبال شیخ اپنے ہمراہ ٹیلی کام انڈسٹری میں پیشہ ورانہ کام کا 20 سالہ تجربہ ساتھ لائے ہیں اور کیریئر میں ان کی کامیابی کا تسلیم شدہ ٹریک ریکارڈ ہے ۔ یونس اقبال شیخ کو سیلز اینڈ ڈسٹری بیوشن، کسٹمر سروسز، آپریشنز اور مارکیٹنگ کے اہم میدان میں مہارت کے ساتھ کام کرنے میں انتہائی دلچسپی ہے۔ 

انہوں نے اس سے قبل وارد ٹیلی کام لمیٹڈ میں بطور سی سی او، یوفون میں ہیڈ آف سیلز اینڈ جنرل منیجر سیلز، موبی لنک میں ڈائریکٹر ڈسٹری بیوشن، ورلڈ کال میں چیف آپریٹنگ آفیسر (سی او او )اور وائی ٹرائب میں بطور ایگزیکٹو ڈائریکٹر سیلز اینڈ مارکیٹنگ کے طور پر ذمہ داریاں سرانجام دیں۔یونس اقبال شیخ اپنے کیریئر کے اوائل میں سیمنز اور انسٹافون کے ساتھ بھی وابستہ رہے۔ 

یونس اقبال شیخ نے بتایا،
"میں یوفون میں اپنی نئی ذمہ داری سنبھالنے پر انتہائی پرجوش ہوں، مضبوط کسٹمر برانڈ کے ساتھ یوفون کے پاس کام کرنے کے لئے ایک بہترین ٹیم ہے ۔ "

یوفون کے سی ای او رینر ریتھ گیبر نے بتایا،
"یونس اقبال شیخ جیسی بلند سطح کے شخص کی یوفون ٹیم میں واپسی خوشی کا باعث ہے۔ ان کے ٹیلی کام کے شعبے اور یوفون کے ساتھ تعلق کے نتیجے میں یوفون کی ٹیم صارفین کی ضروریات پر توجہ مرکوز رکھنے کے لئے اپنی مستقل کاوش میں مستحکم ہوگی۔ "

پی آر


جمعہ، 18 مارچ، 2016

یوفون کا وزیراعظم یوتھ ٹریننگ اسکیم کی مانیٹرنگ کے نظام کے لئے بین الصوبائی رابطے کی وزارت کے ساتھ معاہد

 

یوفون نے  وزیر اعظم یوتھ ٹریننگ اسکیم کی  مانیٹرنگ کے نظام کے لئے بین الصوبائی رابطے کی وزارت  کے ساتھ معاہدے پر دستخط کئے ہیں، تصویر میں یوفون کے چیف کسٹمر آپریشنز احمد کمال اور  نیشنل انٹرنشپ پروگرام کے ریجنل ڈائریکٹر فیضان حسن دستاویزات کا تبادلہ کررہے ہیں۔

 اس موقع پر (بائیں سےدائیں ) نیشنل انٹرنشپ پروگرام کے ڈی جی نثار احمد ،  یوفون کے سی ای او  ، رینر ریتھگبر ، وزیر اعظم یوتھ پروگرام کے چیف کوورڈینیٹر عدیل  الرحمٰن  ،  وزارت برائے بین الصوبائی رابطہ کے  وفاقی سیکریٹیری  محمد علی گردیزی اور یوفون کسٹمر آپریشنز کے جی ایم عاطف اسحاق موجود ہیں۔

بدھ، 3 فروری، 2016

پریشان نہ ہوں؛ بچوں سے ہر وقت رابطے میں رہیں ، یوفون لے کر آیا ہے یو واچ

 

 پاکستان کے صف اول کا ٹیلی کام آپریٹر یو فون نے اپنی نوعیت کی منفرد اور اولین پروڈکٹ یو واچ (UWatch ) متعار ف کر وادی ہے۔تصویر میں علی قاضی (بائیں) ، ہیڈ آف M2M اینڈ ڈیوائسس اور عامر پاشا ، ہیڈ آف پی آر اینڈ سی ایس آر ، بچوں کے ساتھ پروڈکٹ کے اجراءکی تقریب میں موجود ہیں۔

اسلام آباد : پاکستان کا صف اول کا ٹیلی کام آپریٹر یو فون اپنی نوعیت کی منفرد اور اولین پروڈکٹ یو واچ (UWatch ) متعارف کروا رہا ہے جس کی بدولت والدین کو ذ ہنی سکون حاصل ہو سکے گا۔یو واچ بغیر اسمارٹ فون خریدے خاندانوں کو اپنے کم عمر بچوں سے اس انداز سے رابطے میں رکھنے کا موقع فراہم کرے گا جسطرح سے وہ چاہتے ہیں۔

