پاک آرمی کا کیپٹن قیوم خان جنوبی وزیرستان میں شہیدہوگئے

پاک آرمی کا کیپٹن قیوم خان جنوبی وزیرستان میں شہیدہوگئے

گلگت بلتستان Admin   3:01 AM

گلگت (اردو وائس نیوز ڈیسک 23 جولائی 2016) جنوبی وزیرستان میں پاکستان آرمی کے کیپٹن قیوم خان شہید ہوگئے ۔ کیپٹن قیوم خان گلگت بلتستان کے گاون پرنس آباد دنیور سے تعلق رکھتے تھے اور فروری 2016 سے جنوبی وزیرستان میں وطن عزیز کی دفاع کے فرائض انجام دے رہے تھے۔ قیوم خان پاک فوج 5 کمانڈو بٹالیں سے تعلق رکھتے تھے۔ شہید کی جسد خاکی کو فوجی اعزاز کے ساتھ آبی گاوں پہنچا کر سپرد خاک کیا گیا۔ آرمی چیف، 10 کور، 5 کمانڈو بٹالین ، صدر پاکستان اور دیگر اداروں کی جانب سے ان کی مزار پر پھول چڑھائے گئے۔

کیپٹن قیوم خان شہید والدین کی اکلوتے بیٹے تھے۔ قیوم کے والدین کا تعلق ہنزہ علی آباد سے تھا ، دنیور میں مقیم ہیں۔ قیم 2009 میں پاک فوج میں شامل ہوگئے تھے، 2011 میں پاسنگ آوٹ کے بعد پنجاپ رجمنٹ سیکنڈ لیفٹننٹ کے طور پر شامل ہوگئے تھے۔ اس کے بعد کمانڈوز کی تربیت حاصل کرنے کے بعد 2013 میں ایس ایس جی کمانڈوز میں شامل ہوگئے تھے، جولائی 2016 میں خالق حقیقی سے جاملے۔

عید الفطر کے پیش نظر شندور پولوفیسٹیول کی تاریخوں میں ایک بار پھر تبدیلی، نئی تاریخوں کا اعلان کردیا گیا

عید الفطر کے پیش نظر شندور پولوفیسٹیول کی تاریخوں میں ایک بار پھر تبدیلی، نئی تاریخوں کا اعلان کردیا گیا

گلگت بلتستان Admin   11:22 PM

پشاور / چترال ( رپورٹ ابوالحسین : ٹائمز آف چترال28 جون 2016 ) دنیا کے بلند ترین پولرگراونڈ شندور میں سالانہ ہونے والے میلے شندور پولو فیسٹیول کی تاریخوں میں عید الفطر کے پیش نظر ایک بار پھر تبدیلی کردی گئی ہے۔ یہ فیصلہ پیر کے روز ٹورزم کارپوریشن خیبر پختونخواہ کے منیجنگ ڈائریکٹر مشتاق احمد کے ساتھ ان کے آفس میں ہونے والی میٹنگ میں کیا گیا۔ اب فیسٹیول 15 جولائی کے بجائے 22 جولائی کو شروع ہوکر 24 جولائی کو اختتام پذیر ہوگا۔ 

مشتاق احمد نے بتا یا کہ کہ شندور فیسٹیول کی تاریخوں میں تبدیلی تمام ٹیموں کی شرکت کو یقینی بنانے کے لئے کی گئی ہے۔ انہوں نے کہا کہ عید منانے کے بعد کھلاڑیوں کو اپنے گھوڑوں کے ہمراہ گزشتہ مقرر کردہ تاریخوں میں شندور پہنچنا قدر ےمشکل تھا اور انہیں مقابلے شروع ہونے سے پہلے پریکٹس کا موقع بھی نہیں مل پاتا ہے۔ نئی تاریخوں میں وہ آسانی سے پہنچ سکیں گے اور پریکٹس کا بھی انہیں موقع ملے گا۔

