Pages
‏اسلام لیبل والی اشاعتیں دکھا رہا ہے۔ سبھی اشاعتیں دکھائیں
‏اسلام لیبل والی اشاعتیں دکھا رہا ہے۔ سبھی اشاعتیں دکھائیں

جمعرات، 21 جولائی، 2016

خانہ کعبہ میں جا کر نماز پڑھنا جائز نہیں، استغفراللہ یہ مولوی کیا کہہ رہا ہے، یہ لوگ دین کو کس طرف لے کر جارہے ہیں: ویڈیو دیکھئے

 
خانہ کعبہ میں جا کر نماز پڑھنا جائز نہیں، استغفراللہ یہ مولوی  کیا کہہ رہا ہے، یہ لوگ دین کو کس طرف لے کر جارہے ہیں: ویڈیو دیکھئے



خانہ کعبہ میں جا کر نماز پڑھنا جائز نہیں... by myvoicetv

بدھ، 13 جولائی، 2016

آدمی جنتی کیسے بن سکتا ہے؟ عبادت سے یا اعمال سے۔ آقائے دو جہاں ﷺ نے بتا دیا۔ پڑھئے

 
حضرتِ انس بن مالک رضی اللہ عنہُ بیان کرتے ہیں کہ ایک مرتبہ ہم لوگ رسولِ اللہ ﷺ کے ہمراہ بیٹھے ہوئے تھے۔ تو آپ ﷺ نے فرمایا۔

"ابھی تمھارے سامنے ایک جنتی آدمی نمودار ہو گا۔"

چنانچہ انصار کے ایک آدمی نمودار ہوئےجن کی داڑھی سے وضو کا پانی ٹپک رہا تھا۔ انہوں نے آپنے جوتے بائیں ہاتھ میں اُٹھا رکھے تھے۔

جب دوسرا دن آیا تو نبی کریم ﷺ نے وہی بات فرمائی، ’’ابھی تمھارے سامنے ایک جنتی آدمی نمودار ہو گا۔‘‘

چنانچہ اس دن بھی وہی انصاری نمودار ہوئے جو گزشتہ دن نمودار ہوئے تھے اور آج بھی وہ پہلے کی طرح ہی تھے۔

جب تیسرا دن آیا تو نبی اکرمﷺ نے پھر وہی بات فرمائی،یعنی 

’’ابھی تمھارے سامنے ایک جنتی آدمی نمودار ہوگا‘‘ 

چنانچہ تیسرے دن بھی وہی انصاری نمودار ہوئے اور اسی حالت میں جیسے پہلے دن تھے، یعنی ان کی داڑھی سے وضو کا پانی ٹپک رہا تھا اور اپنے جوتے بائیں ہاتھ میں اُٹھا رکھے تھے۔

جب رسولِ اکرم ﷺ اُٹھ کر چل گئے تو حضرتِ عبداللہ بن عمرو بن عاص رضی اللہ عنہ اس انصاری کے پیچھے پیچھے گئے اور ان سے عرض کیا: 

میں نے اپنے والد سے جھگڑا کیا ہے اور قسم کھائی ہے کہ میں تین دنوں تک ان کے پاس نہیں جاؤں گا، اگر آپ چاہیں تو مجھے اپنے پاس تین دن قیام کرنے کی اجازت مرحمت فرمائیں۔ 

انہوں نے کہا: ٹھیک ہے۔

حضرتِ انس بن مالک رضی اللہ عنہُ کا بیان ہے: کہ حضرت عبداللہ بن عمرو بن عاص رضی اللہ عنہُ بیان کرتے تھے کہ میں نے یہ تین راتیں اس جنتی انصاری کے ساتھ گزاریں، 

۔۔۔ مگر میں نے دیکھا کہ وہ رات کو عبادت کے لیے تھوڑے سے وقت کے لیے بھی بیدار نہیں ہوتے تھے، ہاں میں نے یہ دیکھا کہ جب نیند ٹوٹتی اور اپنے بستر پر کروٹیں بدلتے تو اللہ تعالیٰ کا ذکر کرتے تھے اور تکبیر کہتے حتیٰ کہ فجر کی نماز کے لیے بیدار ہوتے۔ میں نے ایک بات یہ دیکھی کہ وہ اپنی زبان سے کوئی بھلی بات ہی نکالتے تھے۔