یو واچ ایک کلائی میں پہنی جانے والی موبائل گھڑی ہے جو خاص طور سے بچوں کے لئے بنائی گئی ہے تاکہ والدین اپنے پیاروں سے رابطے میں رہ سکیں۔یہ گھڑی دو طرفہ بات چیت کی سہولت کے ساتھ ڈیز۱ئن کی گئی ہے یعنی والدین اس گھڑی پر کال کرسکتے ہیں اور بچہ بھی گھڑی کی مدد سے والدین کا موبائل نمبر ملا سکتا ہے۔اضافی طور پر یوواچ GSM/GPS کی بدولت فوری طور پر محل و وقوع بتانے کی صلاحیت بھی رکھتی ہے تاکہ والدین اپنے بچے کی موجودگی کا مقام جان سکیں۔ 

یو واچ کو محفوظ طریقے سے والدین اپنے IOS یا اینڈرائڈ اسمارٹ فون کے زریعے یو واچ ایپلیکیشن کے زریعے کنٹرول کر سکیں گے۔ اس ایپلیکیشن کی بدولت اپنے موبائل فون کے زریعے تمام دن بچے سے رابطے میں رہ سکتے ہیں۔چاہے آپ یہ جاننا چاہتے ہوں کہ آپ کا بچہ خیریت سے گھر پہنچ گیا ہے یا آپ کال کر کے بچے کو یہ پیخام دینا چاہتے ہوں کہ آپ کو پہنچنے میں چند منٹ تاخیر ہو جائے گی، یہ ایپلیکیشن وہ کنکشن اور ذہنی سکون فراہم کرتی ہے جس کی والدین تمنا کر تے ہیں۔

یو واچ ایپلیکیشن کی بدولت اختیار ہمیشہ والدین کے پاس رہے گا۔ براہ راست مانیٹرنگ سے محفوظ زون کا تعین کرنے تک ، یہ ایپلیکیشن بہت سے ایسے طریقوں کی حامل ہے جنکی بدولت گھرانے یو واچ کے تجربے کو اپنی مرضی کے مطابق ترتیب دے سکیں گے۔ یہ ایپلیکیشن فوری طور پر بچے کے محل و وقوع کے بارے میں درست معلومات فراہم کرتی ہے اور بچے کے کال کرنے اور کال وصول کرنے پر بھی والدین کو اختیار دیتی ہے۔ اس کے علاوہ والدین محفوظ زون کا بھی تعین کر سکتے ہیں تاکہ والدین کو کسی مخصوص مقام پر بچے کے آنے اور جانے کے بارے میں معلوم ہو سکے۔

یوفون کے جنرل منیجر ماکیٹنگ تیمور فیض چیمہ نے کہا ” یوفون میں ہم ااپنے کسٹمرز کی ضروریات کا حل نکالنے اور ان کو آسانی فراہم کرنے پر بھرپور توجہ دیتے ہیں اور جدت طرازی ہمارے پیش نظر ہوتی ہے۔ یو واچ ہماری اس سوچ کی مثال ہے کیونکہ یہ خاندانوں کو رابطے میں رہنے کیلئے ایک منفرد اور جدید انداز فراہم کرتی ہے۔ ہم یو واچ جیسی انقلابی سہولت متعارف کرنے والی پہلی ٹیلی کام کمپنی ہونے پر بہت فخر محسوس کر رہے ہیں اور ہم اس بات پر یقین رکھتے ہیں کہ یہ پروڈکٹ والدین کو سکون فراہم کرنے کا باعث بنے گی۔“

یو واچ میں BVS رجسٹرڈ سم ہوگی جس کے زریعے تمام بات چیت ہوگی۔والدین کی سم بھی BVS رجسٹرڈ ہوگی اور وہ اس موبائل ہینڈ سیٹ پر استعمال کی جائے گی جسمیں ایپلیکیشن انسٹال ہو گی۔ یوواچ کراچی ، لاہور اور اسلام آ باد میں موجود یوفون کے سروس سینٹرز سے خریدی جا سکتی ہے۔

 

جمعرات، 14 جنوری، 2016

یوفون اور یو بینک کا سالانہ یوم عزم کی تقریب

 

یوفون کے صدر اور سی ای او عبدالعزیز یوبینک کی سالانہ تقریب کے موقع پر بینک انتظامیہ اور یو فون کے فنانشل سروسز کے ہیڈ کے ہمراہ موجود ہیں۔

