دبئی سے آنے والی ایمرئٹس ایئر لائن کی پرواز میں بچے کی پیدائش ، بچے کا نام ای کے رکھا گیا

دبئی سے آنے والی ایمرئٹس ایئر لائن کی پرواز میں بچے کی پیدائش ، بچے کا نام ای کے رکھا گیا

عالمی خبریں Admin   10:42 PM

  دبئی آنے والی مسافر نے ایمریٹس کی پرواز کے دوران بچے کو جنم دیا، ماں اور بچے کو عملے کی جانب سے فوری طبی امداد فراہم کی گئی۔ اماراتی میڈیا کے مطابق جاپان سے دبئی آنے والی ایک مسافر نے امارات کی پرواز میں بچے کو جنم دیا ہے، ایئر لائن نے کہا کہ عملے نے لینڈنگ کے وقت ماں اور بچے کو فوری طبی امداد اور مناسب دیکھ بھال فراہم کی جب کہ والدین نے ایئرلائن کے فلائٹ کوڈ کے مطابق بچے کا نام 'EK' رکھا ہے۔

ایمریٹس نے ایک بیان میں بتایا کہ ایمریٹس 19 جنوری کو ٹوکیو ناریتا سے دبئی جانے والی پرواز EK319 میں پیدائش کی تصدیق کر سکتی ہے، عملے نے مسافر کی مدد کی اور پرواز شیڈول کے مطابق دبئی میں لینڈ کی، پرواز ٹوکیو ناریتا سے رات 10.31 بجے (جاپانی وقت) پر روانہ ہوئی اور شام 5.44 بجے (متحدہ عرب امارات کے وقت) پر دبئی پہنچی تو مسافر اور بچے کی حالت مستحکم تھی اور دبئی پہنچنے پر مقامی طبی عملے نے ان سے ملاقات کی کیوں کہ ہمارے لیے عملے اور مسافروں کی صحت اور حفاظت سب سے اہم ہے۔

ترجمان ایمریٹس نے بتایا کہ عام طور پر حاملہ خواتین کے لیے 36 ہفتوں کے حمل کے بعد ہوائی سفر کو غیر محفوظ سمجھا جاتا ہے جب تک کہ ان کے ڈاکٹروں کی طرف سے مشورہ نہ دیا جائے، ایمریٹس کے کیبن کریو کا عملہ دل کے دورے سے لے کر بچے کی پیدائش تک طبی ہنگامی صورتحال سے نمٹنے کے لیے وسیع تربیت سے گزرتا ہے۔

دلچسپ بات یہ ہے کہ یہ پہلا موقع نہیں جب امارات کے کسی مسافر نے دوران پرواز بچے کو جنم دیا ہو، دبئی کے فلیگ کیریئر نے کم از کم تین ایسے واقعات کی اطلاع دی ہے، مئی 2020ء کو لاگوس، نائیجیریا سے دبئی جانے والی وطن واپسی کی پرواز کے دوران ایک خاتون نے جنم دیا اور 2017 میں دبئی سے پیرس جانے والی پرواز میں ایک مسافر نے اپنے بچے کو جنم دیا، اس سے پہلے 2012ء میں منیلا جانے والی پرواز میں ایک بچے کی پیدائش کے بعد کیریئر کو ویتنام میں ہنگامی طور پر روکنا پڑا۔

سمندر نے اس سال 3200 افراد کو نگل لیا

سمندر نے اس سال 3200 افراد کو نگل لیا

مہاجرین Admin   9:29 AM

روم (نیوز ڈیسک)  سال 2016 کے آغاز سے لیکر اب تک سمندر نے 3200 مہاجرین کو نگل لیا ۔    بہتر زندگی کی امید لئے یورپ جانے والے 3200 مہاجرین کی امیدیں لئے سمند ر برد ہوگئے۔ اٹلی مہاجرین کی سب سے بڑی پناہ گاہ ہے جہاں پہنچنے والے مہاجرین کی تعداد ایک لاکھ 46 ہزار ہے۔  حالیہ دنوں میں اٹلی کی کوسٹ گارڈ نے کشتیوں سے یورپ جانے والے 2400  مہاجرین کو بچا لیا ہے ، مہاجرین میں نومولود بچوں سمیت بڑی تعداد میں خواتین شامل تھیں۔ حالیہ دنوں میں مہاجرین کی کئی کشتیوں کو ڈوبنے سے بچا لیا گیا ہے  جن میں سوار افراد کی تعداد 5700 بتائی جاتی ہے۔ 

بھارت میں درندگی کی نئی مثال قائم کردی گئی، قبر سے مسلمان خاتون کی لاش نکال کر زنا کی گئی۔

بھارت میں درندگی کی نئی مثال قائم کردی گئی، قبر سے مسلمان خاتون کی لاش نکال کر زنا کی گئی۔

ویڈیو نیوز Admin   11:53 PM

بھارت میں درندگی کی نئی مثال قائم کردی گئی، قبر سے مسلمان خاتون کی لاش نکال کر زنا کی گئی۔