جب میں نے تین راتیں ان کے ساتھ گزارلیں اور قریب تھا کہ میں اُن کے عمل کو حقیر جانتا۔ 

تو میں نے کہا: اے اللہ کے بندے! میرے اور میرے والد کے درمیان کسی قسم کی ناراضگی یا لڑائی نہیں تھی، البتہ میں نے رسول اللہ ﷺ کو تین مرتبہ یہ آپ کے بارے میں فرماتےہوئے سنا۔

’’ابھی تمھارے سامنے ایک جنتی شخص نمودار ہو گا۔‘‘

چنانچہ تینوں دفعہ آپ ہی نمودار ہوئے ۔ لہذا میری خواہش ہوئی کہ آپ کے پاس رہ کر دیکھوں کہ آپ آخر وہ کون سا عمل بجا لاتے ہوجیسے میں بھی اپنا سکوں۔

لیکن میں نے دیکھا کہ آپ کوئی زیادہ عمل نہیں کرتے، پھر وہ کیا بات ہے جس کی بنا پررسولِ اکرمﷺ نے آپ کےمتعلق یہ بات فرمائی ہے ۔ 

انصاری نے فرمایا: عمل تو صرف اتنا ہی ہے جو آپ نے دیکھا ۔

حضرتِ عبداللہ بن عمرو بن عاص رضی اللہ عنہُ کہتے ہیں کہ جب میں ان کے پاس سے واپسی کے لیے مڑا تو انہوں نے مجھے آواز دے کر بلایا اور فرمایا۔
’’عمل تو وہی ہے جو آپ نے دیکھا البتہ اسکے علاوہ ایک بات یہ ہے کہ میرے دل میں کسی مسلمان کے خلاف کوئی رنجش نہیں اور نہ میں کسی آدمی سےاُس بھلائی پر حسد کرتا ہوں جو اُسے اللہ تعالیٰ نے عطا فرمایا ہے۔ ‘‘


حضرتِ عبدللہ بن عمرو بن عاص رضی اللہ عنہُ نے یہ سن کر عرض کیا۔

’’یہی وہ واصف ہے جو آپ کو اس درجہ تک لائی ہے اور یہی وہ خصلت ہے جس کو اپنانے کی ہم میں طاقت نہیں۔‘‘

(شئر کرکے ثواب کمائیں، اللہ ہم سب کو اس کی توفیق عطا فرمائے۔ امین)


جمعرات، 9 جون، 2016

مولانا طارق جمیل نے رمضان کے موقع پر بیگم نور جہاں اور اداکار عامر خان کے مطلق ایسا بیان دیدیا کہ دنیا حیران ہوگئی: سنیئے کیا کہا

 
مولانا طارق جمیل نے رمضان کے موقع پر بیگم نور جہاں اور اداکار
عامر خان کے مطلق ایسا بیان دیدیا کہ دنیا حیران ہوگئی: سنیئے کیا کہا



مولانا طارق جمیل نے رمضان کے موقع پر بیگم نور... by myvoicetv

پیر، 23 مئی، 2016

حضرت عمر ؓ کا قول

 
حضرت عمر ؓ  کا قول

خوف کا نتیجہ ناکامی اور شرم کا نتیجہ محرومی ہے اور فرصت کی گھڑیاں تیزرو ابر کی طرح گزر جاتی ہیں، لہٰذا بھلائی کے دست یاب موقعوں کو غنیمت جانو۔



پیر، 9 مئی، 2016

الہام کی رم جھم کہیں بخشش کی گھٹا ہے، بہت خوبصور نعت ضرور فیض یاب ہوں۔۔!