اس تقریب میں اگلی صف (بائیں سے دائیں) آئی ٹی کے قائم مقام سربراہ بہزاد اصغر، ہیڈ آف پروڈکٹ ڈیولپمنٹ اینڈ بزنس اسٹریٹجی عنبرین ملک، پریذیڈنٹ اور سی ای او یوفون عبدالعزیز، چیف آپریٹنگ آفیسر کبیر نقوی، قائم مقام پریذیڈنٹ اور سی ای او اور ہیڈ آف آپریشنز سید عمیر وقار، ہیڈ آف موبائل فنانشل سروسز ، یوفون، نعمان اظہر اور پچھلی صف (بائیں سے دائیں) ہیڈ آف کریڈٹ اینڈ رسک محمد رضوان اکرام، ہیڈ آف انٹرنل آڈٹ مبشر علی شاہانی، سی ایف او اینڈ کمپنی سیکریٹری ملک مرزا، منیجر ایچ آر ارمغان علی خان، ہیڈ آف کمپلائنس محمد جاوید بھی موجود ہیں۔

پیر، 14 دسمبر، 2015

خون کے عطیات کی مہم کے لئے یوفون اور انڈس اسپتال کی شراکت داری

 
یوفون رضاکار گروپ کی جانب سے مہم کی قیادت، اسٹاف نے رضاکارانہ خون کے عطیات دیئے

کراچی:۔ پاکستان میں خون کے رضاکارانہ عطیات کے فروغ اور آگہی پھیلانے کے لئے یوفون کی جانب سے کراچی کے انڈس اسپتال کے ساتھ شراکت داری میں یوفون کے ریجنل آفس اور کال سینٹر میں خون کے عطیات جمع کرنے کے لئے مہم کا انعقاد کیا گیا۔ یوفون رضاکار گروپ (یو وی جی) کے ارکان کی جانب سے خون کے عطیات کی مہم کی قیادت کی گئی۔ 

اس شراکت داری کے تحت خون کا عطیہ دینے والوں کا مفت میڈیکل چیک اپ اور کسی معاوضے کے بغیر 9 مختلف بلڈ ٹیسٹس کئے گئے جن میں ہیپاٹائٹس بی (دو ٹیسٹ)، ہیپاٹائٹس سی، ایچ آئی وی (دو ٹیسٹ)، سائفلیز، ملیریا، بلڈ گروپ اور ہومو گلوبن شامل ہیں۔ 

خون کے عطیات کی مہم کی اہمیت کے بارے میں یوفون کے ہیڈ پی آر اینڈ سی ایس آر عامر پاشا نے بتایا، " خون کو مصنوعی طور پر تیار نہیں کیا جاسکتا، اس لئے ہنگامی موقع پر خون کی دستیابی کے لئے اسے عطیات کے ذریعے جمع کرنے کی ضرورت ہے ۔ کاروباری سطح پر رضاکارانہ افعال کی ادائیگی یوفون کی کاروباری سماجی ذمہ داری کے اقدامات کا ایک حصہ ہے۔ ہم لوگوں کی فلاح و بہبود کا احساس کرتے ہیں، اسی لئے عطیہ خون کی مہم کا انعقاد کیا گیا ہے تاکہ قوم کو 100 فیصد رضاکارانہ بنیادوں پر خون کے عطیات کی جانب مبذول کرایا جائے۔ "

اس اقدام کے بارے میں انڈس اسپتال کی ڈاکٹر صبا جمال نے بتایا، "انڈس اسپتال کا یہ تصور ہے کہ تمام بین الاقوامی معیارات کو پورا کرتے ہوئے معاشرے میں تمام طبقوں کو بلاامتیاز محفوظ ترین خون فراہم کیا جائے۔ ہم نے یوفون کے ساتھ شراکت داری کے ذریعے خون کے عطیات کی مہم کا آغاز کرکے اس تصور پر زور دیا ہے۔ 

انہوں نے مزید کہا، "یوفون کے ملازمین نے اس مہم میں سرگرمی سے شرکت کرکے درحقیقت ذمہ دار شہری کے طور پر اپنا کردار ادا کیا ہے جس سے ہمیں ملک گیر سطح پر خون کے رضاکارانہ عطیات کے تصور کو عملی شکل دینے میں مدد مل رہی ہے۔ "

یہاں یہ بات قابل ذکر ہے کہ انڈس اسپتال بلڈ سینٹر پاکستان کا پہلا سینٹرلائزڈ بلڈ بینک ہے جو اب تک 194 شراکت داروں کے ساتھ خون کے عطیات کی 456 مہمات کا انعقاد کر چکا ہے جس میں خون کے عطیات دینے والے رضاکاروں کی تعداد غیرمعمولی طور پر 28 ہزار تک پہنچ گئی ہے۔ 