Men gang rape body of a woman after exhuming it... by myvoicetv

شادی کی تقریب میں خود کش حملہ، دھماکے سے 51 افراد جاں بحق 90 سے زائد زخمی

شادی کی تقریب میں خود کش حملہ، دھماکے سے 51 افراد جاں بحق 90 سے زائد زخمی

عالمی خبریں Admin   12:30 PM

انقرہ (ویب ڈیسک) ترکی کے صوبے غازی انتب میں شادی کی ایک تقریب میں خود کش حملہ کرلیا گیا حملے میں 51 افراد جاں بحق اور 90 سے زائد زخمی ہوگئے ہیں۔ ترک میڈیا کی رپورٹس کے مطابق غازی انتب کے خود کش حملہ اس وقت ہوا جب شادی کی تقریب جاری تھی۔ زور دھماکے ہوئے، حملے میں 51 افراد جاں بحق اور 100 کے قریب زخمی ہوگئے ہیں زخمیون میں بھی بعض کی حالت تشویشنال ہے۔ دھماکے کے بعد ہر طرف تباہی اور لاشیں پھیل گئیں، جس جگہ چند لمحے قبل خوشیوں کے شادیانے بج رہے تھے وہاں موت رقص کرنے لگی۔ دھماکے کے فوری بعد امدادی ٹیمیں پہنچ گئیں اور زخمیوں کوہسپتالوں میں منتقل کردیا ۔ تمام قریبی ہسپتالوں میں ایمر جنسی بھی نافذ کردی گئی۔ رواں سال کے کچھ مہینوں میں میں ترکی میں اس سے قبل بھی کئی دہشتگرد حملے ہوئے ہیں ان واقعات میں درجنوں افراد جاں بحق ہوچکے ہیں، جبکہ حال ہی میں ناکام فوجی بغاوت کے بعد بعد تری کے اندرونی حالات بھی ٹھیک نہیں ہیں۔

انسانی سمگلنگ اور جسم فروشی سے بچ کر نکلی ایک عورت کی کہانی انھی کی زبانی۔

انسانی سمگلنگ اور جسم فروشی سے بچ کر نکلی ایک عورت کی کہانی انھی کی زبانی۔

عالمی خبریں Admin   2:14 AM

کرٹیسی بی بی سی اردو

میرا شوہر مجھے ایک کمرے میں لے گیا، جہاں بہت سی لڑکیاں بیٹھی تھیں، اور بولا کہ تم میرے خلاف گھریلو تشدد کا کیس کروگی، تو بیشک میں تمہیں یہاں لے آیا، اب زندگی بھر یہیں رہنا۔

٭ ’اب میں گندی لڑکی ہوگئی تھی‘

’یہ ایک کوٹھا تھا۔ میرے شوہر مجھ سے بدلہ لینے کے لیے مجھے یہاں دھوکے سے لے آیا تھا۔ میں 16 سال کی تھی جب اس سے شادی کر دی گئی، وہ بہت مار پیٹ کرتا تھا۔

میں پڑھی لکھی نہیں تھي پر ہمت کر کے واپس گھر بھاگ آئی اور اس کے خلاف گھریلو تشدد کا مقدمہ دائر کر دیا۔

یہ اسی کا بدلہ تھا۔ بنگال کے ایک گاؤں سے وہ مجھے نشے کی دوا کھلا کر پُونے کے کوٹھے میں لے آیا تھا۔

وہاں مجھے کچھ اچھا نہیں لگتا تھا۔ روز ہر وقت روتی رہتی، یہی سوچتے ہوئے کہ کب گھر واپس جا سکوں گی۔

ایک سماجی تنظیم نے تربیت دی اور دکان شروع کرائی

اس دوران میرے اندر بہت سارا غصہ اور انصاف پانے کی ضد پیدا ہو گئی۔

پولیس نے جب چھڑایا اور پُونے سے واپس بنگال آئی تو وکیل کے پاس گئی اور کہا کہ شوہر کے خلاف انسانی سمگلنگ کا کیس کرنا ہے۔

انہوں نے بہت سارے پیسے مانگ ڈالے۔ پر میرے پاس کمانے کا کوئی ذریعہ نہیں تھا۔ کئی بار تو کھانے کے لیے بھی نہیں ہوتا تھا۔

پھر ایک سماجی تنظیم نے تربیت دی اور دکان شروع کرائی۔

میں راشن کا سامان فروخت لگی۔ خوف کو پیچھے کر، ایک بار پھر لوگوں کا سامنا کرنے کی ہمت ہوئی۔

اسی ادارے کی مدد سے شوہر کے خلاف انسانی اسمگلنگ کا مقدمہ بھی دائر کروایا۔

اپنے خاندان میں پہلی خاتون ہوں جس نے عدالت کا دروازہ کھٹکھٹایا مگر جب بیان دینے کے لیے ایک بار پھر پُونے جانا پڑا تو پھر مشکلات شروع ہوئیں۔

گاؤں والوں نے طعنے دینے شروع کر دیے۔ وہ کہتے، کہاں جاتی ہو؟ کیا کرتی ہو؟ ایک بار جہاں سے ہو آئی وہاں اب کیوں جاتی ہو؟

خاندان سے کہتے کہ اتنی بڑی لڑکی ہے، ایک بار شادی خراب ہوئی تو کیا، طلاق دلاؤ اور پھر کرا دو، گھر میں رکھنے سے شرم نہیں آتی؟

اور یہ سب سن کر میرا خاندان مجھ سے ہی جھگڑتا ہے۔ بس یہی مجھے سب برا لگتا ہے۔

میں جب اتنی کوشش کر رہی ہوں کہ سب ٹھیک ہو جائے، میری دکان چلے، اس کے بعد خاندان والے بالکل ساتھ نہیں دیتے، کہتے ہیں تم سے ہوتا ہے تو کرو، ہم کچھ نہیں کر پائیں گے۔

تو میں نے اب یہ سمجھ لیا ہے کہ ایک انسان جو اپنے لیے سوچتا ہے وہی سب سے اہم ہے۔

اگر میں ہی سوچوں کہ میں گندی ہوں تو سب خراب ہو جائے گا۔ پر میں نے سمجھا ہے کہ میں ٹھیک ہوں تو اب ٹھیک لگتا ہے۔

