انگلش بسکٹ کی جانب سے 15 ویں سالانہ ینگ لیڈرز کانفرنس 2016 میں تعاون کا اعلان

انگلش بسکٹ کی جانب سے 15 ویں سالانہ ینگ لیڈرز کانفرنس 2016 میں تعاون کا اعلان

کاروباری خبریں Admin   4:29 AM

کراچی:  پاکستان کی اولین بسکٹ کمپنی انگلش بسکٹ مینو فیکچررز (ای بی ایم) اسکول آف لیڈر شپ کی سالانہ ینگ لیڈرز کانفرنس (وائی ایل سی) کے 15 ویں ایڈیشن کے لئے تعاون کر رہی ہے ۔ یہ چھ روزہ کانفرنس کراچی میں منعقد ہورہی ہے جو 26 جولائی سے 31 جولائی تک جاری رہے گی۔ اس کانفرنس میں 300 سے زائد نوجوان پاکستان بھر سے شرکت کررہے ہیںجن میں سے 30کو ای بی ایم کی جانب سے اسپانسر کیا جارہا ہے۔ 

ای بی ایم کی اسکول آف لیڈرشپ کے ساتھ 15 سال سے قائم مستقل پارٹنرشپ ایک جدید اور ترقی یافتہ معاشرے کے قیام کیلئے نوجوانوںکو رہنمائی فراہم کرنے کے کمپنی کے غیر متزلزل عزم کا واضح ثبوت ہے۔ اس سال کانفرنس کا موضوع 'ہائی وے ' ہے۔ جس کا مقصد یہ ہے کہ روایتی طریقوں کو چیلنج کرنے کیلئے نوجوانوں کی حوصلہ افزائی کی جائے تاکہ وہ اپنے ارد گرد سے متعلق خود اپنی سوچ بنائیں اور روایتی طور طریقوں کو ترک کر کے اپنے لئے خود نئی راہیں متعین کریں ۔ 

ای بی ایم کی سی ای او اور منیجنگ ڈائریکٹر ڈاکٹر زیلف منیر نے اس کانفرنس کے بارے میں رائے دیتے ہوئے کہا ، 'ہمیں یقین ہے کہ آج کے نوجوان مستقبل کے لیڈرز ہیں اور ہمارا مشہور پائیڈ پائپر نوجوانوں کے اس سفر کا حصہ رہے گا اور ویژنری لیڈرز بننے میں ان کی حوصلہ افزائی کرے گا۔لیڈرشپ ہماری بنیادی اقدار کا لازمی حصہ ہے اور اسی مناسبت سے یہ ایک قدرتی امر ہے کہ ہم نوجوانوں میں تخیلاتی سوچ پیدا کرنے اور ان کو نمایاں لیڈر بنانے کیلئے اپنی ذمہ داری احسن طریقے سے نبھائیں۔ اس سال پاکستان کی اولین بسکٹ کمپنی کا مقصد یہ ہے کہ نوجوان آگے بڑھیں اور ہر ممکن حد تک وہ چیزیں سیکھیں جو مستقبل میں ان کے کیریئر پر اثر انداز ہو سکتی ہیں۔ ای بی ایم میں اپنے تجربے سے اور وائی ایل سی سے اپنی 15 سالہ طویل وابستگی کے بنیاد پر ہم نے یہ نتیجہ اخذ کیا ہے کہ ہمت ، محنت اور عزم کے ذریعے لیڈرشپ کی منزل حاصل کی جاسکتی ہے۔ '

چھ روزہ کانفرنس میں انٹرایکٹو ورکشاپس، پینل ڈسکشن، تقاریر اور سیکھنے سے متعلق دیگر سرگرمیاں شامل ہیں جن کا بنیادی مقصد 18 سے 24 سال کے نوجوانوں کی مہارتوں میں ترقی اور جدت لانا ہے ۔ ای بی ایم اپنے اس جامع لیڈرشپ پروگرام کے دوران پاکستان بھر کے مستحق اور باصلاحیت نوجوانوں کو رہنما بنانے کے لئے باقاعدگی سے اسپانسر کررہا ہے۔ 

پیک فرینز کے بسکٹ بنانے والی انگلش بسکٹ مینوفیکچررز پرائیویٹ لمیٹڈ 1966میں پاکستان میں پہلی صحت بخش اور حفظان صحت سے مزین پیکیجڈ بسکٹس تیار کرنے والی کمپنی کے طور پر قائم ہوئی۔ گزشتہ 50سال میں ای بی ایم کا نام صارفین کے لئے اعتماد اور بھروسے کی علامت بن چکا ہے جو اسے پاکستان کی صف اول کی بسکٹ ساز کمپنی بناتی ہے۔ ای بی ایم آئی ایس او 14001، آئی ایس او 9001 اور ایچ اے سی سی پی کی اسناد حاصل کرنے والی پاکستان کی پہلی بسکٹ ساز کمپنی ہے۔ پیک فرینز کا برانڈ بین الاقوامی سطح پر بھی مقبول سپربرانڈز کے اسٹیٹس کا حامل ہے۔ 