جمعہ، 26 جون، 2015

نیشنل بینک، یوفون، یو بینک کی اسٹریٹجک شراکت داری، نیشنل پیمنٹ سسٹم قائم کیا جائے گا

 
نیشنل بینک آف پاکستان، یوفون اور یوبینک نے ایک اہم معاہدہ کرلیا ہے جس کے تحت یوپیسہ اور این بی پی کی جانب سے ڈیجیٹل بینکنگ کے نئے اقدامات کے سلسلے میں مشترکہ طور پر تعاون کیا جائے گا۔ یہ شراکت داری نیشنل بینک کی جانب سے ایک اور کاوش ہے تاکہ نیشنل پیمنٹ سسٹم (National Payment System)کو مشترکہ طور پر بنایا جائے جس سے پاکستان کی آبادی مستفید ہو اور حکومت پاکستان کے لئے ادائیگیوں و وصولیوں کی سہولت حاصل ہو۔ 


نیشنل بینک آف پاکستان، یوفون اور یو بینک نے نیشنل پیمنٹ سسٹم قائم کرنے کیلئے ایک شراکت پر دستخط کئے ہیں۔ تصویر میں (بائیں سے دائیں) عارف سرہندی ۔ صدر اور سی ای او یوبینک ، سید احمد اقبال اشرف ۔ صدر اور سی ای او ، نیشنل بینک ّف پاکستان ، عبد العزیز ۔ صدر اور سی ای اویوفون ، مدثر ایچ خان ۔ گروپ چیف کمرشل اینڈ ریٹیل بینکنگ گروپ نیشنل بینک آف پاکستان اور اظفر جمال خان ، ای وی پی /ہیڈ ریموٹ بینکنگ اینڈ اے آر سیز نیشنل بینک آف پاکستان کے دیگر افسران کے ہمراہ


اس معاہدے پر باقاعدہ دستخط کے لئے تینوں اداروں کی اعلیٰ انتظامیہ کی جانب سے ایک تقریب منعقد کی گئی جس میں نیشنل بینک آف پاکستان کے پریذیڈنٹ اور سی ای او گروپ چیف کمرشل اینڈ ریٹیل بینکنگ گروپ مدثر ایچ خان، نیشنل بینک آف پاکستان کے ایگزیکٹو وائس پریذیڈنٹ/ہیڈ آف ریموٹ بینکنگ اینڈ اے ڈی سی، یوفون کے پریذیڈنٹ اور سی ای او عبدالعزیز، یوفون کے چیف کمرشل آفیسر اشعر یعقوب خان، یوفون کے مارکیٹنگ ماس سیگمنٹ اینڈ ایم ایف ایس کے جی ایم تیمور فائز چیمہ اور یوبینک کے پریذیڈنٹ اور سی ای او عارف سرہندی نے شرکت کی۔ 

شراکت دار تنظیموں کی انتظامیہ یہ یقین رکھتی ہیں کہ ڈیجیٹل ادائیگیوں کے ذریعے روایتی مالیاتی خدمات سے مائیکرو معیشت کے مختلف اشاریوں پر مثبت اثرات مرتب ہوسکتے ہیں جن میں اپنے کاروبار کی سرگرمیاں، گھریلو استعمال اور سہولت شامل ہے۔ اس تصور کو حقیقت کا روپ دھارنے کے لئے صحیح حکمت عملی یہ ہے کہ مارکیٹ میں اہم اداروں کے ساتھ شراکت داری کی جائے۔ 

اس موقع پر خطاب کرتے ہوئے نیشنل بینک آف پاکستان کے پریذیڈنٹ اور سی ای او سید احمد اقبال اشرف نے کہا کہ
'چھوٹے پیمانے پر مالیاتی خدمات بھرپور بااختیاری کی بنیاد ہیں۔ معاشی مواقع اور معاشی نتائج کے درمیان مالیاتی خدمات تک رسائی ایک اہم کڑی ہے۔ معاشی مواقع کی فراہمی کے ذریعے افراد اور خاندانوں کو بااختیار بنانے سے مالیاتی سہولیات مستحکم اور جامع ترقی کا ایک طاقتور ذریعہ ہیں۔ پاکستان کو بینکنگ اور ادائیگیوں کی ضرورت ہے تاکہ رابطوں کی رسائی میں اضافہ ہو۔ بینکنگ کی تعمیر کے ماڈل کے بجائے ہم کو تقسیم (ڈسٹری بیوشن)کے نئے ماڈلز ایجاد کرنے کی ضرورت ہے جو ڈرامائی طور پر مختلف نوعیت کے اور کم لاگت کے حامل ہوں۔ یہ شراکت داری نیشنل بینک کی حکمت عملی کا حصہ ہے کہ نیشنل پیمنٹ ایکو سسٹم تیار کرکے صارفین کو سہولت پہنچائی جائے جس کے ذریعے صارفین دستیاب ڈیجیٹل چینلز کے ذریعے 24 گھنٹے پی ٹو جی (P2G)اور جی ٹو پی (G2P)خدمات سے مستفید ہوں۔ '