غریب میاں بیوی پندرہ روپے کا قرض ادا نہ کرسکنے پر قتل کردیے گئے

غریب میاں بیوی پندرہ روپے کا قرض ادا نہ کرسکنے پر قتل کردیے گئے

عالمی خبریں Admin   12:58 PM

نئی دہلی (اردو وائس: ویب ڈیسک)  بھارتی پولیس کے مطابق ریاست اتر پردیش میں ایک میاں بیوی کو 15 روپے کا قرض بروقت ادا نہ کرنے کی وجہ سے ہلاک کر دیا گیا ۔ جمعرات کو یہ میاں بیوی مزدوری کے لیے جارہے تھے کہ راستے میں ایک کریانہ اسٹور کے مالک نے انہیں پندرہ روپے قرض ادا کرنے کے لئے کہا، جس کے بعد لڑائی ہوئی اور دکان کے مالک نے کلہاڑیوں کے وار کرتے ہوئے میاں بیوی کو قتل کر دیا۔ 

ضلع مین پوری کے تفتیشی افسر ارون کمار نے نیوز ایجنسی اے ایف پی سے گفتگو کرتے ہوئے بتایا ہے کہ دکاندار کی طرف سے سوال کرنے کے بعد میاں بیوی نے کہا کہ وہ بعد میں پندرہ روپے واپس کر دیں گے لیکن دکاندار اشتعال آ کرکلہاڑی سے وار کرنا شروع کر دیا۔ ملزم  دکاندار کی عمر 61 سال کے قریب ہے اور درمیانی عمر کے میاں بیوی نے ایک ہفتہ پہلے یہ کہتے ہوئے سامان خریدا تھا کہ وہ آئندہ چند روز کے اندر اندر ہی اسے پندرہ روپے واپس کر دیں گے۔ واقعے کے بعد دکاندار کو گرفتار کر لیا گیا تھا جب کہ اس سے آلہ قتل بھی برآمد کر لیا گیا ہے۔ بھارت میں عدم برداشت بڑھ گئی ہے معمولی باتوں پرشروع ہونے والی لڑائیوں کی وجہ سے سالانہ ہزاروں افراد مارے جاتے ہیں۔ پولیس کے اعداد و شمار کے مطابق سن دو ہزار چودہ میں نئی دہلی میں 15 فیصد قتل عدم برداشت کی وجہ سے شروع ہونے والی لڑائی سے ہوئے اور یہ قتل کرنے والے وہ عام لوگ تھے، جن کا کوئی مجرمانہ ریکارڈ نہیں تھا۔ بھارتی نیشنل کریمنل ریکارڈ بیورو کے مطابق سن دو ہزار چودہ میں ملک بھر میں 33 ہزار سے زائد افراد کو قتل کیا گیا تھا۔

بھارت میں #گائے کا پیشاب دودھ سے زیادہ فروخت ہونے لگا، 80 روپے لیٹر

بھارت میں #گائے کا پیشاب دودھ سے زیادہ فروخت ہونے لگا، 80 روپے لیٹر

عالمی خبریں Admin   5:16 AM

نئی دہلی (این این آئی 25 جولائی 2016) بھارت میں گائے کا پیشاب دودھ سے زیاد فروخت ہونے لگا ہے، فی لیٹر پیشاب کے نرخ 80سے سو روپے ہیں، میڈیارپورٹس کے مطابق مودی حکومت نے گزشتہ دو برس میں گائے کیلئے باڑوں کی تعمیر پر پانچ ارب آٹھ کروڑ روپے خرچ کیے ہیں جبکہ حقیقت یہ ہے کہ بھارت میں پیشاب کے استعمال سے تین مہلک بیماریاں تیزی سے پھیل رہی ہیں۔ بھارت میں دودھ کی فروخت گائے کے پیشاب کے مقابلے میں کم ہو گئی ہے۔ 

بھارتی خواتین اسے اکھٹا کرنے کیلئے بہت تگ و دو کرتی ہیں۔رپورٹ میں کہا گیا کہ یہ غلاظت کئی طرح کے خطرناک بیکٹیریا اور وائرس کی حامل ہے ۔سڈنی یونیورسٹی کے بھارتی پروفیسر کا کہنا تھا کہ بھارت میں تین مہلک امراض تیزی سے پھیل رہے ہیں جو گائے کے پیشاب کی وجہ سے لوگوں میں منتقل ہو رہے ہیں۔ گائے کی غلاظت سے گھریلو سطح پر تقریباً تیس ادویات تیا ر کی جا رہی ہیں۔بھارت میں گائے کے پیشاب کا سب سے بڑا خریدار یوگا گرو بابا رام دیو ہے جو اس غلاظت سے مختلف مصنوعات تیار کرتا ہے جس کی وجہ سے کئی عالمی سطح کے کارروباری گروپس کی بھارت میں تیار کردہپروڈکٹس کے بند ہونے کا خدشہ پید اہوگیا ہے۔رام دیو یورین سے تیار اپنی مصنوعات کی فروخت کیلئے یومیہ ڈیڑھ لاکھ روپے اشتہاری مہم پر خرچ کرتا ہے۔ 

بھارت میں ایک تھراپی ہیلتھ کلینک ماہانہ 25ہزار لیٹرپیشاب خریدتا ہے جس کا دعویٰ ہے کہ ا س نے گزشتہ دو دہائیوں میں 12لاکھ مریضوں کا علاج اسی غلاظت سے کیا ہے جو اپنی پروڈکٹس کو یومیہ چار ہزار آن لائن مریضوں کو فروخت کرتا ہے۔بھارتی جنتا پارٹی کے لوک سبھا کے رکن سبرامینیم سوامی گائے کے تحفظ کے لئے موجودہ حکومتی کوششوں سے اتفاق نہیں کرتے، انہوں نے کہاکہ بھارت اس وقت دنیا میں گوشت برآمد کرنے والا سب سے بڑا ملک ہے اسی لئے بھینس کی آڑ میں لوگ گائے کو ذبح کرتے ہیں اور بھینس کا گوشت بنا کر فروخت کرتے ہیں

جدّہ میں خود کش حملہ آور کی شناخت پاکستانی ہونے کے بعد سعودی عرب نے 12 پاکستانیوں کو گرفتار کرلیا