 
——— الہام کی رم جھم ———
مُحسن نقوی

الہام کی رم جھم کہیں بخشش کی گھٹا ہے
یہ دل کا نگرہے کہ مدینے کی فضا ہے

سانسوں میں مہکتی ہیں مناجات کی کلیاں
کلیوں کے کٹوروں پہ تیرا نام لکھا ہے

آیات کی جھرمٹ میں تیرے نام کی مسند
لفظوں کی انگوٹھی میں نگینہ سا جڑا ہے

اب کون حدِ حسن طلب سوچ سکے گا
کونین کی وسعت تو تہہ دستِ دعا ہے

ہے تیری کسسک میں بھی دمک حشر کے دن کی
وہ یوں کہ میرا قریہ جاں گونج اُٹھا ہے

خورشید تیری راہ میں بھٹکتا ہوا جگنو
مہتاب تیرا ریزہ نقشِ کف پا ہے

ولیل تیرے سایہ گیسو کا تراشا
ولعصر تیری نیم نگاہی کی ادا ہے

لمحوں میں سمٹ کر بھی تیرا درد ہے تازہ
صدیوں میں بھی بکھر کر تیرا عشق نیا ہے

یا تیرے خدوخال سے خیرہ مہ و انجم
یا دھوپ نے سایہ تیرا خود اُوڑھ لیا ہے

یا رات نے پہنی ہے ملاحت تیری تن پر
یا دن تیرے اندازِ صباحت پہ گیا ہے

رگ رگ نے سمیٹی ہے تیرے نام کی فریاد
جب جب بھی پریشان مجھے دنیا نے کیا ہے

خالق نے قسم کھائی ہے اُس شہر اماں کی
جس شہر کی گلیوں نے تجھے ورد کیا ہے

اِک بار تیرا نقشِ قدم چوم لیا تھا
اب تک یہ فلک شکر کے سجدے میں جھکا ہے

دل میں ہو تیری یاد تو طوفاں بھی کنارہ
حاصل ہو تیرا لطف تو صرصر بھی صبا ہے

غیروں پہ بھی الطاف تیرے سب سے الگ تھے
اپنوں پہ بھی نوازش کا انداز جدا ہے

ہر سمت تیرے لطف و عنایت کی بارش
ہر سو تیرا دامانِ کرم پھیل گیا ہے

ہے موجِ صبا یا تیرے سانسوں کی بھکارن
ہے موسم گل یا تیری خیراتِ قبا ہے

سورج کو اُبھرنے نہیں دیتا تیرا حبشی
بے زر کو ابوزر تیری بخشش نے کیا ہے

ثقلین کی قسمت تیری دہلیز کا صدقہ
عالم کا مقدر تیرے ہاھتوں پہ لکھا ہے

اُترے کا کہاں تک کوئی آیات کی تہہ میں
قرآن تیری خاطر ابھی مصروفِ ثنا ہے

اب اور بیاں کیا ہوکسی سے تیری مدحت
یہ کم تو نہیں ہے کہ تو محبوبِِ خدا ہے

اے گنبدِ خضرا کے مکین میری مدد کر
یا پھر یہ بتا کون میرا تیرے سوا ہے

بخشش تیری آٓنکھوں کی طرف دیکھ رہی ہے
محسن تیرے دربار میں چپ چاپ کھڑا ہے



جمعرات، 5 مئی، 2016

اللہ تعالیٰ کا انسان سے مکالمہ : ضرور پڑھیں اور شیئر بھی کریں

 
اللہ تعالیٰ کا انسان سے مکالمہ : ضرور پڑھیں اور شیئر بھی کریں

میں نے کہا: تیری مدد کیسے ملے گی یا رب؟
رب نے جواب دیا: صبر اور نماز سے مدد لیا کرو۔ البقررہ:  45

میں نے کہا:  میں بہت گنہگار ہوں یا رب
رب نے جواب دیا:  اللہ کی رحمت سے مایوس نہ ہوں اللہ سب گناہ بخش دے گا۔ الزمر: 53

میں نے کہا:  میں اکیلا ہوں یا رب
رب نے جواب دیا: بے شک ہم تمہاری شہ رگ سے بھی زیادہ قریب ہیں۔ ق: 16

میں نے کہا: میرے دل بے سکون رہتا ہے۔
رب نے جواب دیا: بے شک اللہ کی یاد میں ہی دلوں کو سکون اور اطمینان ملتا ہے۔ الرعد: 28