ریوبسکٹ اور ڈبلیو ڈبلیو ایف 17 اپریل کو سالانہ نیچر کارنیول منعقد کریں گے

ریوبسکٹ اور ڈبلیو ڈبلیو ایف 17 اپریل کو سالانہ نیچر کارنیول منعقد کریں گے

کاروباری خبریں Admin   2:31 AM

کراچی (اردو وائس پاکستان 15 اپریل 2016)  پاکستان کے صف اول کے کریم بسکٹ ریو بنانے والا برانڈ پیک فرینز ، ڈبلیو ڈبلیو ایف کے اشتراک سے سالانہ ٹریولنگ نیچر کارنیول منعقد کر وا رہا ہے۔ اس میلے کا انعقاد 17 اپریل ، 2016 کو پی اے ایف میوزیم کراچی میں صبح 9:00 بجے سے شام 5:00 بجے تک کیا جائے گا۔

              فائل فوٹو               

اس میلے کا مقصد بچوں اور بڑوں میں ماحول کی اہمیت اور ماحول کے تحفظ کے بارے میں آگاہی پیدا کرنا ہے۔ کراچی اور اندورون سندھ کے پچاس سے زائد اسکول اس میلے میں شرکت کریں گے اور 3D ماڈلز ، پریزینٹیشن اور دیگر ذرائع اپنے آرٹ اور سائنس کے کام کو نمایاں کریں گے۔اسکولز کے درمیان مضمون نویسی اور کوئز کے مقابلے بھی منعقد ہوں گے۔ 

انگلش بسکٹ مینو فیکچرز کے ہیڈ آف مارکیٹنگ ، ذوالفقار علی انصاری نے اس میلے کے بارے میں اپنی رائے دیتے ہوئے کہا

” جب آپ پیک فرینز ریو کے بارے میں سوچتے ہیں تو آپ بالخصوص بچے تفریح اور ذائقہ سے بھرپور تجربے کو یاد رکھتے ہیں۔ اس کام کو ذمہ داری سے سرانجام دینے کے لئے ہم ماحولیاتی تحفظ کے لئے اقدامات کو فروغ دینے کی کوشش کر رہے ہیں۔ای بی ایم مسلسل ماحول کے تحفظ کے اقدامات کے فروغ کے لئے کوشاں رہتا ہے اور ڈبلیو ڈبلیو ایف کے ہمراہ ہم اس پلیٹ فارم کو استعمال کرتے ہوئے طالب علموں میں ماحول کے بارے میں احساس ذمہ داری اُجاگر کرنا چاہتے ہیں۔

 ڈبلیو ڈبلیو ایف کے سینئر ڈائریکٹر ۔ بائیو ایڈورسٹی، رب نواز نے اپنے تاثرات کا اظہار کرتے ہوئے کہا کہ

’’نیچر کارنیول کی خصوصیات میں نوجوانوں اور طالب علموں کے لئے بہت کشش ہے اور معاشرے کا یہ طبقہ تیزی سے ختم ہوتے ہوئے قدرتی وسائل کے بارے میں آاگاہی فراہم کرنے میں اہم کردار ادا کر سکتا ہے۔ مزید براں یہ انسانوں کا قدرت سے رابطہ استوار کرنے میں اہم ثابت ہو گا۔ انہوں نے مزید کہا ” پائدار مستقبل اور ایک متوازن معاشرہ قائم کرنے کے لئے یہ ضروری ہے کہ ہر شخص اپنے کردار کو سمجھے “

اس سال کے مقابلوں کا مرکزی خیال جانور اور جھیلوں کے پودے، تعلیمی اداروں میں شجر کاری، پانی اور ہوائی آلودگی کے صحت پر اثرات ، میٹھے پانی کا تحفظ، توانئی کا تحفظ اور کاربن فٹ پرنٹ میں کمی پر مبنی ہے۔جیتنے والے کو تحائف اور اسناد دی جائیں گی ۔ 

میلے کے دوران پتلی تماشہ ، میجک شو، اسٹیج شو اور موسیقی کا بھی اہتمام ہوگا۔ میلے کے شرکاء لکی ڈرا اور فوڈ کورٹ سے بھی لطف اندوز ہو سکیں گے۔ میلہ فیملیز کے لئے ہے جہاں ان کو اپنے بچوں کے ساتھ تفریح کے علاوہ سیکھنے کا موقع بھی ملے گا اور وہ شرکاءاور ان کے بنائے گئے پروجیکٹس کی حوصلہ افزائی بھی کر سکیں گے۔