کالعدم تنظیم کے گرفتار ٹارگٹ کلر نے دوران تفتیش اہم انکشافات کئے

کالعدم تنظیم کے گرفتار ٹارگٹ کلر نے دوران تفتیش اہم انکشافات کئے

کرائم سٹوریز Admin   11:35 AM

 کراچی (ویب ڈیسک) کراچی میں فرقہ وارانہ ٹارگٹ کلنگ میں ملوث کالعدم جماعت کے ٹارگٹ کلر سرفراز نے دوران تفتیش اہم انکشافات کئے ۔ 

دہشتگرد نے پولیس اہلکاروں، ٹریفک پولیس اہلکاروں اور نجی ٹی وی چینل کے تین افراد کو قتل کرنے کا اعتراف کر لیا۔ کراچی کے فیڈرل بی انڈسٹریل ایریا پولیس کے ہاتھوں گرفتار کالعدم جماعت کے دہشتگرد سرفراز نے دوران تفتیش اہم انکشافات کر دیئے۔ دہشتگرد نے سال 2013 میں نکل پالش کا کام کرنے والے باپ اور بیٹے کو فرقہ واریت کی بنیاد پر قتل کیا۔ ملزم نے 2014 میں اورنگی ٹاون اقبال مارکیٹ کے

علاقے میں غنی عرف گنجا ماما کو قتل کیا۔ ملزم نے اپنے ساتھیوں کے ساتھ ملکر جنوری 2014 میں بورڈ آفس کے قریب فائرنگ کر کے نجی ٹی وی چینل کے تین افراد کو قتل کرنے کا بھی اعتراف کیا ہے۔ دہشتگرد کے مطابق گروہ کے سرغنہ امیر صاحب کے کہنے پر شاہنواز اور اسلم سمیت متعدد پولیس اہلکاروں اور ٹریفک پولیس اہلکاروں کو ضلع سینٹرل میں ٹارگٹ کلنگ کا نشانہ بنایا جبکہ ڈبہ موڑ کے قریب رکشہ چلانے والے متحدہ قومی موومنٹ کے کارکن کو قتل کیا۔ دہشتگرد کے دیگر ساتھیوں کی تلاش جاری ہے.

صبا پکڑی گئی، جی ہاں ہسپتال والی ’صبا‘ بلا آخر پکڑی گئی

صبا پکڑی گئی، جی ہاں ہسپتال والی ’صبا‘ بلا آخر پکڑی گئی

کرائم سٹوریز Admin   2:38 AM

بلاگر ابوالحسنین : آپ کے پاس اکثر ایسے مسیجز آتے ہونگے جن کو پڑھ کر آپ کے دل انسان ہونے کے ناطے جذبہ خدمت جاگ گیا ہو۔ دل چاہ رہا ہو کہ اس بیچاری کی مدد کی جائے۔  کیونکہ مسیجز ہی کچھ ایسے لکھے ہوتے ہیں ’’پلیز آپ میرے اس نمبر  0345XX154541 پر 50 کا ٹیلی نارکا ایزی لوڈ کروادیں میں بہت مشکل میں ہوں، بعد میں واپس کردوںگی۔ صبا‘‘  یا       ’’پلیز آپ کو خدا و قرآن کا واسطہ ہے میرے اس نمبر پر 0300XXX12154 پر 50 کا جاز لوڈ کریں میں بہت پریشانی میں ہوں آپ مجھے جانتے ہو۔ کال می۔ صبا ‘‘   یا   ’’ میری امی ہسپتال میں ہے۔ میں بہت پریشان ہوں مجھے ضروری کال کرنی ہے۔ پلیز میرے اس نمبر 0300XXX12154 پر ایزی لوڈ کردیں، بعد میں واپس کردوں گی۔ صبا‘‘

ایسے مسیج پڑھ کر بعض درد دل رکھنے والے حضرات اکثر اُن کے جھانسے میں آجاتے ہیں اور 50 کی جگہ 100 یا اس سے بھی زیادہ کا بیلینس بھی بھیج دیتے ہیں۔ اور ایسے بھے لڑکے ہوتے ہیں جو پہلے فون کرتے ہیں یہ کانفرم کرنے کے لئے کہ واقعی میں لڑکی ہے۔ لڑکی کی آواز میں دو چار دوستی کی باتیں سن کر جیپ بھی خالی کردیتے ہیں۔ 

