پاکستانیوں نےایک سال میں 98 ارب روپے تھری و فورجی انٹرنیٹ پر پھونک دیئے، ٹیلی کام کمپنیوں کے عیش

پاکستانیوں نےایک سال میں 98 ارب روپے تھری و فورجی انٹرنیٹ پر پھونک دیئے، ٹیلی کام کمپنیوں کے عیش

قومی خبریں Admin   10:26 AM

اسلام آباد (مانیٹرنگ ڈیسک) پاکستان میں گزشتہ سال  تھری جی اور فور جی انٹرنیٹ شروع  کی گئی تھی۔  محض ایک سال کے اندر پاکستانیوں نے 98   ارب روپے تھری اور فور جی پر خرچ کئے۔  جبکہ  ایک رپورٹ میں پاکستان کے بارے میں یہ انکشاف بھی کچھ ماہ قبل ہوا تھا کہ پاکستان میں غربت بڑھ رہی ہے۔ اس کے باوجود پاکستان کا مراغات یافتہ طبرہ   اتنی خطیر رقم محض انٹرنیٹ پر خرچ کردیا۔

پاکستان ٹیلی کمیونیکیشن اتھارٹی (پی ٹی اے)کی جانب سے جاری  کی جانے والی سالانہ رپورٹ 2016 میں بتایا گیا ہے کہ گزشتہ ایک سال کے دوران ٹیلی کام کمپنیوں کے آمدنی میں 27 فیصد اضافہ ہوا ہے۔ رپورٹ میں انکشاف کیا گیا ہے کہ گزشتہ مالی سال2015-16 کے دوران ٹیلی کام کمپنیوں کی آمدنی 452.8 ارب روپے رہی ہے ۔  اس کے لئے گزشتہ مالی سال 16-2015کے دوران موبائل بینکنگ کے ذریعے مجموعی طور پر1492ارب روپے کی لین دین  کی گئی ۔ رپورٹ میں یہ بھی  بتایا گیا ہے کہ گزشتہ مالی سال 16-2015کے دوران پاکستان میں ٹیلی ڈینسی ٹی 70.9فیصد رہی ہے۔ مالی سال 26-2015 میں ملک کے قومی خزانے میں ٹیلی کام سیکٹر نے 157.8ارب روپے کا حصہ ڈالا ۔

ٹیلی کام سیکٹر میں 16-2015 میں کل 71 کروڑ 97 لاکھ ڈالر کی سرمایہ کاری کی گئی ۔   ٹیلی کام سیکٹر میں 28 کروڑ 60 لاکھ ڈالر کی براہ راست غیر ملکی سرمایہ کاری ہوئی ۔  ملک میں موبائل برانڈ بینڈ استعمال کرنے والوں کی تعداد 2 کروڑ 95 لاکھ 30 لاکھ ہوچکی ہے اور موبائل فون صارفین کی تعداد 13 کروڑ 32 لاکھ 40 ہزار تک پہنچ چکی ہے۔  موبائل صارفین کی کل تعداد میں سے 3 کروڑ 22 لاکھ 95 ہزار 286 صارفین 3 جی اور 4 جی  انٹرنیٹ سروسز استعمال کررہے ہیں۔

پاکستانیوں نے مالی سال 16-2015 میں مجموعی طور پر 98.82 ارب روپے 3 جی اور  4 جی انٹرنیٹ پر پھونک دیئے۔

موبی لنک اور وارڈ مرج ہوگئے۔ 50 ملین سے زائد صارفین کو ٹیلی کام سروس فراہم کریں گے

موبی لنک اور وارڈ مرج ہوگئے۔ 50 ملین سے زائد صارفین کو ٹیلی کام سروس فراہم کریں گے