جدّہ میں خود کش حملہ آور کی شناخت پاکستانی ہونے کے بعد سعودی عرب نے 12 پاکستانیوں کو گرفتار کرلیا

عالمی خبریں Admin   2:53 AM

ریاض (وقائع نگار ابوالحسنین: ٹائمز آف چترال 9 جولائی 2016) سعودی شہر جدّہ میں امریکی کونسلیٹ کے باہر خود کش حملہ کرنے والا پاکستانی نکلا۔ گزشتہ ہفتے سعودی عرب کے تین شہروں میں تین خود کش حملے ہوئے۔ مدینہ میں پیغمبر اسلام ﷺ کی مسجد نبومی میں محمدﷺ کے روضہ مبارک کے قریب ہونے والے خود کش دھکاکے نے مسلم دنیا میں بھونچال پیدا کردیا۔ دنیا بھر کے مسلمان اس بات کو لئے شدید غم و عصے میں ہیں اور سعودی عرب کے ساتھ مقدس مقامات کی حفاظت کے لئے ہر ممکن تعادن کی پیشکش کی ہے۔ پاکستانی سپہ سالار جنرل راحیل شریف نے بھی سعودی عرب میں ہونے والے یکے بعد دیگرے 3 دھماکوں پر تشویش کا اظہار کیا اور سعودی ولی عہد اور دیگر حکام کو فون کرنے ہر ممکن تعاون کی یقین دہانی کرائی۔

خود کش حملوں کے بعد سعدی عرب سخت ترین اقدامت کرتے ہوئے 12 پاکستانیوں سمیت 19 مشتبہ افراد کو حراست میں لے لیا ہے۔ مدینہ، قطیف اور جدہ میں ہونے والے خود کش حملوں میں 7 افراد جان بحق اور متعدد زخمی ہوئے تھے۔ 

مدینہ منورہ میں مسجد نبوی ﷺ پر حملہ کرنے والا شخص سعودی شہری نکلا تھا۔ 26 سالہ نیئر موسلم حماد البلاوی ایک منشیات کا عادی شخص تھا، جس کی شناخت مسجد نبوی پر حملہ کرنے والے کے طور پر ہوئی تھی۔ یہ بات سعودی ایجنسی نے میڈیا کو بتائی تھی۔ قطیف میں تین حملہ آ ور ملوث تھے، جن میں سے ایک کا نام ابراہم صالح محمد ال امر تھا جس کی عمر 23 برس تھی، جس کے بارے میں سیکوریٹی اداروں کا کہنا کہ یہ شخص مختلف احتجاجوں میں حصہ لیتا رہا تھا۔

جدّہ میں امریکی کونسلیٹ کے قریب خود کش دھماکہ کرنے والے شخص کی شناخت عبداللہ قالزار خان کے نام ہوئی جو سعودی وزارت کے مطابق سعودی عرب میں 12 سے سال مقیم ایک ڈرائیور تھا۔ جس کا تعلق پاکسان سے تھا۔ 

سیلابوں سے 130 افراد ہلاک، فصلیں تباہ، 40 ہزار عمارتیں زمین بوس، 38 بلین کا نقصان

سیلابوں سے 130 افراد ہلاک، فصلیں تباہ، 40 ہزار عمارتیں زمین بوس، 38 بلین کا نقصان

عالمی خبریں Admin   12:57 AM

چین (ابوالحسنین: ٹائمز آف چترال 9 جولائی 2016) چین میں حالیہ سیلاب نے تباہی مچادی۔ تباہ کن سیلاب 130 جانیں نگل لی۔ مرکزی اور جنوبی چین میں آنے والے تباہ کن سیلاب سے اب تک 130 افراد جان بحق ہوچکے ہیں۔ 1.9 ملین ہیکٹر میں پھیلی فصلوں کو نقصان پہنچا جس کے باعث ملک کی معیشت کو 38 بلین یان کا نقصان ہوا۔

چین کی نیوز ایجنسی ژینہوا کے مطابق تباہ کن بارشوں چین کے 11 صوبوں میں 128 افراد جان بحق ہوگئے ہیں اور 42 افراد ابھی تک لاپتہ ہیں۔ 13 لاکھ سے زائد افراد کو گھروں سے نکال کر محفوظ مقامات پر منتقل کردیا گیا۔

چین کے وزیراعظم لی کیکیانگ نے منگل کے روز سب سے زیادہ متاثرہ صوبے انہوئی کا دورہ کیا، جہاں وہ متاثرین سے ملے اور امدادی کاموں میں مصروف اہلکاروں کی حوصلہ افزائی کی اور انہیں ہدایات دیں کہ لوگوں کی جانیں اور املاک بچانے کی ہر ممکن کوشش کی جائے۔ لی نے ہنن صوبے کا بھی دورہ کیا۔

چین کے مختلف صوبوں میں مزید بارشوں کی پیش گوئی کی گئی ہے۔ بارشیں معمول سے زیادہ ہونگی۔ چینی نیوز ایجنسی کے مطابق 4.9 ملین ایکڑ قابل کاشت زمینوں کو نقصان پہنچا اور 295000 ہیکٹر زمین مکمل طور پر تباہ ہوگئ جس سے معیشت کو 38.2 ارب چینی یان کا نقصان ہوا۔ 40 ہزار سے زائد عمارتیں زمین بوس ہوگئیں۔

مسلمان رہنمائوں کی پھانسی کا بدلہ یا کچھ اور: بنگلہ دیش ہوٹل پر حملہ، غیرملکیوں سمیت 24 افراد ماردیئے گئے

مسلمان رہنمائوں کی پھانسی کا بدلہ یا کچھ اور: بنگلہ دیش ہوٹل پر حملہ، غیرملکیوں سمیت 24 افراد ماردیئے گئے

