ادائیگی اب #سمارٹ_ٹی وی کے ذریعے: ایل جی نے اسمارٹ ٹی وی پر پیمنٹ کا آپشن متعارف کرادیا

ایل جی الیکٹرانکس (ایل جی) نے پیمنٹ وال کے ساتھ معاہدہ کیا ہے جس کے تحت ڈیولپرز کو ایل جی کے ویب او ایس اسمارٹ ٹی وی کے لئے ایپس بنانے کی غرض سے 200 سے زائد ممالک میں ادائیگی کے 140 سے زائد راستے مل جائیں گے۔ اس شراکت داری سے صارفین کو ایل جی کے ویب او ایس اسمارٹ ٹی وی پلیٹ فارم کے ذریعے خریدی جانے والی ایپس، فلموں، گیمز اور دیگر مواد تک آسانی سے حاصل ہوجائے گی۔ 

اس شراکت داری کے تحت ایل جی کے ویب او ایس اسمارٹ ٹی وی کے ذریعے آن لائن پیمنٹ قبول ہوجائیں گی۔ پیمنٹ وال سے اشتراک کے نتیجے میں ایل جی کے صارفین بین الاقوامی سطح پر ایل جی کے ایپ اسٹور کے ذریعے خریدے جانے والے مواد سے بھی لطف اندوز ہوں گے۔ اسے حاصل کرنے کے لئے خریدنے کے بٹن پر کلک کریں اور اپنا کریڈٹ یا ڈیبٹ کارڈ نمبر ڈالیں۔ اس کی بدولت ایل جی اسمارٹ ٹی وی کے صارفین الگ سے سائن ان ہوئے بغیر ویب او ایس کے ذریعے کسی پریشانی کے بغیر دنیا بھر میں آن لائن خریداری کرسکیں گے۔ صارفین اب ایل جی کے ویب او ایس اسمارٹ ٹی وی سے ڈیسک ٹاپ، لیپ ٹاپ، ٹیبلٹ یا موبائل ڈیوائسز پر کیو آر کوڈ استعمال کرتے ہوئے ادائیگی کی سہولت اور دیگر محفوظ تصدیقی پروٹوکولز سے مستفید ہوں گے۔ 

ویب او ایس کا ہمہ گیر پلیٹ فارم صارفین کے وسیع اقسام کے مواد کے حصول میں ایل جی کا اسمارٹ ٹی وی حتمی انتخاب بن چکا ہے۔ ایل جی کے نیا ویب او ایس 3.0 پلیٹ فارم میں دنیا بھر کا بھرپور مواد بشمول لائیو ٹی وی، اسٹریمنگ سروسز کے ساتھ تفریحی اور دلچسپ گیمز شامل ہیں۔ ویب او ایس نیکسٹ جنریشن 4Kالٹرا ایچ ڈی پروگرامنگ کے ساتھ ہائی ڈائنامک رینج (ایچ ڈی آر) موویز اور شوز سے بھی مطابقت رکھتا ہے۔ 

ایل جی کی ہوم انٹرٹینمنٹ کمپنی کے پریذیڈنٹ اور سی ای او برائن کیون نے بتایا، 

'پیمنٹ وال کے ساتھ شراکت داری کے ذریعے ہم ایل جی کے ویب او ایس پلیٹ فارم پر اسمارٹ ٹی وی کے استعمال کے باعث زیادہ تیزی سے نئی سمت کی جانب گامزن ہوگئے ہے۔ یہ شراکت داری ایل جی کی مشترکہ کاوش کی جانب ایک اور مثال ہے کہ کس طرح عالمی اسمارٹ ٹی وی کی انڈسٹری میں یہ نمایاں طور پر قیادت کرنے والوں کے ساتھ شامل ہوا۔ '