پاکستان میں حکومت کی ملکیت میں صف اول کے بینک اور پاکستان کے صف اول کے ٹیلی کام آپریٹر کے درمیان شراکت داری سے مالیاتی خدمات کی مارکیٹ میں سرگرمی پر انہیں یقین ہے کہ وہ نئے سنگ میل عبور کرلیں گے۔ اس انتظام کی توسیع سے تحت مختلف خدمات بشمول یو ایس ایس ڈی چینل، ایجنٹ نیٹ ورک آف یوپیسہ اور نیشنل بینک ٹرانزایکشن کی بیس سمیت بہت سی سہولیات حاصل ہوں گی جس سے پاکستان میں بینکوں کی سہولیات سے دور اور مستفید ہونے والوں ، دونوں ، کی ضروریات پوری ہوں گی جن میں پی ٹو جی اور جی ٹو پی ٹرانزایکشنز کی سہولت شامل ہے۔ 

اس موقع پر نیشنل بینک کے سینئر ایگزیکٹو وائس پریذیڈنٹ/گروپ چیف سی اینڈ آر بی جی مدثر ایچ خان نے کہا کہ
لوگوں کے لئے ہر جگہ بینکنگ اور ادائیگیوں کی سہولت اور آپس میں ٹرانزایکشن اہم کام ہے۔ اگر یہ سہولیات وسیع انداز میں دستیاب نہیں ہوں گی تو پھر آغاز سے ہی ان کی ناکامی کا امکان ہوجائے گا۔ نیشنل بینک کے اس اقدام کے ذریعے ٹیلی کام سروس فراہم کرنے والوں کے ساتھ نیشنل پیمنٹ ایکو سسٹم میں شراکت داری قائم کرنے کی ضرورت ہے جو مالیاتی رسائی کی توسیع میں تیزی سے ہونے والا گہرا عمل ہوگا اور جو پاکستان کے ہر شہری کے لئے باسہولت ہوگا۔ 

اس شراکت داری کے بارے میں یوفون کے سی ای او اور پریذیڈنٹ عبدالعزیز نے کہا کہ
یوپیسہ اور این بی پی کے ذریعے ہم اپنی ڈیجیٹل مالیاتی ادائیگی کی سہولیات میں توسیع پر فخر محسوس کرتے ہیں اور اس کے ذریعے پورے معاشی نظام کی ڈیجیٹائزیشن میں اپنا کردار ادا کریں گے جس سے معاشرے کے مختلف طبقات میں روزانہ کی بنیاد پر مالیاتی ٹرانزایکشنز سرانجام دینے والوں کو وقت، پیسے اور قیمتی وسائل کی بچت ہوگی۔ 

انہوں نے مزید کہا کہ
اس پیش رفت سے ہم دیکھیں گے کہ بینک کی سہولیات استعمال نہ کرنے والے بھی مستفید ہوں گے۔ 

یوپیسہ ایک موبائل فون کے ذریعے نیشنل بینک کے تمام صارفین کو یوٹیلیٹی بل پیمنٹ، انٹربینک فنڈز ٹرانسفر، این بی پی اکاو ¿نٹ کی بیلنس انکوائری، این بی پی بینک کے منی اسٹیٹمنٹ سمیت تمام جدید سہولیات فراہم کرے گی۔ ان سب کاموں کے لئے ان کے پاس بس یوفون کی ایک سم ہونے کی ضرورت ہے جس سے اسٹار 60 ہیش (*60#) ڈائل کریں اور اس کے بعد وہ اپنے این بی پی اکاو ¿نٹ کو یوپیسہ اکاو ¿نٹ کے ساتھ منسلک کرسکتے ہیں۔ 

مشہور اشاعتیں

گوگل اشتہار

تازہ ترین خبریں

نیوز لیٹر ای میل پر حاصل کریں!

مشہور اشاعتیں

گوگل اشتہار

© Copyright 2015 اردو نیوز پاکستان. Designed by تھیم 9. Powered by Blogger.