میرے کچھ دوستوں نے تفریح کے لئے ایک تجربہ کیا۔ اتفاق سے ان میں سے ایک لڑکی کی آواز میں ایسی باتیں کرتا کہ کوئی نہ پہچان سکے کہ یہ لڑکا ہے۔  اپنے ہی دوست کو دو چار مس کالیں دیں تو اس کے مسیج آنے شروع ہوئے، ادھر سیانے نے نام لڑکی والا لکھ کر بھیجا۔ پھر تو لڑکا پاگل سا ہوگیا۔ فوراً فون کیا۔ ادھر نقلی لڑکی نے لڑکیوں والی آواز میں دوستی کی ایسی باتیں کیں کہ لڑکا ملنے کو ترس گیا۔ لڑکے کو جگہ بتا دی گئی کہ یہاں پر آجاو۔ اور مزہ لینے کے لئے بلڈنگ کے اوپر سے دیکھنے لگے۔  دیکھا تو لڑکا بھاگا بھاگا آرہا ہے۔ ادھرے لڑکے بھی فون پر بات چیت جاری رکھتے ہوئے دیئے ہوئے مقام پر پہنچ گئے۔ لڑکے کا فون کان میں ہی لگا پڑا ہے۔ جلدی جلدی میں رش والی سڑک بھی عبور کی  اور پسینہ پسینہ ہوکر مجوزہ جگہ پر پہنچا تو لڑکی کی جگہ شرمندگی اور قہقہوں نے اس کا خوب استقبال کیا۔ 

تو دوستو! دوستی ایسی نہیں ہوتی۔ بن دیکھے، بنا ملے کوئی کسی کی دوست نہیں ہوسکتی۔  تو ایسے میسیجز پر زیادہ توجہ نہ دیں۔ اور درجہ ذیل ویڈیو دیکھیں  سب سمجھ میں آجائے گا۔

Hosptal wali Saba pakri gayee by myvoicetv

باپ کی لاپرواہی سے اس کی 5 سالہ بیٹی فوت ہوگئی۔ گن چل جانے سے گولی بچی کو لگی

باپ کی لاپرواہی سے اس کی 5 سالہ بیٹی فوت ہوگئی۔ گن چل جانے سے گولی بچی کو لگی

کرائم سٹوریز Admin   1:01 AM

ہوسٹن (اُردُو وائس آف پاکستان ۔ ویب ڈیسک) دوائوں یہاں تک کہ ڈسپرین کی گولی تک، کے اوپر لکھا ہوتا ہے کہ بچوں کی پہنچ سے دور رکھیں۔ مگر ہم کچھ ایسی جان لیوا چیزوں کو دانستہ یا غیر دانستہ طور پر بچوں کی دسترس میں رکھ دیتے ہیں۔ ایسا ہی ہوا ہوسٹن میں ایک 5 سال کی بچی باپ کے پسٹل سے کھیلتے ہوئے خود کو ہی گولی ماردی۔ میڈیا ذرائع کے مطابق ہوسٹن کے علاقے لوزیانہ میں مذکورہ المناک واقعہ پیش آیا۔ 

ہیلی مورے ہفتہ وار چھٹی اپنے باپ کے گھر پر اپنے بڑے بھائی اور بہن کے ساتھ منارہی تھی۔ بچوں نے مووی دیکھنے جانے کا فیصلہ کیا تھا لیکن نکلنے سے کچھ دیر پہلے ہیلی نے اپنے باپ کا پسٹل دیکھا اور ہاتھ میں لیکر اس سے کھیلنا شروع کیا۔ مورے کے باپ نے پولیس کو بتایا کہ کھیلتے کھیلتے بچی نے گن چلادی گن کی گولی خود بچی کو لگی اور وہ دنیا سے چلی گئی۔ باپ واش روم میں نہارہا تھا کہ گن شوٹ کی آواز سنی تو فوراً باہر آگیا لیکن جب وہ بچی کے پاس پہنچا تو بہت دیر ہوچکا تھا۔ بچی خود کو گولی ماردی تھی۔ اور وہ دنیا سے رخصت ہوچکی تھی۔

سترہ سالہ #لڑکی کو اغوا کرکے مبینہ زیادتی کرنے والا ڈی ایس پی گرفتار

سترہ سالہ #لڑکی کو اغوا کرکے مبینہ زیادتی کرنے والا ڈی ایس پی گرفتار

ویڈیوز Admin   8:29 AM

 لاہور(ویب ڈیسک)  عوام کے محافظ ہی عوام کی عزتوں سے کھیلنے لگے۔ سترہ سالہ لڑکی کو اغوا کے بعد زیادتی کا نشانہ بنانے کے الزام میں ڈی ایس پی کو گرفتار کر لیا گیا۔ ڈی ایس پی نوکری سے بھی معطل کردیا گیا ہے۔ 