عالمی خبریں Admin   8:11 AM

ڈھاکہ (مانیٹرنگ ڈیسک 2 جولائی 2016) بنگلہ دیشن میں ایک مصروف ہوٹل پر حملہ کرکے 20 غیر ملکیوں کو بے رحمی سے قتل کردیا گیا۔ بندوق سے نہیں بلکہ تیز دھار آلوں سے 20 افراد کو موت کے گھاٹ اتار دیاگیا۔ یرغمالیوں نے کئی افراد کو یرغمال بنائے رکھا۔ 

بنگلہ دیش کے ملٹری آپریشن کے ڈائریکٹر بریگیڈیئر جنرل نعیم اشفاق نے کہا ہے کہ آرمی جب ملیٹننٹ کے خلاف آپریشن کے لئے پہنچی تو اس وقت تک 20 افراد کو ذبخ کردیا گیا تھا۔ مذکورہ ہوٹل غیر ملکی سیاحوں کے لئے مشہور بتایا جاتاہے جہاں ہر وقت غیر ملکی موجود رہتے ہیں۔ حساس ہونے کیوجہ سے علاقے میں ڈپلومیٹک سیکیوریٹی ہوتی ہے۔ اس کے باوجود ملیٹننٹ ہوٹل میں داخل ہونے میں کامیاب ہوگئے۔ 

آرمی پارا کے کمانڈو یونٹ 1 نے آپریشن کی سربراہی کی اور 6 ملیٹنٹ کو مار دیا۔ نعیم اشفاق نے بتایا۔ آپریشن کے دواران 13 افراد کو بحاظت نکال لیا جن میں جاپانی اور سری لنکن شہری شامل تھے۔ 

قتل کئے جانے والے 20 یرغمالی غیرملکی تھے جن میں زیادہ تر اٹالین اور جاپانی تھے۔ حملے میں 2 سینئر پولیس اہلکار بھی قتل ہوئے۔ حملہ کل رات کو کیا گیا تھا۔ حملے میں کل 24 افراد ہلاک ہوئے ہیں۔

طالبان کے خود کش حملے میں افغان پولیس 27 کیڈٹ ہلاک، 40 زخمی

طالبان کے خود کش حملے میں افغان پولیس 27 کیڈٹ ہلاک، 40 زخمی

عالمی خبریں Admin   2:45 AM

افغانستان ( وقائع نگار : 30 جون 2016) جمعرات 30 جون 2016 کو 2 طالبان خود کش حملہ آوروں نے افغان پولیس کیڈٹس کی بس پر حملہ کردیا بس افغان پولیس نئے سند یافتہ کیڈٹس کو لیکر کابل کے مغربی حصے کے نواح کی جانب جارہی تھی۔ افغان پولیس کی گرین بسین طالبان کے لئے قابل شناخت ہیں اور نشانہ بنانے کے لئے آسان ہدف ہیں ، دارالحکومت کابل کے نواحی وردک صوبے میں طالبان کے حملے میں کئی بسیں تباہ ہوگئیں اور ملبے کا ڈھیر دور دور تک پھیل گیا۔ افغان حکومت کی وزارت داخلہ نے 27 اہلکاروں کے جان بحق ہونے کی تصدیق کردی ہے ۔ حملے میں 40 سے زائد زخمی ہوگئے ہیں۔ طالبان کی جانب ماہ مبارک رمضان میں کیا جانے والا یہ سب سے بڑ احملہ ہے۔ 

طالبان نے دعویٰ کیا ہے کہ انہوں نے 150 اہلکاروں کو مار دیا ہے۔ طالبان کے ترجمان ذبیح اللہ مجاہد نے کہا کہ پہلے حملے میں پولیس کیڈٹس اور ان کے تربیت کار وں کی بس کو نشانہ بنایا گیا، پھر جب امدادی کارکن اور ایمرجنسی سروس پہنچی تو دوسرے بمبار نے اپنی کار دھماکے سے اڑا دیا جس میں دھماکہ خیز مواد نصب تھا۔ 

ایئر پورٹ پر لرز اٹھا، 3 خود کش بم دھماکے، 42 ہلاکتیں ہر طرف تباہی پھیل گئی

ایئر پورٹ پر لرز اٹھا، 3 خود کش بم دھماکے، 42 ہلاکتیں ہر طرف تباہی پھیل گئی

عالمی خبریں Admin   7:49 PM

استنبول (ویب ڈیسک 30 جون 2016) ترکی کے دارلحکومت استنبول کے اتاترک ایئر پورٹ پر3 خود کش دھماکوں سے تباہی پھیل گئی۔ 42 افراد موقع پر جان بحق ہوگئے۔ 250 سے زائد زخمی ہیں۔ تین خود کش بمباروں نے پہلے فائرنگ کی پھر دھماکے سے خود کو اڑادیئے۔ منگل کی رات کو ٹیکسی میں آتش گیر مادوں ، دھماکہ خیز مواد اور ہتھیاروں سے لیس تینوں افراد ایئر پورٹ پہنچے، پہلے فائرنگ کرکے بھگدڑ مچادی پھر دھکاکے سے خود کا اڑا دیا۔ 

ترک حکام نے اسلامک اسٹیٹ پر حملے کا الزام لگا دیا۔ ترکی کا اتاترک ایئر پورٹ دنیا کے مصروف ترین ایئر پورٹس میں سے ایک ہے۔ اور ترکی نیٹو اہم اتحادی ہے اور دہشت گرد گروہوں کے ساتھ لڑائی میں نیٹو افواج کے ساتھ ملکر اہم کردار ادا کررہا ہے۔ حملے کے بعد کسی گروہ نے تاحال ذمہ داری کا دعویٰ نہیں کیا ہے۔

ترکی کے صدر ظیب اردگان نے حملے کو دہشت گردی کے خلاف جنگ کا ایک ٹرننگ پوائںٹ قرار دیا ہے۔ 