میٹنگ میں ایڈمن سجاد حمید، جنرل منیجر ٹورزم انفارمیشن سنٹرز محمد علی سید، چیف پلاننگ آفیسر حیات علی شاہ اور دیگر عہدیداروں نے شرکت کی۔

حکام نے بتایا کہ شندور پولو فیسٹیول اب 22 جولائی کو شروع ہوگا اور 24 جولائی کو اختتام پذیر ہوگا۔ شندور میلہ ہر سال 7 سے 9 جولائی کو ہوا کرتا تھا لیکن اس سال عید الفطر کے پیش نظر شیڈول میں تبدیلی کردی گئی۔ 

چترال کے بلند ترین پولو گراونڈ شندور میں سالانہ منعقد ہونے والا میلہ اب ایک بین الاقوامی ایونٹ بن چکا ہے۔ دنیا بھر سے سیر و سیاحت کے شوقین لوگ میلے میں شریک ہوتے ہیں۔ فری اسٹائل پولو سے محظوظ ہوتے ہیں ۔ شندور کی ٹھنڈی ہواوں کے مزے لیتے ہیں ۔ صوبائی حکومت اپنے مالیاتی شعبے سے ٹورزم کارپوریشن خیبر پختونخواہ کے ذریعے ضلعی انتظامیہ کو میلے کے انتظامات کے لئے فنڈز فراہم کرتی ہے۔ ٹورزم کارپوریشن خیبر پختونخواہ مختلف مہمات کے ذریعے میلے کی تشہیر کرتی ہے ۔ اور میلے کے دوران سیاحوں کے لئے شندور کے مقام کے ٹینٹ ویلیجز، کھانے پینے اور دیگر اشیاء کے اسٹالز اور ٹورزم انفارمیشن مراکز قائم کرتی ہے ۔ اور ساتھ ساتھ مقامی اور غیر ملکی سیاحوں کے لئے قیام و طعام کا بھی انتظام کرتی ہے۔ 

چترال ایک پر امن علاقہ ہے ۔ اس لئے ہزاروں سیاح بلا خوف و خطر ہر سال چترال آتے جاتے ہیں ۔ چترال میں سیاحوں کی آمدورفت کیلاش فیسٹیولز اور جشن شندور کے موقع پر زیادہ ہوتی ہے۔ اس سال بھی توقع کی جارہی ہے کہ گزشتہ سالوں سے زیادہ مقامی اور غیر ملکی سیاح شندور میلہ دیکھنے آئیں گے۔ اس کی ایک وجہ بھی ہے کہ گزشتہ سالوں کے مقابلے میں اس سال صوبے کے حالات پر امن ہیں اور حکومت نے غیر ملکی سیاحوں کے لئے نان ابجیکشن سرٹیفیکیٹ ( این او سی ) کی شرط بھی ختم کردی ہے۔

چھٹیاں منانے #گوجال، ہنزہ جانے والے طالب علموں سمیت 4 افراد المناک حادثے میں جان بحق

چھٹیاں منانے #گوجال، ہنزہ جانے والے طالب علموں سمیت 4 افراد المناک حادثے میں جان بحق

گلگت بلتستان Admin   2:13 AM

گوجال، ہنزہ کار کے المناک حادثے میں جان بحق افراد کی نماز جنازہ ادا کردی گئی 

ہنزہ / اسلام آباد (ابوالحسنین: ٹائمز آف چترال) گوجال، ہنزہ گلگت بلتستان جاتے ہوئے ٹریفک کے المناک حادثے میں 3 طالب علم اور ایک پشہ ور جان بحق ہوگئے۔ مذکورہ چار افراد راولپنڈی سے کرایہ کی کار لیکر ہنزہ کے گاوں گوجال جارہے تھے کہ خیبر پختونخواہ کے کوہستان کے علاقے میں کار گہری کھائی میں گر گئی۔ حادثے میں چاروں افراد ڈرائیور سمیت جان بحق ہوگئے۔