تفصیلات کے مطابق کاہنہ پولیس اسٹیشن میں ایک خاتوں نے اپنی 17 سالہ لڑکی  کو اغوا کرکے مبینہ زیادی کرنے والے ڈی ایس پی عمران بابر جمیل کے خلاف بیٹی کو اغوا کر کے زیادتی کا نشانہ بنانے کا مقدمہ درج کرایا۔

لڑکی کی والدہ نے الزام لگایا کہ ڈی ایس پی نے اس کی بیٹی کو 24 گھنٹے تک حراست میں رکھا اور اسے زیادتی کا نشانہ بھی بنایا۔ کاہنہ پولیس نے فوری ایکشن لیتے ہوئے ڈی ایس پی عمران بابر جمیل کو حراست میں لے لیا۔

پولیس کا کہنا ہے کہ لڑکی کو میڈیکل چیک اپ کے لئے اسپتال منتقل کر دیا گیا ہے جبکہ ڈی ایس پی کا بھی ڈی این اے ٹیسٹ لیا جائے گا۔ سی سی پی او لاہور نے واقعہ کی تحقیقات کے لئے3 رکنی کمیٹی قائم کردی ہے۔

عمران بابرجمیل 2010 میں رنگ محل کے ڈی ایس پی تھے، سی آئی اے پولیس کے خلاف بیان دینے پر انھیں نوکری سے برطرف کردیا گیا تھا، جس پر جمیل نے عدالت سے رجوع کیا اور پھر لاہور ہائی کورٹ نے انھیں 2012 میں بحال کردیا جس کے بعد سے عمران بابر سی پی او میں او ایس ڈی تعینات ہیں۔

DSP arrested in case of 14 year old girl rap in... by myvoicetv

فٹ پاتھ پر سوئے غریب مزدور کو آگ لگادی گئی

فٹ پاتھ پر سوئے غریب مزدور کو آگ لگادی گئی

ملتان Admin   5:11 AM

ملتان (ویب ڈیسک) نا معلوم موٹر سائیکل سواروں نے کام سے تھکا ہارا مزدر کو فٹ پاتھ بھی آرام کرنے نہ دیا۔ فٹ پاتھ پر سوئے مزدور کو مبینہ طور پر آگ لگای۔ پولیس کے مطابق ملتان کے رہائشی کاشف سبزی منڈی میں ڈیلی ویج پر مزدوری کرتا تھا۔ کام کی تھکن سے چور فٹ پاتھ پر سورہا تھا کہ دو نا معلوم موٹر سائیکل سوار آئے اس پر پٹرل چھڑک دی اور آگ لگادی۔ پولیس نے کاشف کو جھلی ہوئی ڈی ایچ کیو منتقل کردی، جہاں ڈاکٹروں نے اس کی حالت نازک بتائی ہے ۔ پولیس نے مقدمہ درج کرکے تفتیش شروع کردی ہے۔

غیرت کے نام پر کراچی میں 2 خواتین قتل، بہن تڑپتی رہی بھائی موبائل سے کھیلتا رہا

غیرت کے نام پر کراچی میں 2 خواتین قتل، بہن تڑپتی رہی بھائی موبائل سے کھیلتا رہا

کرائم سٹوریز Admin   10:10 AM

کراچی( اردو وائس پاکستان 28 اپریل 2016) کراچیشہر میں غیرت کے نام پرمختلف جگہوں پر 2 خواتین کو مبینہ طور پر بے دردی اور سفاکی سے قتل کیا گیا۔ کراچی اورنگی ٹاون میں بھائی نے بہن کو سفاکی اور درندگی قتل کیا۔ بھائی کو شبہ تھا کہ اس کی بہن کا لڑکے سے آفیئر چل رہا ہے۔ لڑکی دروازے پر کھڑی تھی، سفاک بھائی کو لگا کہ وہ باہر اس کا کوئی آشنا ہے جس سے وہ باتیں کررہی ہے۔

بھائی نے اس سے جھگڑا کیا تو دونوں میں تو تو میں میں ہوگئی۔ سفاک بھائی چھری اور چاقو سے بہن پر وار کیا، شدید زخمی بہن زمین پر گر کر کافی دیر تک تڑپتی رہی مگر سفاک بھائی پاس بیٹھ کر موبائل سے کھیلتا رہا۔ محلے کے کافی بچے بھی تڑپتی لڑکی کو دیکھنے جمع ہوگئے۔ لڑکی کو نیم مردہ حالت میں ہسپتال پہنچایا گیا تاہم وہ دم توڑ چکی تھی۔ پولیس نے قاتل بھائی کو گرفتار کرلیا اور آلہ قتل بھی برآمد کرلی۔