ترکی پر اس سال کئے جانے والے حملوں میں اس مرتبہ دہشت گردوں نے ترکی کے مصروف ترین ایئرپورٹ کو نشانہ بنایا ہے۔ یہ ایئر پورٹ مسلم دنیا میں استنبول کے کردار کی ایک اہم نشانی مانا جاتا ہے۔ استنبول ایک کھلا شہر ہے اور دنیا کے ہر شہری کے لئے کھلا ہے۔ اور یورپ اور ایشیاء کے درمیان رابطے کا اہم ذریعہ ہے۔ 

عرب خاتون مناسب شوہر کی تلاش میں، موزون شوہرکو 13 لاکھ ڈالر ادا کرنے کو تیار

عرب خاتون مناسب شوہر کی تلاش میں، موزون شوہرکو 13 لاکھ ڈالر ادا کرنے کو تیار

عالمی خبریں Admin   12:45 AM

سعودی عرب (ویب ڈیسک 28 جوان 2016) سعودی خاتون کو ایک موزون شوہر کی تلاش ہے، جس کی تلاش کے لئے وہ 1.3 ملین ڈالر ادا کرنے کے لئے بھی تیار ہے۔ سعودی اخبارات میں شائع ہونے والی خبر کے مطابق مذکورہ خاتون گزشہ دو سالوں سے موزون خاوند تلاش کر رہی ہیں۔ جس کے لئے وہ 13 لاکھ 30 ہزار امریکی ڈالر یا 50 لاکھ سعودی ریال ادا کرنے کے لئے تیار ہیں۔ 

خاتون نے اپنی شناخت ظاہر نہ کرتے ہوئے عربی میگزین رائو میں اشتہار شائع کی ہے۔ اشتہار میں خاتون نے ای میل ایڈریس اور فیکس نمبر دیئے ہیں جن کے ذریعے خاتون سے کمیونیکیٹ کیا جاسکتا ہے۔ درخواست دہندگان پروفائل کے ساتھ اپنی درخواست میں رابطہ نمبر فراہم کریں، اگر پروفائل خاتون کو پسند آگئی تو وہ خود رابطہ کریں گی ۔ 

نا معلوم خاتون اپنے اشتہار میں موزون شوہر کے لئے صرف ایک شرط رکھ رہی ہیں اور وہ ہے شوہر ’’ شادی شدہ زندگی کا قدردان‘‘ ہو۔ 

بنگلہ دیش میں خونی جھڑپیں ، 12 افراد ہلاک، ہزاروں افراد زخمی

بنگلہ دیش میں خونی جھڑپیں ، 12 افراد ہلاک، ہزاروں افراد زخمی

عالمی خبریں Admin   4:59 AM

ڈھاکا (ویب ڈیسک) بنگلہ دیش میں بلدیاتی انتخابات کے پانچویں مرحلے کے دوران شدید جھڑپیں شروع ہوئیں۔ پرتشدد واقعات میں2 بلدیاتی امیدواروں 2 بچوں سمیت 12 افراد جھڑپوں کی بھینٹ چڑھ گئے جبکہ ہزاروں افراد زخمی ہوگئے۔ میڈیا ذرائع کے مطابق بنگلہ دیش حکومت بلدیاتی انتخابات کا پانچواں مرحلہ بنگال کی تاریخ میں پہلی مرتبہ پارٹی لائن کی بنیادوں پر منعقد کروارہی ہے۔

بنگالی آفشلز کا کہنا ہے کہ ہلاکتیں چٹاگانگ، جاماپور، نواکھلی، کومیلا، پانچا گڑھ اور ناریان گنج میں ہوئی ہیں۔ پرتشدد واقعات میں ہزاروں افراد زخمی ہوگئے ہیں جن میں بیشتر کو گولیاں لگی ہیں۔چھڑپیں دھاندلی اور دیگر غیر قانونی کاموں کی وجہ سے اشتعال پھیل جانے سے ہوئیں۔ 45 اضلاع میں 717 یونینوں کے تحت پولنگ ہورہی ہیں جن میں دھاندلی اور دیگر غیر قانونی عمل عروج پر ہیں۔ جاماپور میں پر تشدد واقعات میں 2 بچوں سمیت 4 افراد ہلاک ہوئے جب پولیس نے 2 امیدواروں کے حامیوں کے درمیان تصادم کو ختم کرنے کے لیے فائرنگ کردی۔ ضلعی پولیس چیف محمد نظام الدین نے کہا کہ پولیس نے صورتحال کو کنٹرول کرنے کے لیے فائرنگ کی تھی۔ ڈی سی محمد شہاب الدین نے میڈیا کو بتایا کہ واقعے کی تحقیقات کے لیے ڈسٹرکٹ مجسٹریٹ کی سربراہی میں ایک کمیٹی تشکیل دے دی گئی ہے۔ پرتشدد واقعات میں 2 امیدوار جان بحق ہوگئے ہیں، بی این پی کے کمال الدین اور ایم ڈی یاسین شامل ہیں۔ مارچ 2016 سے چلنے والے بلدیاتی انتخابات میں اب تک بنگلہ دیش کےمختلف شہروں اور قصبوں میں 101 افراد ہلاک کئے جا چکے ہیں۔ شیخ حسینہ واجد کی پارٹی کے بلدیاتی انتخابات میں جیتنے کے امکانات زیادہ ہیں۔ کیونکہ تمام حکومتی مراغات انہیں حاصل ہیں۔

روسی ٹینس اسٹار شراپوا نے اپنا #چاکلیٹ برانڈ متعارف کردیا

روسی ٹینس اسٹار شراپوا نے اپنا #چاکلیٹ برانڈ متعارف کردیا

کاروباری خبریں Admin   12:21 AM

(ویب ڈیسک) ٹینس اسٹار ماریا شراپوا نے اپنا چاکلیٹ برانڈ کے اجراء کے ساتھ کینڈی بزنس شروع کیا ہے۔ 29 سالہ شراپوا مئی میں برانڈ کا پہلا چاکلیٹ لاونچ کیا ہے۔ چاکلیٹ کا نام ’شوگرپوا ‘ رکھا ہے۔ شراپوا ا ِن دنوں اپنے نئے چاکلیٹ برانڈ کی تشہیری مہم میں شگاگو میں ہیں۔ ٹینس اسٹار آج کل پاپندی کی وجہ سے ٹینس سے دور ہے اور ڈرگ ٹیسٹ پاس کرنے میں ناکام ہوگئی تھی۔