جان بحق افراد میں این سی اے لاہور کے طالب علم سعید حسن، بحریہ یونیورسٹی اسلام میں بی ایس کی طالبہ فائزہ علی احمد جان، انٹر میڈیٹ میں پڑھنے والی اسلام آباد میں ایک کالج کی طالبہ عزیزہ فرمان علی اور پیشہ ور علی احمد جان شامل ہیں۔ فائزہ علی احمد جان کی صاحبزادی اور والی بال کی کھلاڑی تھی۔ جان بحق ہونے والے تمام افراد کا تعلق گلمت، گوجال ہنزہ سے تھا۔ رینٹ اے کار کا ڈرائیور بھی جان بحق ہوگیا جس کا تعلق مانسہرہ سے تھا۔ 

جان بحق افراد کی جسد خاکی ہنزہ لے جائے جائیں گے جہاں ان کی آج تدفین کردی جائے گی۔ 

پرنسز زہرہ اور پرنس رحیم آغا خان کا درہ پاکستان، گلگت میں 50 بسروں کے ہسپتال کا افتتاح، ہسپتال ای ہیلتھ کے ذریعے چترال کے مراکز سے منسلک ہوگا

پرنسز زہرہ اور پرنس رحیم آغا خان کا درہ پاکستان، گلگت میں 50 بسروں کے ہسپتال کا افتتاح، ہسپتال ای ہیلتھ کے ذریعے چترال کے مراکز سے منسلک ہوگا

گلگت بلتستان Admin   4:10 AM

گلگت (ابوالحسنین: اردو وائس آف پاکستان 25 مئی 2016) آغاخان ہیلتھ سروس پاکستان، پاکستان کے پسماندہ علاقوں میں صحت عامہ کی سہولیات فراہم کرنے کے لئے پیش پیش ہے۔ پاکستان کے کونے کونے میں ہیلتھ مراکز قائم کررکھے ہیں اور ان مراکز میں سندیافتہ اور ماہر ڈاکٹرز اور پشہ ور نرسز عوام کو صحت کی بہترین خدمات فراہم کررہے ہیں۔

پرنسز زہرہ اور پرنس رحیم آغا خان ان دنوں پاکستان کے دورے پر ہیں، دورے کے ابتداء میں انہوں گلگت میں 50 بسروں پر مشتمل ایک بہترین ہسپتال کا افتتاح کیا۔ اس ہسپتال میں معیاری تشخیص اور صحت کی نگہداشت کی سہولت میسر ہوگی۔ یہ مرکزایک ڈیجیٹل نیٹ ورک کے ذریعے سے سنگال، گوپیز، علی آباد، سوست اور چترال کے بونی اور گرم چشمہ کے کلنیکس سے منسلک ہوگا۔ گلگت سینٹر پاکستان کے دیگر اسٹیٹ آف دی آرٹ آخا خان ہسپتالوں بشمول آخاخان ہسپتال کرچی سے بھی ڈیجیٹیلی منسلک ہوگا۔ ’ای ہیلتھ‘ کا موجودہ دور میں صحت عامہ کے حوالے سے بڑی اہمیت ہے۔ اورای ہیلتھ کا خطے میں صحت پر مثبت اثرات مرتب ہورہے ہیں، بہتر تشخیص کی وجہ سے علاج میں بہتری آئی ہے۔ 

چونکہ بعض اوقات مرض کے اچانک حملے کی وجہ سے اسے بروقت بڑے ہسپتال میں لے جانا آسان نہیں ہوتا کیونکہ دشوار راستوں اور بہتری سفری سہولیتیں نہ ہونے کی وجہ سے اکثر مریض جان کی بازی ہار جاتے ہیں۔ لیکن ’ای ہیلتھ‘ کی بدولت ایک شہر یا ملک میں بیٹھ کر دوسرے ملک یا شہر میں مریض کا علاج کرنا آسان ہوگیا ہے۔ اس وقت 9 ہزار کے قریب ٹیلی طبی ماہرین ہڈیوں کے فریکچر سے لیکر دل کی پیچیدہ بیماریوں تک کا میامیاب علاج کرتے ہیں۔ اس سہولت کی بدولت ہزاروں پاکستانی مریضوں نے کروڑوں روپے اور وقت کی بچت کئے ہیں۔