کاروباری خبریں Admin   2:33 AM

اسلام آباد (ویب ڈیسک  1 جولائی 2016) ومپل کوم، وارد اور بینک الفلاح نے مشترکہ طور پر آج وارد کی موبی لنک کے ساتھ مرجر کے تکمیل کا اعلان کیا ہے ۔ اب موبلی لنک اور وارد ٹیلی کام  ایک ہوگئے ہیں۔  وارد ٹیلی کام پہلے سے ہی 4 جی نیٹ ورک ہے۔ ایک ہونے کے بعد کمپنی ملک کے 50 سے زائد موبائل صارفین کو  ہائی سپیڈ موبائل ٹیلی کمیونیکیشن سروس فراہم کرے گی۔   ایک ہونے والی کمپنی  اب پاکستان کی سب سے بڑی ٹیلی کام کمپنی بن جائے گی۔ جو 2 جی ، 3 جی اور 4 جی ایل ٹی ای سروسز فراہم  کرے گی۔ 

یوفون کی جانب سے فائر فائٹنگ کے عالمی دن پر #یوفون ٹاور پرخصوصی ڈرل کا انعقاد

یوفون کی جانب سے فائر فائٹنگ کے عالمی دن پر #یوفون ٹاور پرخصوصی ڈرل کا انعقاد

یوفون Admin   5:40 AM

نٹرنیشنل فائر فائٹر ڈے کے موقع پر یوفون کے سی ای او رینر راتھ گیبر فائر فائٹر ز کے ساتھ یوفون ٹاور پر آتشزدگی سے بچاﺅ کی ڈرل کے بعد گروپ فوٹو میں موجود ہیں۔ 

اسلام آباد:  یوفون نے فائر فائٹرز کے عالمی دن بدھ کو اسلام آباد کے بلو ایریا میں یوفون ٹاور پر آتشزدگی سے بچاﺅ کی مشق کا انعقاد کیا جس میں 700 ملازمین نے شرکت کی۔ 

ہر سال 4 مئی کو فائر فائٹنگ کے بین الاقوامی دن کو منانے کا مقصد یہ ہے کہ ان آگ بجھانے والوں کی خدمات کو تسلیم کیا جائے جو انسانوں اور املاک کے تحفظ کے لئے اپنی زندگیاں وقف کرتے ہیں اور اپنی زندگیاں خطرے میں ڈالتے ہیں۔ 

اس موقع پر یوفون کے سی ای او رینر راتھ گیبر (Rainer Rathgeber) نے بتایا، "اس مشق کے ذریعے ہمارے ملازمین کو مستقبل میں کسی بھی ناخوشگوار صورتحال سے نمٹنے میں مدد ملے گی اور یہ مشق آگ بجھانے کے کام کو بھی کسی حد تک آسان بنائے گی۔ اس مشق کا مقصد یہ ہے کہ ملک کے فائر کوڈ سے مطابقت لائی جائے اور دنیا بھر میں فائر فائٹرز کی قربانیوں کو تسلیم اور انہیں خراج عقیدت پیش کیا جائے۔ "

انہوں نے کہا،" یوفون سماجی طور پر ایک ذمہ دار کاروباری ادارہ ہے جو قوانین کی پاسداری کے ذریعے اپنے ملازمین کی حفاظت کا خیال رکھتا ہے۔ ہم اس بات کو یقینی بنانے کے لئے پرعزم ہیں کہ ہمارے تمام ملازمین کام کرنے کی جگہ پر حفاظتی طریقوں سے اچھی طرح واقف ہوں۔"

پاکستان کے فائر کوڈ کے مطابق بلند عمارتوں میں آتشزدگی سے بچاﺅ کی مشقوں کا باقاعدگی سے انعقاد کیا جانا چاہیئے۔ یہ مشق انتظامی اسٹاف اور وہاں موجود افراد کے لئے تھی۔ 

فائر فائٹرز کے عالمی دن کے اہم پہلو ¿ں میں تفصیلی ٹریننگ، بھرپور اہمیت پر ضرور اور آتشزدگی کی روک تھام شامل ہیں۔دنیا بھر میں فائر فائٹنگ اور ان کے اداروں کو اسکول، مقامی سطح پر علاقے، عوامی مقامات، اسمبلیوں اور اپنے خاندانوں کے لئے بھی آتشزدگی سے روک تھام کے سلسلے میں مستقل زور دینے کی ضرورت ہے۔ 