ستر 70 سالہ جوڑے کے ہاں پہلی اولاد کی پیدائش ہوئی، بچہ بالکل صحت مند

ستر 70 سالہ جوڑے کے ہاں پہلی اولاد کی پیدائش ہوئی، بچہ بالکل صحت مند

عالمی خبریں Admin   3:36 AM

بھارت ، ہریانہ ( ارد و وائس آف پاکستان ویب ڈیسک) اسے آپ جو بھی نام دیں۔ سائنس سے کچھ بھی ممکن ہے۔ 72 سالہ دالیندر کاورنے شادی کے 46 سال بعد ایک صحت مند بچے جو جنم دیا۔ بچے کا نام ارمان سنگھ رکھا گیا۔ جبکہ دالیندر 20 سال پہلے سن یاس کو پہنچی تھی۔ یہ سارا کمال ’ان۔وٹرو فرٹیلائزیشن ( آئی وی ایف۔ ٹیسٹ ٹیوب) تیکنیک کا ہے۔ اس تیکنیک میں نطفہ اور بیضے عورت کی بچہ دانی کے باہر رکھ دیئے جاتے ہیں۔ اس عمل سے پیدا ہونے والے بچے کو ٹیسٹ ٹیوب بی بی کہا جاجاتا ہے۔

دالیندر کے 79 سالہ شوہر، مہندر سنگھ گل اپنی بیوی کو لیکر علاج کے لئے پہلی بار 2013 میں امرتسر پنجاپ سے ہریانہ کے ہسار آئے تھے ، اور تب سے باقاعدہ طور پر کامیاب علاج کے لئے یہاں آتے رہتے ہیں۔ 2 بار آئی وی ایف کی ناکامی کے بعد تیسری بار میں دالیندر کاور حاملہ ہوگئی۔ نیشنل فرٹیلیٹی اور ٹیسٹ ٹیوب بی بی سینٹر کے مالک ڈاکٹر انوراگ رشنوئی کے مطابق خاتوں ان کے بارے میں اخبار میں پڑھ کر پہلی بار 2013 میں ان کے پاس آئی تھی۔ 70 سالہ کی عمر میں بچہ پیدا کرنے کا اس مرکز میں یہ دوسرا کیس ہے۔ اس سے قبل 2006 میں 70 سالہ راجو دیو نے بچے کو جنم دیا تھا۔ 2008 میں ایک 66 سالہ خاتون نے مذکورہ مرکز میں ٹرپلٹ کو جنم دیا تھا جن میں 2 لڑکے اور 1 لڑکی تھی۔

باپ کی لاپرواہی سے اس کی 5 سالہ بیٹی فوت ہوگئی۔ گن چل جانے سے گولی بچی کو لگی

باپ کی لاپرواہی سے اس کی 5 سالہ بیٹی فوت ہوگئی۔ گن چل جانے سے گولی بچی کو لگی

کرائم سٹوریز Admin   1:01 AM

ہوسٹن (اُردُو وائس آف پاکستان ۔ ویب ڈیسک) دوائوں یہاں تک کہ ڈسپرین کی گولی تک، کے اوپر لکھا ہوتا ہے کہ بچوں کی پہنچ سے دور رکھیں۔ مگر ہم کچھ ایسی جان لیوا چیزوں کو دانستہ یا غیر دانستہ طور پر بچوں کی دسترس میں رکھ دیتے ہیں۔ ایسا ہی ہوا ہوسٹن میں ایک 5 سال کی بچی باپ کے پسٹل سے کھیلتے ہوئے خود کو ہی گولی ماردی۔ میڈیا ذرائع کے مطابق ہوسٹن کے علاقے لوزیانہ میں مذکورہ المناک واقعہ پیش آیا۔ 

ہیلی مورے ہفتہ وار چھٹی اپنے باپ کے گھر پر اپنے بڑے بھائی اور بہن کے ساتھ منارہی تھی۔ بچوں نے مووی دیکھنے جانے کا فیصلہ کیا تھا لیکن نکلنے سے کچھ دیر پہلے ہیلی نے اپنے باپ کا پسٹل دیکھا اور ہاتھ میں لیکر اس سے کھیلنا شروع کیا۔ مورے کے باپ نے پولیس کو بتایا کہ کھیلتے کھیلتے بچی نے گن چلادی گن کی گولی خود بچی کو لگی اور وہ دنیا سے چلی گئی۔ باپ واش روم میں نہارہا تھا کہ گن شوٹ کی آواز سنی تو فوراً باہر آگیا لیکن جب وہ بچی کے پاس پہنچا تو بہت دیر ہوچکا تھا۔ بچی خود کو گولی ماردی تھی۔ اور وہ دنیا سے رخصت ہوچکی تھی۔