ایک اور واقعہ کراچی کے قائد آباد کے علاقے میں پیش آیا۔ پسند کی شادی کرنے پر نوجوان لڑکی کو قتل کردیا گیا۔ لڑکی کی شادی 3 سال قبل ہوئی تھی۔ پولیس کو شک ہے کہ قتل کسی رشتہ دار ہی نے کیا ہے۔ پولیس واقعے کی تفتیش کررہی ہے۔

پاکستان میں غیرت کے نام پر قتل کے واقعات بڑھ رہے ہیں۔ حال ہی میں انسانی حقوق کمیشن آف پاکستان کی رپورٹ میں کہا گیا ہے کہ پاکستان میں سال 2015 میں 1100 خواتین کو محض غیرت کے نام پر قتل کیا گیا۔ یہ تعداد سال گزشتہ کی نسبت بہت زیادہ ہے۔

Brother st abs 17-year-old sister to d eath in... by myvoicetv

ماں نے بیٹی کو قتل کو موت کے گھاٹ اتار دیا، وہ بھی شادی سے ایک روز پہلے

ماں نے بیٹی کو قتل کو موت کے گھاٹ اتار دیا، وہ بھی شادی سے ایک روز پہلے

کرائم سٹوریز Admin   5:29 AM

ماں نے اپنی سگی بیٹی کو شادی سے صرف ایک روز پہلےگلہ دبا کر موت کے گھاٹ اتار دیا۔

بھارتی میڈیا کے مطابق دارالحکومت دہلی کے شمال مشرق میں واقع سالم پور کے علاقے میں ایک 20 سالہ لڑکی کو شادی سے ایک روز قبل آشنا کے ساتھ انتہائی قال اعتراض حالت میں دیکھ کر طیش میں آگئی اسی وقت اسے موت کے گھاٹ اتار دیا۔ پولیس نے مشکوک بیانات پر اس کی ماں اور بھائی کو حراست میں لے لیا ۔

اس سے قبل ان کی جانب سے بیان دیا گیا تھا کہ لڑکی نے خودکشی کی لیکن دوران تفتیش لڑکی کی ماں نے حقائق کے بارے میں آگاہ کیا ،ان کا کہنا تھا کہ کسی کام کیلئے باہر گئی واپس آئی تو ا س کی بیٹی اپنے آشنا کے ساتھ قابل اعتراض حالت میں موجود تھی۔ (ویب ڈیسک)

سیلفی کے دیوانے کوتیز رفتار ٹرین نے کچل دیا

سیلفی کے دیوانے کوتیز رفتار ٹرین نے کچل دیا

کرائم سٹوریز Admin   2:53 AM

چنائی (اردو وائس پاکستان مانیٹرنگ 01 فروری 2016)   تیز رفتار ٹرین کے ساتھ سیلفی لینے کے شوق نے زندگی کا چراغ ہی گل کردیا۔ سلفی تو شاید موبائل کی میموری میں سیف ہوگیا ہو مگر اسے دوستوں کو دکھانے کا شوقین نہ رہا۔ فرسٹ ایئر کا طالب علم  16 سالہ دینیش کمار اتوار کی شام کو دوستوں کے ساتھ ریلوے ٹریک پر ٹہل رہا تھا، جون ہی دور سے ٹرین آتے دیکھا اُسے سیلفی کا شوق ہوگیا اور وہ سیلفی میں اتنا مگن ہوگیا اس اسے ٹرین کے قریب آنے کا اندازہ نہ ہوا اور تیز رفتار ٹرین نے اسے کچل دیا۔

وہ ٹرین قریب آتے ہیں کیمرے کے بٹن پر کلک کرنے ہی لگا تھا کہ تیز رفتا ٹرین نے اس کی زندگی کے بٹن پر کلک کردیا اور یوں دینیش تصویر بن کے رہ گیا۔  

اس سے قبل ایک ایسا ہی افسوس ناک صانحہ ایک جوڑے کے ساتھ یش آیا تھا، جس میں لڑکی سیلفی لیتے لیتے سمندر میں گرگئی تھی اسے بچانے کے لئے خاوند پانی میں کود گیا ۔۔۔ پانی ان کے لئے موت کا کنواں ثابت ہوا۔