میں نے کہا: مجھے کوئی یاد نہیں کرتا۔
رب نے جواب دیا:  تم مجھے یاد کرو میں تمہیں یاد کروں گا۔ البقرہ : 152



بدھ، 4 مئی، 2016

چین نے مسلم اکثریت خطوں میں رمضان کے روزوں ودیگر مذہبی سرگرمیوں پر پابندی لگادی

 
زنگژیانگ، چین (اُردُو وائس آف پاکستان 4 مئی 2016)  چین نے مسلمانوں کے روزہ رکھنے پر پابندی لگادی۔ چین میں سول سرونٹ، طلباء اور استاتذہ پرماہ رمضان میں روزہ رکھنے پر پاپندی لگادی گئی۔ اور مسلم اکثریتی صوبے زنگژیانگ میں ہوٹل کھلے رکھنے کا حکم دے دیا گیا ہے۔ چین نے یہ پاپندی مسلم ریاست زنگژیانگ میں لگائی ہے اور ہوٹلز کھلے رکھنے کا حکم دے دیا ہے۔ مسلمان ماہ رمضان میں صبح صادق سے لیکر مغرب تک روزے رکھتے ہیں لیکن چین کی کمیونسٹ حکمران پارٹی جوکہ باقاعدہ طور پر منکر خدا ہے اور کئی سالوں سے مسلم صوبے کے مسلمانوں کو ان کے مذہبی روایات منانے سے منع کرتی رہی ہے۔

ریاست کی فوڈ اینڈ ڈرگ ایڈمنسٹریشن کی ویب سائیٹ پر جاری ہونے والی نوٹس میں دفتروں اور دیگر کام کی جگہوں میں فوڈ سروس کو حسب معمول جاری رکھنے کا حکم دیا گیا ہے۔ 

بولی کنٹری میں آفیشلز کو مطلع کیا گیا ہے کہ رمضان میں روزوں، شب بیداریوں یا دیگر مذہبی سرگرمیوں میں مصروف نہ ہوں۔ یہ بات مقامی حکومت کی ایک ویب سائیٹ پرلگادی گئی ہے۔



بدھ، 27 اپریل، 2016

کتے کو پانی پلانے والا جنت میں داخل ہوگیا۔۔ رب کو راضی کرنا کتنا آسان ہے۔۔۔ سبحان اللہ

 
رسول اللہ ﷺ نے ادشاد فرمایا: 

’’ایک شخص نے ایک کتے کو دیکھا جو پیاس کی شدت کی وجہ سے گیلی مٹی چاٹ رہا تھا۔

اُس شخص نے اپنا مُوزہ لیا اور اس میں پانی بھر بھر کر کتے کو پلانے لگا۔ یہاں تک کہ اس کو خوب سیراب کردیا۔ اللہ سبحانہ و تعالیٰ نے اُس شخص کے کام کی قدر کی اور اسے جنت میں داخل فرمادیا۔‘‘

صحیح بخاری 171




منگل، 19 اپریل، 2016

ڈاکٹر ذاکر نائیک کے لیکچر کا اثر، نوجوان عیسائی لڑکی سمیت 4 دیگر غیر مسلموں نے اسلام قبول کیا

 
کوالالمپور (ابوالحسنین: اُْْرْدُوْ وائس آف پاکستان 19 اپریل 2016) ملاشیا کے دارالحکومت کوالا لمپور میں ’کیا قرآن اللہ کی زبان ہے‘ کے عنوان سے دیئے جانے والے لیکچر کا غیر مسلموں پر گہرا ثر ہوگیا۔ چند دن پہلے ایک عیسائی نوجوان لڑکی نینا گریس لیکچر سے متاثر ہوکر دائرہ اسلام میں داخل ہوگئی تھی۔ اب 4 اور غیر مسلموں نے بھی کلمہ شہادت پڑھکر اسلام قبول کیا۔ یہ واقعہ ہفتے کی شامل کو پیش آیا۔ میڈیا رپورٹس کے مطابق بھارت سے تعلق رکھنے والے اور ملیشیا میں مقیم 2 مرد اور 2 خواتین نے اسلام قبول کیا ۔ یہ افراد گزشتہ 3 سالوں سے ملیشیا میں رہائش پذیر ہیں۔ اور گزشتہ ایک سال سے اسلام کے بارے میں مطالعہ کررہے تھے۔