اب یہ سہولت گلگت میں بھی دستیاب ہوگی جو ملک کے دیگر بڑے ہسپتالوں سے منسلک ہوگا۔ چترال کا بونی ہیلتھ سینٹر اور گرم چشمہ ہیلتھ مرکز بھی منسلک ہونگے جس کی بدولت مریضوں کا علاج ان علاقوں میں ہوپائے گا۔ علاج کے لئے انہیں دور جانا نہیں پڑے گا۔ اس سروس سے غریب اور کم مراغاتیافتہ طبقے کو فائدہ پہنچے گا۔

گلگت بلتستان میں پانی کے انتظام کے لئے کوکا۔کولا اوراقوام متحدہ ترقیاتی پروگرام میں معاہدہ

گلگت بلتستان میں پانی کے انتظام کے لئے کوکا۔کولا اوراقوام متحدہ ترقیاتی پروگرام میں معاہدہ

گلگت بلتستان Admin   4:01 AM

معاہدے کے تحت اور اقوام متحدہ ترقیاتی پروگرام کے تحت منصوبے پر ایک کروڑ 60 لاکھ روپے لاگت آئے گی

لاہور: (اردو وائس پاکستان نیوز)  کوکا۔کولا کمپنی نے نئی دنیا کے عنوان سے اقوام متحدہ کے ترقیاتی پروگرام (یو این ڈی پی) کے ساتھ خصوصی پروگرام کے لئے شراکت داری کرلی ہے جس میں پانی کے بچاؤ اور ماحولیاتی تبدیلی کی جانب توجہ مرکوز کی جائے گی۔ اس پروگرام کے تحت کوکا۔کولا معروف این جی او ماؤنٹین اینڈ گلیشیئر پروٹیکشن آرگنائیزیشن (ایم جی پی او) کے ساتھ گلگت بلتستان میں پانی کے وسائل کے جامع انتظام، پینے کے صاف پانی اور نکاس کی خدمات کے لئے شراکت داری کرے گی ۔ 


اس منصوبے میں 355 ہیکٹرز اراضی کی آب پاشی، پینے کے صاف پانی تک پائیدار رسائی کے لئے 17 پوائنٹس کی تنصیب اور 4 ہزار لوگوں کے لئے نکاسی آب کی خدمات کی فراہمی شامل ہے۔ اس ضمن میں 1400 خواتین اور 500 نوجوانوں کو منصوبے کی تکمیل تک آمدن کے حصول کے ساتھ بااختیار بنانے میں معاونت کی جائے گی۔ 

یہ منصوبہ کمپنی کی کاروباری سماجی ذمہ داری کی حکمت عملی سے منسلک ہے جس کے تحت عالمی اور مقامی سطح پر پانی کے بچاؤ کی سطح میں وسعت لائی جائے گی اور 2020 تک 100 فیصد پانی فراہم کیا جائے گا۔ اس منصوبے میں شامل علاقے سکسا قصبہ ہے جہاں آمدنی کا واحد ذریعہ زراعت اور سیاحت پر منحصر ہے۔ مقامی افراد شدید سخت موسمی حالات اور دور دراز کا مقام ہونے کے باعث شدید خطرے کی زد میں رہتے ہیں۔ اس منصوبے پر کام کا آغاز اپریل 2016 میں شروع ہوگا جس میں آبپاشی نظام سے متعلق پائپوں اور واٹر بیڈز کی تعمیر شامل ہے۔ 

اس شراکت داری کی اہمیت کو تسلیم کرتے ہوئے کوکا۔کولا پاکستان اور افغانستان کے جنرل منیجر رضوان یو خان نے بتایا، " ایم جی پی او کی کوکا۔کولا پاکستان کے ساتھ شراکت داری کو ہم خوش آمدید کہتے ہیں۔ اس کے تحت نہ صرف سکسا قصبے میں پانی کے انتظام کی خدمات فراہم کی جائیں گی بلکہ مقامی لوگوں کی شراکت کے ذریعے انفراسٹرکچر تیار کیا جائے گا۔ اس کے نتیجے میں مقامی افراد کی زندگیوں میں سماجی و معاشی ترقی کا سفر جاری رہے گا۔ "