یوفون نے یونس اقبال شیخ کو چیف کمرشل آفیسر مقرر کردیا

یوفون نے یونس اقبال شیخ کو چیف کمرشل آفیسر مقرر کردیا

یوفون Admin   1:18 AM

اسلام آباد:  ٹیلی کام آپریٹر #یوفون نے یونس اقبال شیخ کو نیا چیف کمرشل آفیسر (سی سی او) مقرر کیا ہے، مارکیٹنگ اور سیلز ڈیپارٹمنٹ کی قیادت کریں گے اور کاروبار کووسعت دینے اور ٹیلی کام مارکیٹ میں یوفون کی برتری برقرار رکھنے کے لئے فرائض سرانجام دیں گے۔ 

یونس اقبال شیخ اپنے ہمراہ ٹیلی کام انڈسٹری میں پیشہ ورانہ کام کا 20 سالہ تجربہ ساتھ لائے ہیں اور کیریئر میں ان کی کامیابی کا تسلیم شدہ ٹریک ریکارڈ ہے ۔ یونس اقبال شیخ کو سیلز اینڈ ڈسٹری بیوشن، کسٹمر سروسز، آپریشنز اور مارکیٹنگ کے اہم میدان میں مہارت کے ساتھ کام کرنے میں انتہائی دلچسپی ہے۔ 

انہوں نے اس سے قبل وارد ٹیلی کام لمیٹڈ میں بطور سی سی او، یوفون میں ہیڈ آف سیلز اینڈ جنرل منیجر سیلز، موبی لنک میں ڈائریکٹر ڈسٹری بیوشن، ورلڈ کال میں چیف آپریٹنگ آفیسر (سی او او )اور وائی ٹرائب میں بطور ایگزیکٹو ڈائریکٹر سیلز اینڈ مارکیٹنگ کے طور پر ذمہ داریاں سرانجام دیں۔یونس اقبال شیخ اپنے کیریئر کے اوائل میں سیمنز اور انسٹافون کے ساتھ بھی وابستہ رہے۔ 

یونس اقبال شیخ نے بتایا،

"میں یوفون میں اپنی نئی ذمہ داری سنبھالنے پر انتہائی پرجوش ہوں، مضبوط کسٹمر برانڈ کے ساتھ یوفون کے پاس کام کرنے کے لئے ایک بہترین ٹیم ہے ۔ "

یوفون کے سی ای او رینر ریتھ گیبر نے بتایا،

"یونس اقبال شیخ جیسی بلند سطح کے شخص کی یوفون ٹیم میں واپسی خوشی کا باعث ہے۔ ان کے ٹیلی کام کے شعبے اور یوفون کے ساتھ تعلق کے نتیجے میں یوفون کی ٹیم صارفین کی ضروریات پر توجہ مرکوز رکھنے کے لئے اپنی مستقل کاوش میں مستحکم ہوگی۔ "

پی آر

وارد ٹیلی کام پاکستان میں پہلی مرتبہ گلوبل ایل ٹی ای رومنگ سروسز متعارف کروارہا ہے۔

وارد ٹیلی کام پاکستان میں پہلی مرتبہ گلوبل ایل ٹی ای رومنگ سروسز متعارف کروارہا ہے۔

کاروباری خبریں Admin   12:31 AM

لاہور:  پاکستان کی سب سے قابل اعتماد موبائل فون سروس وارد ٹیلی کام صارفین کو پاکستان میں پہلی بارگلو بل ایل ٹی ای (LTE) رومنگ سروسز کی سہولیات فراہم کر رہی ہے ۔وارد ٹیلی کام‘ سائینورس (Syniverse)کے آئی پی ایکس نیٹ ورک سلوشن اور ڈائیامیٹر سگنلنگ سروسز( IPX Network Solution and Diameter Signaling Services)کی مدد سے یہ سہولت فراہم کرے گاتا کہ اس کے صارفین دنیا بھر میں ایل ٹی ای کی رومنگ سروسز سے مستفید ہوسکیں۔ معاہدے کے تحت وارد ٹیلی کام اپنے بیرون ملک سے آنے والے صارفین کو پاکستان میں 1500سے زائد مقامات پرایل ٹی ای کی سروسز فراہم کرے گا۔