ہریندر بال سنگھ ، ڈاکٹر ذاکر نائیک کے اسلام کی تشریخ سے بے حد متاثر ہوا۔ ان کا کہنا کہ انہوں نے (یعنی ذاکر نائیک) نے میرےسابقہ مذہب اور موجودہ مذہب اسلام کے بارے میں ہر چیز بتادی ہے۔ اللہ کا ظاہری کوئی تصویر نہیں۔ میں اسلام کی پیروی کروں گا اور ایک اچھا مسلمان بننے کی کوشش کروں گا۔ 

مجمع میں موجود ایک اور شخص کھڑا ہوگیا اور کہا کہ مجھے اسلام قبول کرنے کے لئے کوئی فورس نہیں کررہا، مجھے اللہ اور اس کے پیعمبر محمد ﷺ پر یقین آ گیا ہے اور میں بھی اسلام قبل کرنا چاہتا ہوں۔ کالے کپڑوں اور سکارف میں ملبوس رومن کیتھولک خاتون نے بھی کھڑی ہوکر قبول اسلام کا اعلان کردیا۔ ان کے بعد ایک اور خاتون مشیل نے اسلام قبول کرنے کا اعلان کیا اور کلمہ شہادت پڑھکر اسلام قبول کیا۔ عین موقع پر ساراواکیان اور جیول اناک 26 جوکہ میری سے تعلق رکھتے ہیں اور گزشتہ کئی سالوں سے اسلام کا مطالعہ کررہے تھے نے بھی اسلام قبول کیا۔ ڈاکٹر ذاکر نے سب سے کلمہ شہادت پڑھوایا۔ 

گزشتہ جمعرات کو وو نینا گریس 19 عیسائیت چھوڑ کر دائرہ اسلام میں داخل ہوئی تھی۔ 


پیر، 4 اپریل، 2016

ماں باپ کی نافرمانی یا ماں باپ سے گستاخانہ رویہ اور ماں باپ کی نافرمانی کتنا بڑا گناہ، پڑھیئے چند احادیث

 


ایک حدیث میں ہے:

’’عن ابن عباس رضی الله عنہما قال: قال رسول الله صلی الله علیہ وسلم: من أصبح مطیعًا لله فی والدیہ أصبح لہ بابان مفتوحان من الجنّة وان کان واحدًا فواحدًا ومن أصبح عاصیًا لله فی والدیہ أصبح لہ بابان مفتوحان من النّار ان کان واحدًا فواحدًا۔ قال رجل: وان ظلماہ؟ قال: وان ظلماہ وان ظلماہ وان ظلماہ۔‘‘                                
(مشکوٰة ص:۴۲۱)

ترجمہ: ’’حضرت ابنِ عباس رضی اللہ عنہما سے روایت ہے کہ حضور نبی کریم صلی اللہ علیہ وسلم نے فرمایا کہ: جو شخص والدین کا فرمانبردار ہو اس کے لئے جنت کے دو دروازے کھل جاتے ہیں اور اگر ان میں سے ایک ہو تو ایک، اور جو شخص والدین کا نافرمان ہو اس کے لئے جہنم کے دو دروازے کھل جاتے ہیں، اور اگر ان میں سے ایک ہو تو ایک۔ ایک شخص نے عرض کیا کہ: خواہ والدین اس پر ظلم کرتے ہوں؟ فرمایا: خواہ اس پر ظلم کرتے ہوں، خواہ اس پر ظلم کرتے ہوں، خواہ اس پر ظلم کرتے ہوں۔‘‘


ایک اور حدیث میں ہے:

’’وعنہ (عن ابن عباس) ان رسول الله صلی الله علیہ وسلم قال: ما من ولد بار ینظر الٰی والدیہ نظرة رحمة الا کتب الله لہ بکل نظرة حَجّة مبرورة۔ قالوا: وان نظر کل یوم مائة مرة؟ قال: نعم! الله اکبر وأطیب۔‘‘
(مشکوٰة ص:۴۲۱)