اس شراکت داری کی اہمیت کو تسلیم کرتے ہوئے یو این ڈی پی کے کنٹری آفس پاکستان میں پروگرام اینالسٹ عثمان منظور نے بتایا، "سول سوسائٹی کے اداروں کو 'نئی دنیا' اقدام کے تحت پاکستان بھر میں بھرپور موقع حاصل ہوجاتا ہے کہ وہ منتخب شدہ مقامات پر لوگوں کے مسائل حل کرسکیں۔ ہمارا عزم ہے کہ موجودہ مسائل کے سلسلے میں جدت انگیز سہولیات کو فروغ دیا جائے اور ہمیں کافی امید ہے کہ ایم پی جی او کے ذریعے مقامی لوگوں کی زندگیوں میں مثبت تبدیلی آئے گی۔ " 

کوکا۔کولا اور اقوام متحدہ کی اس شراکت داری بعنوان 'نئی دنیا' کے تحت اسلام آباد اور راولپنڈی میں خواتین کے لئے الگ واش رومز اور پلے گراؤنڈز کے حالات نمایاں طور پر بہتر بناکر 100 سے زائد اسکولوں کو بحال کرچکے ہیں۔ اس پروگرام سے ایک تخمینے کے مطابق 20 ہزار طالبات اور 5 ہزار طالب علم بدستور مستفید ہوتے رہیں گے۔ 

گلگت کے نوجوان نے ایمانداری کی اعلیٰ مثال قائم کردی

گلگت کے نوجوان نے ایمانداری کی اعلیٰ مثال قائم کردی

گلگت بلتستان Admin   9:00 PM

گلگت بلتستان: جہاں لوگ دوسروں کی جیبیں کاٹتے ہیں گھرلوٹتے ہیں، یہاں تک لوٹنے کا کوئی موقع ہاتھ سے جانے نہیں دیتے۔ وہاں ملک کے کچھ ایسے علاقے بھی موجود ہیں جہاں کے لوگ نہایت ایماندار ، مہمان نواز اور قدردان ہوتے ہیں۔ شمالی علاقے جہاں کئی افراد کے لیے خود دو وقت کی روٹی کا حصول بہت مشکل ہوتا ہے وہاں ایک نوجوان مستری عبدلحمید نے ایمانداری کی مثال قائم کردی ہے۔ حمید نے 10 لاکھ کی خطیر رقم اس کے مالک کو واپس کرکے ایمانداری کی اعلیٰ مثال قائم کردی۔

گلگت کے رہائشی 28 سالہ عبدالحمید ورکشاپ میں کام کرتے ہیں جو کام سے فارغ ہوکر اپنے گھر کی جانب روانہ ہوئے تو اسے سڑک پر ایک لاوارث بیگ ملا جسے اس نے کھول کر دیکھا تو وہ بیگ نوٹوں سےبھرا ہوا تھا اورمجموعی طور پر 10 لاکھ کی رقم موجود تھی۔ عبدالحمید نے بیگ کے اصل مالک کی تلاش شروع کردی اور بیگ سے متعلق اپنے دوست احباب سمیت دیگر افراد کو آگاہ کیا جس کے بعد پتا چلا کہ بیگ ایک ٹرانسپورٹ کپنی کے کیشیئر کا ہے۔ عبدالحمید نے مقامی افراد کے ساتھ مل کر کمپنی کے دفتر میں اس بیگ کو اس کے اصل مالک کے حوالے کیا۔

اس موقع پر ایماندار شخص عبدلحمید کا کہنا تھا کہ میں اپنی محنت کی کمائی سے مطمئن ہوں اور اس بیگ سے رقم لینے کا سوچ بھی نہیں سکتا اس لیے بیگ اس کے اصل مالک کے حوالے کردیا۔

ٹائمز آف چترال