مانی پور میں جنگجووں نے #اسام رائفل کے 6 اہلکاروں کو موت کے گھاٹ اتار دیا گیا

مانی پور میں جنگجووں نے #اسام رائفل کے 6 اہلکاروں کو موت کے گھاٹ اتار دیا گیا

عالمی خبریں Admin   11:29 PM

مانی پور، بھارت ( اُردُو وائس آف پاکستان  23 مئی 2016)  مانی پور کے چندل ضلع میں آزادی کے لئے لڑنے والے جنگجووں نے بھارتی فوج اسام رائفل کے 6 جوانوں کو مقابلے میں مار ڈالا۔ واقعہ ہفتے کو پیش آیا۔ بھارتی میڈیا کے مطابق مرنے والے اہلکاروں کا تعلق کوئک ری ایکشن ٹیم سے تھا، لینڈ سلائیڈنگ سے متاثرہ جگہے کے معائنے کے بعد ضلع کے جوپی بٹالین کی جانب واپس آرہے تھے کہ راستے میں انہیں جنگجووں سے مقابلے کا سامنا ہوا، تمام حملہ آور 6 فوجیوں کو موت کے گھاٹ اتارنے کے بعد موقع سے بحاظت فرار ہونے میں کامیاب ہوگئے۔ اور فوجی اہلکاروں کے 6 ہتھیار بھی ساتھ لے گئے۔ گزشتہ سال جون میں جنگجووں نے 18 بھارتی فوجیوں کو مار دیا تھا جس کے بعد بھارتی فوج نے مذکورہ علاقے میں سرجیکل آپریشن بھی کیا تھا ج میں حکومت نے یہ دعویٰ کیا تھا کہ سرجیکل اسٹرائیک میں درجنوں جنگجووں کو مارا گیا ہے۔

جماعت اسلامی کے رہنما مطیع الرحمٰن نظامی کو پھانسی دے دی گئی، اور حسینہ کی مکروہ ہنسی

جماعت اسلامی کے رہنما مطیع الرحمٰن نظامی کو پھانسی دے دی گئی، اور حسینہ کی مکروہ ہنسی

عالمی خبریں Admin   2:30 AM

بنگلہ دیش، ڈھاکہ ( اُردُو وائس آف پاکستان 13 مئی 2016) بنگلہ دیش کی پاکستان دشمن حسینہ واجد کی حکومت پاکستان دشمنی میں حد سے آگے بڑھ چکی ہے۔ 71 کی جنگ میں پاکستان کی حمایت کے الزام میں جماعت اسلامی بنگلہ دیش کے رہنمائوں کا جینا حرام کررکھا ہے۔ طاقت کے نشے میں بد مست اسلام اور پاکستان دشمن اور بھارت نواز بنگالی لیڈر حسینہ واجد بھارت کو خوش کرنے کے لئے ہر وہ کام کرنے کو تیار ہے جو ان کی حکومت ختم ہونے کے بعد بلے اس کے لئے گلے کا پھندہ ثابت ہوگا۔ حسنہ کو اندازہ شاید نہیں ہے کہ آج ہماری بار تو کل تیری باری بھی آنی ہے۔

بنگلہ دیش کی عدالت عظمیٰ نے مطیع الرحمٰن نظامی کی پھانسی کی سزا کے خلاف دائر کردہ اپیل مسترد کر دی، جس کے بعد ڈھاکہ سینٹرل جیل میں 11 مئی 2016 بروز بدھ 12بج کر 1 منٹ پر پھانسی دے دی گئی۔ یہ بات بنگلہ دیش کے وزیر قانون، انیس الحق نے خبر رسان ادارے رائٹرز کو بتائی ۔ 

اُن پر بنگلہ دیشن کی جنگِ آزادی کے دوران سنہ 1971 میں نسل کشی اور دیگر جرائم کے الزام پر سزا سنائی گئی تھی۔ عدالت عظمیٰ نے اُن کی پھانسی کی سزا کے خلاف دائر کردہ اپیل مسترد کر کے سزائے موت برقرار رکھی تھی، جس کے بعد ڈھاکہ سینٹرل جیل میں بدھ کے روز اُنھیں پھانسی دے دی گئی۔

خصوصی ٹربیونل نے نسل کشی، زنا بالجبر اور ملک کی جنگ آزادی کے دوران چوٹی کے دانشوروں کے قتل عام کا ماحول پیدا کرنے کے جیسے گھناونے الزامات ان پر لگائے تھے، ٹریبونل نے انہیں اوچھے ہتھکنڈوں سے ثابت کرنے کی ہر ممکن کوشش کی تھی۔ نظامی کی عمر 73 برس تھی، وہ بنگلہ دیش کے سابق قانون ساز اور وزیر بھی رہ چکے ہیں۔

جنوبی چین میں لینڈسلائیڈنگ سے 37 ہلاک کئی لاپتہ

جنوبی چین میں لینڈسلائیڈنگ سے 37 ہلاک کئی لاپتہ

عالمی خبریں Admin   12:37 PM

بیجنگ (ویب ڈیسک 10 مئی 2016) جنوبی چین میں پورے دن کی لگاتار بارشوں سے جگہ جگہ لینڈ سلائیڈنگ سے تباہی ہوئی۔ جنوبی چین میں ایک ہائیڈرو پاور پروجیکٹ کے نزدیک لینڈ سلائینڈنگ سے 37 افراد ہلاک جبکہ 7 افراد تا حال لا پتہ ہیں۔ مرکزی حکومت نے ریکسیو ٹیمیوں جائے پر بھیجی ہے۔ مرنے والوں میں سے 31 افراد کی لاشیں نکال لی گئیں ہیں جبکہ 7 لاپتہ افراد کی تلاش جاری ہے۔ ریسکیوٹیمیں اوزار اور سراغ رسان کتوں کی مدد سے تلاش کررہے ہیں۔ لینڈ سلائیڈنگ سےبھاری بھر کم پتھر نیچے آئے ہیں خدشہ ہے کہ لاتپ افراد ان پتھروں تلے دبے ہیں، کھدائی کے ماہر افراد پتھروں کو ہٹھااور ملبے کی کھدائی کرکے لاشیں تلاش کررہے ہیں۔ 3.5 ملین کیوبک فٹ ایریا کے بڑا حصہ مسلسل بارشوں کی وجہ سے نیچے آگرا، ایک دفتر اور ایک مزدوروں کے رہنے کی جگہ جس کی زد میں آگئے۔ یہ واقعہ اتوار کے روز پیش آیا۔

تصویر اے پی