ترجمہ:  ’’حضرت ابنِ عباس رضی اللہ عنہما ہی سے روایت ہے کہ رسول اللہ صلی اللہ علیہ وسلم نے فرمایا کہ: فرمانبردار اولاد اپنے والدین کی طرف نظرِ شفقت و محبت سے دیکھے تو ہر مرتبہ دیکھنے پر ایک حجِ مقبول کا ثواب لکھ دیا جاتا ہے۔ عرض کیا گیا: خواہ سو مرتبہ دیکھے؟ فرمایا: ہاں! اللہ تعالیٰ اس سے بھی بڑے اور زیادہ پاکیزہ ہیں (ان کے لئے سو حج کا ثواب دینا کیا مشکل ہے)۔‘‘

ایک اور حدیث میں ہے:

’’عن أبی بکرة رضی الله عنہ قال: قال رسول الله صلی الله علیہ وسلم: کل الذنب یغفر الله منھا ما شاء الا عقوق الوالدین فانہ یعجل لصاحبہ فی الحیٰوة قبل الممات۔‘‘
(مشکوٰة ص:۴۲۱)

ترجمہ: ’’حضرت ابوبکرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا کہ: ہر گناہ کو اللہ تعالیٰ چاہیں تو معاف فرمادیں گے، مگر والدین کی نافرمانی کو معاف نہیں فرماتے بلکہ اس کی سزا مرنے سے پہلے دُنیا میں ملتی ہے۔‘‘



پیر، 28 مارچ، 2016

حضرت عمر رضی اللہ عنہ کے اہم فرامین

 
حضرت عمر رضی اللہ عنہ
’’ جو ریاست مجرموں پر رحم کرتی ہے وہاں کے بے گناہ لوگ بڑی بے رحمی سے مرتے ہیں‘‘

کنزاعمال 8/138 حیات الصحابہ 3/545


’’لوگوں کی فکر میں اپنے آپ کو نہ بھول جاؤ‘‘

’’مجھے سائل کے سوال سے اُس کی عقل کا اندازہ ہو جاتا ہے ۔‘‘


پیر، 21 مارچ، 2016

حضرت علی رضی اللہ عنہ نے فرمایا

 
حضرت علی رضی اللہ عنہ نے فرمایا: 

جوزیادہ باتیں کرے گا اس سے غلطیاں بھی زیادہ ہونگی اور جس کی خطائیں/ غلطیاں زیادہ ہونگی اس کی شرم و حیاء کم ہوگی اور جس کی شرم و حیاء کم ہوگی اس کا تقویٰ کم ہوگا اور جس کا تقویٰ کم ہوگا اس کا قلت مردہ ہوجائے گا اور جس کا قلب مردہ ہوجائے گا وہ دوزخ میں جائے گا۔

حوالہ گفتارئے دلنشین صفحہ 57 حدیث 81


جمعرات، 21 جنوری، 2016

خانہ کعبہ کی تعمیر میں کن 5 پہاڑوں کے پتھروں استعمال ہوئے ہیں؟

 
حضرت ابراہیم علیہ سلام نے بیت اللہ (خانہ کعبہ) کی تعمیر 5 پہاڑوں کے پتھروں سے کیا تھا۔
  1. ہیرا
  2. طور سینا
  3. طورزیتون
  4. طور لبنان
  5. طور جودی





بدھ، 13 جنوری، 2016

رسول اللہ ﷺ سے پوچھا گیا کہ جب دو آدمی ملتے ہیں تو۔۔

 


رسول اللہ ﷺ سے پوچھا گیا کہ 
جب دو آدمی ملتے ہیں تو پہلے کون سلام کرتا ہے۔

آپ ﷺ نے فرمایا: 
 وہ جو دونوں میں سے اللہ کے زیادہ نزدیک ہوتا ہے۔

مشہور اشاعتیں

گوگل اشتہار

تازہ ترین خبریں

نیوز لیٹر ای میل پر حاصل کریں!

مشہور اشاعتیں

گوگل اشتہار

© Copyright 2015 اردو نیوز پاکستان. Designed by تھیم 9. Powered by Blogger.