ایل ٹی ای پاکستان میں ایک اہم موبائل فون سروسز کے طور پر ابھر کر سامنے آئی ہے اور گزشتہ چند سالوں میں اس کے مقامی اوربیرون ملک سے آنے والے صارفین کی تعداد میں بھی مستحکم اضافہ ہوا ہے ۔وارد ٹیلی کام کی انٹرنیشنل بزنس ڈائریکٹر عصمہ خان نے کہا ہے کہ ایل ٹی ای سروس تیزی سے نیکسٹ جنریشن ٹیکنالوجی(Next-Generation Technology) سے موبائل سروس کا معیار بنی ہے اور ہمارے صارفین بھی ہم سے توقع کرتے ہیں کہ ان کو LTEکی سروس ہر جگہ میسر ہو۔انہو ں نے کہا کہ سائینورس کے اشتراک سے ہمیں عالمی معیار پر ایل ٹی ای کی سروس کی فراہمی میں مدد ملے گی اور ہمارے صارفین جہاں بھی سفر کریں ‘ ہم انہیںایل ٹی ای کی بہترین اور معیاری خدمات کی فراہمی سے ان کی توقعات کو پورا کرنے کی کوشش کریں گے۔ 

سائینورس کے آئی پی ایکس نیٹ ورک سلوشن اور ڈائیامیٹر سگنلنگ سروس عالمی معیار پر ایل ٹی ای نیٹ ورکس کا رابطہ قائم کرتے ہیں تاکہ کہیں بھی اور کسی بھی وقت ایل ٹی ای کی سروسز سے فائدہ اٹھایا جا سکے۔ایل ٹی ای کی اس قسم کی سروس کیلئے آئی پی ایکس نیٹ ورک کی ڈویلپمنٹ ایک مشکل مرحلہ ہوتا ہے ‘ یہ ڈویلپمنٹ ریڑھ کی ہڈی کی سی حیثیت رکھتی ہے‘جو کہ ایل ٹی ای اور ایل ٹی ای رومنگ کو ممکن کرتی ہے۔ اس کے علاوہ ڈائیامیٹر سے انڈسٹری اسٹینڈرڈ سگنلنگ پروٹوکول ممکن ہوتاہے تاکہ مکمل راوٹنگ اور پیغامات کی ڈلیوری ممکن ہو سکے ۔ 

سائینورس اپنے آپریٹرز کو گلوبل ایل ٹی ای سروس اورکمپنی کے تمام آئی پی نیٹ ورکس کورابطہ قائم کرنے کے حوالے سے پیش آنے والی مشکلات کا بہترین حل فراہم کرتاہے ۔اس وقت یہ سسٹم دنیا کے 66ممالک میں 320آپریٹرز کے ساتھ 2300ایل ٹی ای رومنگ روٹس کے کنکشن کے حوالے سے کام کر رہا ہے ۔ 

اس ضمن میںسائینورس کی یورپ ‘ مشرق وسطیٰ ‘ افریقہ اور انڈیا میں سیلز کے ایگزیکٹیو وائس پریذیڈنٹ مہیش پرساد نے کہا کہ GSMAکے اندازے کے مطابق 2020ءتک ایل ٹی ای کے عالمی سطح پر صارفین کی3ارب ہو جائے گی جو کہ دنیا کی کل آبادی کا 60فیصد ہونگے‘ ایسے میں ایل ٹی ای کے کنکشن اور سروسز میں غلطی کی کوئی گنجائش نہیں ہوگی ۔ انہوں نے کہا کہ چونکہ ہم عالمی سطح پر ایل ٹی ای کی سروسز فراہم کرنےوالے بانیوں میں سے ہیں لہذا ہم اپنی خصوصیات اور تجربہ کا استعمال کریں گے تاکہ وارد ٹیلی کام جلد از جلد اور اغلاط سے پاک ایل ٹی ای رومنگ سروسز کو عالمی سطح پر متعارف کروا سکے ۔#